Lalai 56:1-13

  • Be ni aawa mɔ ko yi lɛ he sɔlemɔ

    • “Nyɔŋmɔ nɔ mikɛ mihiɛ fɔ̃ɔ” (4)

    • “Okɛ mihiɛ yaafonui lɛ awo okooloo hewolo tɔ lɛ mli” (8)

    • “Mɛni adesa baanyɛ afee mi?” (4, 11)

Kɛhã lalatsɔɔlɔ lɛ; akɛfɔ̃ “Okpo Ni Yɔɔ Shɔŋŋ Ni Efee Diŋŋ” lɛ. David nɔ. Miktam.* Be ni Filistibii lɛ mɔ lɛ yɛ Gat+ lɛ. 56  Ao Nyɔŋmɔ, naa mi mɔbɔ ejaakɛ gbɔmɔ adesa* etsɛ̃ kɛmiiba minɔ.* Amɛkɛ mi nɔɔ ni amɛwaa mi yi gbi muu fɛɛ.   Gbi muu fɛɛ lɛ, mɛi ni nyɛɔ mi lɛ yaa nɔ amɛkaa akɛ amɛbaami mi;Mɛi babaoo jɛɔ henɔwomɔ mli amɛkɛ mi nɔɔ.   Kɛ́ gbeyei mɔ mi lɛ,+ mikɛ mihiɛ fɔ̃ɔ onɔ.+   Nyɔŋmɔ—mɔ ni mijieɔ ewiemɔ yi lɛ—nɔ,Nyɔŋmɔ nɔ mikɛ mihiɛ fɔ̃ɔ; misheee gbeyei. Mɛni gbɔmɔ* baanyɛ afee mi?+   Sane sɔŋŋ amɛtaoɔ amɛhãa mi gbi muu fɛɛ;Nɔ ni amɛjwɛŋɔ nɔŋŋ ji, ni amɛye mi awui.+   Amɛteɔ amɛhe koni amɛtutua mi;Amɛkwɛɔ minajifaamɔi fɛɛ,+Koni amɛgbe mi.*+   Shɛrɛmɔ amɛ oshwie yɛ amɛnɔfɔŋfeemɔ lɛ hewɔ. Ao Nyɔŋmɔ, wó jeŋmaji lɛ otswia shi yɛ omlifu lɛ mli.+   Oŋmaa mitsomlomɔ lɛ fɛɛ otoɔ.+ Okɛ mihiɛ yaafonui lɛ awo okooloo hewolo tɔ lɛ mli.+ Ani aŋmalako fɛɛ yɛ owolo lɛ mli?+   Gbi nɔ ni mabo matsɛ bo kɛhã yelikɛbuamɔ lɛ, mihenyɛlɔi lɛ baajo foi.+ Miyɛ nɔmimaa akɛ: Nyɔŋmɔ yɛ misɛɛ.+ 10  Nyɔŋmɔ—mɔ ni mijieɔ ewiemɔ yi lɛ—nɔ,Yehowa—mɔ ni mijieɔ ewiemɔ yi lɛ—nɔ 11  Nyɔŋmɔ nɔ mikɛ mihiɛ fɔ̃ɔ; misheee gbeyei.+ Mɛni adesa baanyɛ afee mi?+ 12  Ao Nyɔŋmɔ, shi ni miwo bo lɛ efimɔ mi;+Mikɛ shidaa wiemɔi baashã afɔle mahã bo.+ 13  Ejaakɛ ojie mi* kɛje gbele mli+Ni obu minajifaamɔi ahe koni mikatɛ,+Bɔ ni afee ni manyiɛ yɛ Nyɔŋmɔ hiɛ yɛ la ni kpɛɔ hiɛkãalɔi anɔ lɛ mli.+

Shishigbɛ Niŋmaa

Loo “gbɔmɔ ni gboɔ.”
Loo “miihe ami mi.”
Hebri sht. ŋm., “heloo.”
Loo “misusuma.”
Loo “misusuma.”