Lalai 59:1-17

  • Nyɔŋmɔ lɛ, tsɛŋ kɛ abobaahe ji lɛ

    • ‘Kaana mɔ ni jeɔ mɔ sɛɛ lɛ mɔbɔ’ (5)

    • “Malá ohewalɛ lɛ he lala” (16)

Kɛhã lalatsɔɔlɔ lɛ; akɛfɔ̃ “Kaakpãtã Hiɛ.” David nɔ. Miktam.* Be ni Saul tsu mɛi koni amɛyabu David shĩa lɛ* he koni amɛgbe lɛ lɛ.+ 59  Ao mi-Nyɔŋmɔ, jiemɔ mi kɛje mihenyɛlɔi lɛ adɛŋ;+Buu mihe kɛje mɛi ni teɔ shi amɛshiɔ mi lɛ ahe.+   Jiemɔ mi kɛje mɛi ni feɔ efɔŋ lɛ adɛŋ,Ni ohere mi kɛje mɛi ni feɔ yiwalɛ nii* lɛ adɛŋ.   Naa! Amɛwoɔ mi* antɛo;+Hii ni he wa tutuaa miAo Yehowa, jeee yɛ atua ni mitse loo esha ko ni mifee lɛ hewɔ.+   Eyɛ mli akɛ mifeko nɔ ko moŋ, shi amɛhiɛ foi amɛmiiba amɛbatutua mi. Kɛ́ mibo mitsɛ bo lɛ, tee shi ni okwɛ.   Ejaakɛ bo Yehowa Nyɔŋmɔ taiatsɛ, bo ji Israel Nyɔŋmɔ.+ Ohiɛ atsɛ̃ ni okwɛ jeŋmaji lɛ fɛɛ amli. Kaana awuiyelɔ ko ni jeɔ mɔ sɛɛ lɛ mɔbɔ.+ (Sela)   Amɛkuɔ amɛsɛɛ amɛbaa daa gbɛkɛ;+Amɛbolɔɔ tamɔ gbei+ ni amɛdɛkɛɔ shi kɛbɔleɔ maŋ lɛ.+   Kwɛmɔ nɔ ni jɛɔ* amɛdaaŋ;Amɛnaabui tamɔ klantei,+Ejaakɛ amɛkɛɔ akɛ: “Namɔ nuɔ nɔ ni wɔkɛɔ lɛ?”+   Shi bo Yehowa, obaaŋmɔ amɛ;+Obaaye jeŋmaji lɛ fɛɛ ahe fɛo.+   Ao mi-Hewalɛ, maya nɔ makwɛ bo gbɛ;+Ejaakɛ Nyɔŋmɔ ji mibobaahe ni yɔɔ shweshweeshwe.*+ 10  Nyɔŋmɔ, mɔ ni jieɔ suɔmɔ ni tsakeee kpo etsɔɔ mi lɛ baaye ebua mi;+Nyɔŋmɔ baahã mana be ni ayeɔ mɛi ni nyɛɔ mi lɛ anɔ kunim lɛ.+ 11  Ao Yehowa, wɔtsɛŋ,+ kaagbe amɛ, no lɛ, mimaŋbii lɛ ahiɛ baakpa nɔ. Okɛ ohewalɛ lɛ ahã amɛtsomlo;Ni ohã amɛgbee shi. 12  Amɛdaaŋ esha lɛ kɛ amɛnaa wiemɔ lɛ hewɔ lɛ,Amɛhenɔwomɔ lɛ atsɔ tsɔne ahã amɛ,+Yɛ loomɔ ni amɛlomɔɔ kɛ lakamɔ ni amɛlakaa mɛi lɛ hewɔ. 13  Kpatamɔ amɛhiɛ yɛ omlifu lɛ mli;+Kpatamɔ amɛhiɛ, koni amɛtã;Koni amɛná amɛle akɛ Nyɔŋmɔ ji mɔ ni yeɔ Yakob nɔ, kɛ agbɛnɛ hu, kɛyashi shikpɔŋ lɛ naagbeehei lɛ.+ (Sela) 14  Hã amɛku amɛsɛɛ amɛba gbɛkɛ mli;Hã amɛbolɔ tamɔ gbei ni amɛdɛkɛ shi kɛbɔle maŋ lɛ.+ 15  Hã amɛtsomlo kɛtao nɔ ni amɛbaaye;+Kaahã amɛtɔrɔ, ni kaahã amɛná he ko amɛjɔɔ amɛhe yɛ. 16  Shi mi lɛ, malá ohewalɛ lɛ he lala;+Leebi lɛ, mikɛ miishɛɛ baawie osuɔmɔ ni tsakeee lɛ he. Ejaakɛ bo ji mibobaahe ni yɔɔ shweshweeshwe+Kɛ he ni mijoɔ foi kɛyaa yɛ mihaomɔ beiaŋ.+ 17  Ao mi-Hewalɛ, malá majie* oyi,+Ejaakɛ Nyɔŋmɔ ji mibobaahe ni yɔɔ shweshweeshwe, Nyɔŋmɔ ni jieɔ suɔmɔ ni tsakeee kpo etsɔɔ mi lɛ.+

Shishigbɛ Niŋmaa

Hebri sht. ŋm., “amɛyabu shĩa lɛ.”
Loo “mɛi ni lá he kumai yeɔ amɛ.”
Loo “misusuma.”
Loo “nɔ ni tswaa kɛjɛɔ.”
Loo “migɔŋ nɔ mɔɔ ni yɔɔ shweshweeshwe.”
Loo “matswa lala kɛjie.”