Lalai 60:1-12
Kɛhã lalatsɔɔlɔ lɛ; akɛfɔ̃ “Kaimɔ Lili.” Miktam.* David nɔ. Kɛhã nitsɔɔmɔ. Be ni ekɛ Aram-naharaim kɛ Aram-Zoba yawu, ni Yoab ku esɛɛ eba ebagbe Edombii 12,000 yɛ Ŋoo Jɔɔ lɛ mli lɛ.+
60 Ao Nyɔŋmɔ, okwa wɔ; okumɔ wɔ.+
Omli efu wɔ; shi agbɛnɛ, heremɔ wɔ kɛba oŋɔɔ ekoŋŋ!
2 Ohã shikpɔŋ lɛ hoso; ohã emli gbala.
Saamɔ hei ni egbala lɛ, ejaakɛ eegbee shi.
3 Ohã omaŋ lɛ eyaje jaramɔ shihilɛ mli.
Ohã wɔ wain wɔnu ni ehã wɔmiididãa.+
4 Wó* okadi ko nɔ ohã mɛi ni sheɔ bo gbeyei lɛKoni amɛjo foi ni amɛje gãi lɛ naa. (Sela)
5 Koni ajie mɛi ni osumɔɔ lɛ,Okɛ oninejurɔ ahere wɔ ni ohere wɔnɔ.+
6 Nyɔŋmɔ ejɛ ekrɔŋkrɔŋfeemɔ lɛ mli* ewie akɛ:
“Manya, mikɛ Shekem baahã akɛ gboshinii,+Ni masusu Sukot Jɔɔ lɛ.+
7 Gilead lɛ minɔ ni, tamɔ bɔ ni Manase ji minɔ lɛ,+Ni Efraim ji miyitso dade fai;*Yuda lɛ, minɔyelitso ni.+
8 Moab ji okpolu ni mijuɔ mihe yɛ mli.+
Mashɛ mitokota lɛ mafɔ̃ Edom nɔ.+
Mabɔ kunimyeli oshe mashwie Filistia nɔ.”+
9 Namɔ kɛ mi baaya maŋ ni awo he ka* lɛ he?
Namɔ kɛ mi baaya Edom tɔ̃ɔ?+
10 Ao Nyɔŋmɔ, ani jeee bo, bo mɔ ni okwa wɔ lɛ,Wɔ-Nyɔŋmɔ, bo mɔ ni ofataaa wɔsraafoi lɛ ahe kɛyaaa ta dɔŋŋ lɛ?+
11 Ye obua wɔ yɛ wɔhaomɔ lɛ mli,Ejaakɛ yiwalaheremɔ ni jɛ gbɔmɛi adɛŋ lɛ, sɛɛnamɔ bɛ he.+
12 Nyɔŋmɔ ji mɔ ni baahã wɔ hewalɛ,+Ni lɛ ebaanaanaa wɔhenyɛlɔi lɛ anɔ.+
Shishigbɛ Niŋmaa
^ Kwɛmɔ Wiemɔi Titrii Amligbalamɔ lɛ.
^ Shishitsɔɔmɔi komɛi kɛɔ akɛ, “Owó.”
^ Shishitsɔɔmɔi komɛi kɛɔ akɛ, “ejɛ ehe krɔŋkrɔŋ lɛ.”
^ Hebri sht. ŋm., “miyitso teemɔhe.”
^ Shishitsɔɔmɔi komɛi kɛɔ akɛ, “maŋ ni atswa gbogbo awo he.”
