Lalai 6:1-10
Kɛhã lalatsɔɔlɔ lɛ; akɛ kpãa saŋkui ni atsi kɛfɔ̃ Sheminit* alá. Lala ni David fo.
6 Ao Yehowa, kaajaje mi yɛ omlifu lɛ mli,Ni kaatsɔse mi yɛ omlila lɛ mli.+
2 Naa mi mɔbɔ,* Ao Yehowa, ejaakɛ miigbɔjɔ.
Tsa mi, Ao Yehowa,+ ejaakɛ miwui miihoso.
3 Anɔkwa, mihao* waa diɛŋtsɛ,+Ni miibi bo, Ao Yehowa, akɛ kɛyashi mɛɛ be?+
4 Kuu osɛɛ, Ao Yehowa, ni obajie mi;*+Heremɔ miyiwala yɛ osuɔmɔ ni tsakeee lɛ hewɔ.+
5 Ejaakɛ atsĩii ota* yɛ gbele mli;Namɔ po baajie oyi yɛ Gbonyobu* lɛ mli?+
6 Mikɛ̃ɛmɔ lɛ ehã migbɔjɔ;+Jenamɔ muu fɛɛ lɛ, mifɔɔ misaa lɛ kɛ yaafonui;*Mihãa misaatso lɛ yiɔ kɛ yaafonui.+
7 Awerɛhoyeli ehã mihiŋmɛi nɔ eha;+Enaaa nii jogbaŋŋ* yɛ mɛi fɛɛ ni haoɔ mi lɛ ahewɔ.
8 Nyɛjea minɔ nyɛyaa, nyɛ mɛi fɛɛ ni feɔ efɔŋ,Ejaakɛ Yehowa baanu miyaafo gbee lɛ.+
9 Yehowa baanu fai ni mikpaa koni ena mi mɔbɔ lɛ;+Yehowa baahã misɔlemɔ lɛ hetoo.
10 Mihenyɛlɔi lɛ fɛɛ ahiɛ baagboi ni amɛbaafee basaa;Amɛkɛ hiɛgbele baaku amɛsɛɛ trukaa.+
Shishigbɛ Niŋmaa
^ Kwɛmɔ Wiemɔi Titrii Amligbalamɔ lɛ.
^ Loo “Dromɔ mi.”
^ Loo “misusuma ehao.”
^ Loo “misusuma.”
^ Loo “akaiii bo.”
^ Hebri mli lɛ, “Sheol,” ni ji, mfonirifeemɔŋ gbonyobu kome kɛhã adesai. Kwɛmɔ Wiemɔi Titrii Amligbalamɔ lɛ.
^ Hebri sht. ŋm., “mihãa misaa lɛ sereɔ.”
^ Loo “Mihiŋmɛi egbɔ.”
