Lalai 53:1-6
Kɛhã lalatsɔɔlɔ lɛ; yɛ Mahalat* gbɛ nɔ. Maskil.* David nɔ.
53 Buulu* kɛɔ yɛ etsui mli akɛ:
“Yehowa ko bɛ.”+
Nibii fɔji ni amɛfeɔ lɛ ehiii kwraa, ni eyɛ nyaŋemɔ hu;Mɔ ko bɛ ni feɔ ekpakpa.+
2 Shi Nyɔŋmɔ jɛɔ ŋwɛi ekwɛɔ gbɔmɛi abii+Akɛ ebaana akɛ mɔ ko yɛ sɛɛyoomɔ lo, akɛ mɔ ko miitao Yehowa sɛɛ gbɛ lo.+
3 Amɛ fɛɛ amɛgba afã;Amɛ fɛɛ amɛfite.
Mɔ ko bɛ ni feɔ ekpakpa,Mɔ kome folo po bɛ.+
4 Ani efɔŋfeelɔi lɛ ateŋ mɔ ko mɔ ko leee nii?
Amɛmiɔ miwebii lɛ tamɔ nɔ ni amɛmiiye nii.*
Amɛbooo amɛtsɛɛɛ Yehowa.+
5 Shi gbeyei baamɔmɔ amɛ waa,Gbeyeishemɔ ni amɛnako ehenɔ pɛŋ,*Ejaakɛ Nyɔŋmɔ baagbɛ mɛi ni tutuaa bo lɛ* awui eshwã.
Obaahã amɛhiɛ agboi ejaakɛ Yehowa ekwa amɛ.
6 Miná kulɛ, Israel yiwalaheremɔ lɛ baajɛ Zion kɛba!+
Be ni Yehowa baahã ewebii ni aŋɔ amɛ nom lɛ aku amɛsɛɛ kɛba lɛ,Kulɛ Yakob baanya, Israel mii baashɛ ehe.
Shishigbɛ Niŋmaa
^ Kwɛmɔ Wiemɔi Titrii Amligbalamɔ lɛ.
^ Kwɛmɔ Wiemɔi Titrii Amligbalamɔ lɛ.
^ Loo “Mɔ ni bɛ jwɛŋmɔ.”
^ Hebri sht. ŋm., “blodo.” Kwɛmɔ Wiemɔi Titrii Amligbalamɔ lɛ.
^ Shishitsɔɔmɔi komɛi kɛɔ akɛ, “Gbeyeishemɔ yɛ he ni gbeyeishemɔ ko bɛ.”
^ Hebri sht. ŋm., “mɛi ni ebɔ nsara amɛwo bo lɛ.”
