Lalai 62:1-12
Kɛhã lalatsɔɔlɔ lɛ; yɛ Yedutun* gbɛ nɔ. Lala ni David fo.
62 Anɔkwa, mifee diŋŋ, ni miimɛ* Nyɔŋmɔ.
Lɛ eŋɔɔ miyiwalaheremɔ jɛɔ.+
2 Anɔkwa, lɛ ji mitɛsaa kɛ miyiwalaheremɔ, mibobaahe ni yɔɔ shweshweeshwe;*+Mikpokpoŋ kɔkɔɔkɔ.+
3 Mɛɛ be nɔŋŋ nyɛbaahao gbɔmɔ ni nyɛgbe lɛ kɛyashi?+
Nyɛ fɛɛ nyɛhe yɛ oshãra tamɔ gbogbo ni ekpa, tɛ gbogbo ni miihe agbee shi.*
4 Ejaakɛ amɛyaa ajina koni amɛtsi lɛ amɛtswa shi kɛje egbɛhe ni nɔ kwɔ lɛ;*Amɛsumɔɔ malemɔ.
Amɛkɛ amɛnaabu jɔɔ, shi amɛlomɔɔ yɛ amɛmli.+ (Sela)
5 Anɔkwa, mifee diŋŋ, ni miimɛ* Nyɔŋmɔ+Ejaakɛ lɛ edɛŋ nɔ ni mihiɛ kã nɔ lɛ jɛɔ.+
6 Anɔkwa, lɛ ji mitɛsaa kɛ miyiwalaheremɔ, mibobaahe ni yɔɔ shweshweeshwe;Mikpokpoŋ kɔkɔɔkɔ.+
7 Nyɔŋmɔ nɔ miyiwalaheremɔ kɛ minunyam kã.
Mitɛsaa ni wa kɛ mibobaahe ji Nyɔŋmɔ.+
8 Nyɛ maŋbii, nyɛkɛ nyɛhiɛ afɔ̃a enɔ be fɛɛ be.
Nyɛfɔsea nyɛtsuiiaŋ nyɛshwiea ehiɛ.+
Nyɔŋmɔ ji abobaahe kɛhã wɔ.+ (Sela)
9 Gbɔmɛi abii lɛ, kɔɔyɔɔ ni amuɔ kɛkɛ ji amɛ,Adesai abii lɛ, amale abobaahe ji amɛ.+
Kɛ́ akɛ amɛ fɛɛ shwie nsɛnii anɔ lɛ, amɛtsiimɔ shɛɛɛ kɔɔyɔɔ ni amuɔ po.+
10 Nyɛkɛ nyɛhiɛ akafɔ̃a ojotswaa* nɔ,Ni nyɛkɛ nyɛhiɛ akafɔ̃a juu nɔ.
Kɛ́ nii ni nyɛyɔɔ lɛ shwere lɛ, nyɛkɛ nyɛtsui akafɔ̃a nɔ.+
11 Shi kome Nyɔŋmɔ ewie, ni minu enɛ shii enyɔ:
Akɛ hewalɛ lɛ, Nyɔŋmɔ nɔ ni.+
12 Ao Yehowa, bo nɔŋŋ onɔ ji suɔmɔ ni tsakeee,+Ejaakɛ otoɔ mɔ fɛɛ mɔ najiaŋ yɛ enitsumɔi lɛ anaa.+
Shishigbɛ Niŋmaa
^ Kwɛmɔ Wiemɔi Titrii Amligbalamɔ lɛ.
^ Loo “misusuma miimɛ.”
^ Loo “migɔŋ nɔ mɔɔ ni yɔɔ shweshweeshwe.”
^ Shishitsɔɔmɔi komɛi kɛɔ akɛ, “Nyɛ fɛɛ, tamɔ nɔ ni eji gbogbo ni ekpa, tɛ gbogbo ni miihe agbee shi.”
^ Loo “kɛje egbojee lɛ mli.”
^ Loo “mifee diŋŋ, misusuma miimɛ.”
^ Loo “nii ni nyɛshɔ̃ɔ yɛ mɛi adɛŋ.”
