Lalai 58:1-11
-
Nyɔŋmɔ ko yɛ ni kojoɔ shikpɔŋ lɛ
-
Mɛi fɔji atoigbalamɔ he sɔlemɔ (6-8)
-
Kɛhã lalatsɔɔlɔ lɛ; akɛfɔ̃ “Kaakpãtã Hiɛ.” David nɔ. Miktam.*
58 Kɛ́ nyɛfee diŋŋ lɛ, ani nyɛbaanyɛ nyɛwie jalɛ nifeemɔ he?+
Nyɛ gbɔmɛi abii, ani nyɛbaanyɛ nyɛkojo yɛ gbɛ ni ja nɔ?+
2 Nii ni ejaaa he ŋaa nyɛtsɔɔ moŋ yɛ nyɛtsui mli,+Ni nyɛkɛ nyɛniji yeɔ awui yɛ shikpɔŋ lɛ nɔ.+
3 Mɛi fɔji gbaa afã kɛjɛɔ* amɛfɔmɔ mli tɔ̃ɔ.*Amɛduɔ gbɛ, amɛmaleɔ kɛjɛɔ be ni afɔ amɛ lɛ tɔ̃ɔ.
4 Amɛmli pɔizin lɛ tamɔ onufu mli pɔizin;+Amɛmu toi tamɔ blikã ni etsimɔ etoi.
5 Ebooo mɛi ni tsɔɔ majik nɔ amɛjɔɔ onufu he lɛ agbee toi,Ekɔɔɔ he eko bɔ ni amɛhe esa ehã.
6 Ao Nyɔŋmɔ, famɔmɔ amɛnyanyɔji yɛ amɛdaaŋ!
Ao Yehowa, jwaramɔ jatai* nɛɛ akadaji!
7 Amɛlaaje tamɔ nu ni hoɔ.
Edɔ* egãi lɛ koni ekɛ egãimlibii lɛ ahã amɛgbeegbee shi.
8 Amɛtsɔmɔ tamɔ waa ni sereɔ be ni ehoɔ eyaa lɛ;Tamɔ bi ni gbo yɛ yoo musuŋ dani afɔ lɛ, ni enaaa hulu!
9 Dani nyɛkukwɛii lɛ baanu ŋmeitso la lɛ he lɛ,Ebaabɛɛ ŋmeitso ŋmɔŋ lɛ kɛ nɔ ni miitso lɛ fɛɛ kɛya tamɔ kɔɔyɔɔ ni naa wa.+
10 Jalɔ baanya ejaakɛ ena oweletɔɔ lɛ;+Mɛi fɔji alá lɛ baawu enaji ahe.+
11 Kɛkɛ lɛ, gbɔmɛi baakɛɛ akɛ: “Abaajɔɔ jalɔi lɛɛlɛŋ.+
Nyɔŋmɔ ko yɛ ni kojoɔ yɛ shikpɔŋ lɛ nɔ lɛɛlɛŋ.”+
Shishigbɛ Niŋmaa
^ Kwɛmɔ Wiemɔi Titrii Amligbalamɔ lɛ.
^ Hebri sht. ŋm., “kɛjɛ musu mli.”
^ Loo “Mɛi fɔji ajeŋba ekpɔtɔ kɛjɛ.”
^ Loo “jata oblahii kɛ amɛkuɛ he tsɔi.”
^ Ni ji, Nyɔŋmɔ.
