Lalai 52:1-9

  • Okɛ ohiɛ afɔ Nyɔŋmɔ suɔmɔ ni tsakeee lɛ nɔ

    • Abɔ mɛi ni kɛ efɔŋfeemɔ shwãa lɛ kɔkɔ (1-5)

    • Mɔ ni sheee Nyɔŋmɔ gbeyei lɛ kɛ ehiɛ fɔ̃ɔ ninamɔ nɔ (7)

Kɛhã lalatsɔɔlɔ lɛ. Maskil.* David nɔ; be ni Doeg, Edomnyo lɛ bakɛɛ Saul akɛ David eba Ahimelek shĩa lɛ.+ 52  Bo kãkãlɔ, mɛni hewɔ okɛ nibii fɔji ni ofeɔ lɛ shwãa?+ Ani oleee akɛ Nyɔŋmɔ suɔmɔ ni tsakeee lɛ hiɔ shi gbi muu fɛɛ?+   Olilɛi ni naa ba tamɔ yishɛɛ kakla lɛ+Tsɔ̃ɔ ŋaa fɔŋ ni elakaa mɔ.+   Osumɔɔ efɔŋ fe ekpakpa,Kɛ malemɔ hu fe jalɛ wiemɔ. (Sela)   Bo lilɛi ni lakaa mɔ,Osumɔɔ wiemɔ fɛɛ wiemɔ ni yeɔ mɔ awui!   No hewɔ ni Nyɔŋmɔ baagbala bo etswa shi shi kome nyɔŋlo lɛ;+Ebaamɔ omli ni ebaajie bo kɛje omama tsũ lɛ he;+Ebaafã oshishi kɛje hiɛkãalɔi ashikpɔŋ lɛ nɔ.+ (Sela)   Jalɔi lɛ baana ni amɛnaa baakpɛ amɛhe,+Ni amɛbaaŋmɔ lɛ.+   “Naa nuu ni baaa Nyɔŋmɔ abo,*+Shi ekɛ ehiɛ fɔ̃ɔ eninámɔ babaoo lɛ nɔ+Ni ekɛ ehe fɔ̃ɔ ŋaa fɔji ni lɛ diɛŋtsɛ etsɔɔ lɛ anɔ lɛ.”*   Shi mi lɛ, matsɔ tamɔ oliv tso ni ebu kusuu yɛ Nyɔŋmɔ shĩa lɛ;Mikɛ mihiɛ baafɔ̃ Nyɔŋmɔ suɔmɔ ni tsakeee lɛ nɔ+ kɛya naanɔi anaanɔ.   Majie oyi kɛya naanɔ, ejaakɛ otsu saji ahe nii;+Mikɛ mihiɛ baafɔ̃ ogbɛ́i lɛ nɔ+Yɛ onɔkwafoi lɛ ahiɛ, ejaakɛ ehi.

Shishigbɛ Niŋmaa

Loo “ni kɛ Nyɔŋmɔ efeee emɔɔ.”
Loo “Ekɛ haomɔi ni ekɛbaa lɛ efee ebobaahe.”