Lalai 63:1-11
Lala ni David fo be ni eyɔɔ Yuda ŋa lɛ nɔ lɛ.+
63 Ao Nyɔŋmɔ, bo ji mi-Nyɔŋmɔ, miyaa nɔ mitaoɔ osɛɛ gbɛ.+
Ohe kumai miiye mi.*+
Mihiɛ etse bo aahu akɛ mifee* gbedeeYɛ shikpɔŋ ni nɔ egbi keketee, ni nu bɛ nɔ lɛ nɔ.+
2 Nakai mitao bo yɛ he krɔŋkrɔŋ lɛ;Mina ohewalɛ lɛ kɛ onunyam lɛ.+
3 Akɛni osuɔmɔ ni tsakeee lɛ hi fe wala hewɔ lɛ,+Mi diɛŋtsɛ minaabu baawo ohiɛ nyam.+
4 Nakai majie oyi miwala gbii abɔ fɛɛ;Ogbɛ́i lɛ mli mahole miniji anɔ yɛ.
5 Mitɔ* kɛ nɔ ni hi fe fɛɛ kɛ nɔ ni nɔ bɛ,*No hewɔ ni midaaŋ baajie oyi kɛ miishɛɛ naabu lɛ.+
6 Mikaiɔ bo be ni mikã misaa nɔ;Mijwɛŋɔ onɔ yɛ nyɔɔŋ bei ni abuɔ lɛ mli.+
7 Ejaakɛ bo ji miyelikɛbualɔ,+Ni miboɔ kɛ miishɛɛ yɛ ofiji ashishi hɔɔŋ lɛ mli.+
8 Mikpɛtɛɔ* bo;Oninejurɔ hiɛɔ mimli kpɛŋŋ.+
9 Shi mɛi ni taoɔ akpãtã miwala hiɛ lɛ*Baakpeleke shi kɛya shikpɔŋ lɛ shishi tɔ̃ɔ.
10 Akɛ amɛ baawo klante hewalɛ lɛ dɛŋ;Amɛbaatsɔmɔ ŋa mli gbei* aniyenii.
11 Shi maŋtsɛ lɛ baanya yɛ Nyɔŋmɔ hewɔ.
Mɔ fɛɛ mɔ ni kãa lɛ* kitã lɛ baanya,*Ejaakɛ abaahã mɛi ni maleɔ lɛ anaabu afee diŋŋ.
Shishigbɛ Niŋmaa
^ Loo “misusuma.”
^ Hebri sht. ŋm., “miheloo efee.”
^ Hebri sht. ŋm., “kɛ wuiaŋfɔ kɛ fɔ.”
^ Loo “Misusuma etɔ.”
^ Loo “Misusuma kpɛtɛɔ.”
^ Loo “akpãtã misusuma hiɛ lɛ; agbe mi lɛ.”
^ Loo “osɔi.”
^ Ni ji, Nyɔŋmɔ.
^ Loo “baashwã.”
