Lalai 50:1-23

  • Nyɔŋmɔ kojoɔ anɔkwafo kɛ mɔ fɔŋ teŋ

    • Kpaŋmɔ ni atsɔ afɔle nɔ akɛ Nyɔŋmɔ kpaŋ (5)

    • “Nyɔŋmɔ lɛ, Kojolɔ ji lɛ” (6)

    • Kooloi fɛɛ lɛ, Nyɔŋmɔ nɔ ni (10, 11)

    • Nyɔŋmɔ baahã ayoo mɛi fɔji lɛ (16-21)

Lala ni Asaf fo.+ 50  Yehowa, nyɔŋmɔi a-Nyɔŋmɔ*+ lɛ ewie;Etsɛ shikpɔŋ lɛKɛjɛ hulushitee mli kɛyashi eshinyɔɔ mli.*   Nyɔŋmɔ kpɛɔ kɛjɛɔ Zion ni yɔɔ fɛo kɛwula shi+ lɛ mli.   Wɔ-Nyɔŋmɔ lɛ, baaba ni efeŋ diŋŋ.+ La ni shãa nii yɛ ehiɛ,+Ni ahum kpele miitswa kɛmiibɔle ehe fɛɛ.+   Etsɛ ŋwɛii kɛ shikpɔŋ kɛba,+Koni ekojo ewebii lɛ, ekɛɛ akɛ:+   “Nyɛbuaa minɔkwafoi lɛ anaa kɛbaa miŋɔɔ,Mɛi ni etsɔ afɔle nɔ amɛkɛ mi ekpaŋ kpaŋmɔ lɛ.”+   Ŋwɛi jajeɔ ejalɛ nifeemɔ lɛ,Ejaakɛ Nyɔŋmɔ lɛ, Kojolɔ ji lɛ.+ (Sela)   “Miwebii, nyɛboa toi, ni mawie;Israel, maye odase mashi bo.+ Miji Nyɔŋmɔ, nyɛ-Nyɔŋmɔ lɛ.+   Jeee ofɔlei lɛ ahewɔ mijajeɔ bo,Ni jeee oshãa afɔlei ni yɔɔ mihiɛ daa lɛ hu ahewɔ.+   Ehe ehiaaa ni mamɔ oshĩa lɛ tsinanuu ko,Ni ehe ehiaaa hu ni mamɔ otoi atsũi lɛ amli abotiai.*+ 10  Ejaakɛ koo mli kooloi lɛ fɛɛ lɛ minɔ ni,+Kooloi ni yɔɔ gɔji akpe nɔ po. 11  Mile gɔji anɔ loofɔji fɛɛ;+Ŋa mli kooloi babaoo lɛ fɛɛ lɛ, minɔ ni. 12  Kɛ́ hɔmɔ miiye mi lɛ, mikɛŋ bo,Ejaakɛ shikpɔŋ lɛ kɛ nɔ fɛɛ nɔ ni yɔɔ nɔ lɛ, minɔ ni.+ 13  Ani miyeɔ tsinahii alooNi minuɔ abotiai alá?+ 14  Okɛ shidaa ahã Nyɔŋmɔ akɛ afɔle,+Ni oye oshiwoi lɛ anɔ ohã Mɔ Ni Nɔ Kwɔ Fe Fɛɛ lɛ;+ 15  Tsɛ mi yɛ haomɔ gbi lɛ nɔ.+ Majie bo, ni obaawo mihiɛ nyam.”+ 16  Nyɔŋmɔ baakɛɛ efɔŋfeelɔ lɛ akɛ: “Namɔ hã bo hegbɛ akɛ ojaje mitaomɔ nii lɛ otsɔɔ+Loo owie mikpaŋmɔ lɛ he?+ 17  Ejaakɛ onyɛɔ tsɔsemɔ,*Ni otsɔɔ osɛɛ ohãa miwiemɔi lɛ.*+ 18  Kɛ́ ona julɔ lɛ, onáa ehe miishɛɛ,*+Ni okɛ gbalafitelɔi bɔɔ. 19  Okɛ onaabu gbɛɔ nɔ fɔŋ oshwãa,Ni lakamɔ yɛ olilɛi nɔ.+ 20  Otaa shi owieɔ oshiɔ bo diɛŋtsɛ onyɛmi nuu;+Ojieɔ bo diɛŋtsɛ onyɛ binuu tɔmɔi akpo.* 21  Be ni ofee nibii nɛɛ, mifee diŋŋ,No hewɔ lɛ, osusu akɛ mafee tamɔ bo nɔŋŋ. Shi amrɔ nɛɛ, majaje bo,Ni mahã ona otɔmɔi lɛ.+ 22  Nyɛ mɛi ni nyɛhiɛ ekpa Nyɔŋmɔ nɔ,+ nyɛfainɛ nyɛsusua enɛ he,Koni mikatserɛ nyɛmli, ni mɔ ko bɛ ni baajie nyɛ. 23  Mɔ ni kɛ shidaa hãa akɛ afɔle lɛ woɔ mihiɛ nyam,+Ni mɔ ni yaa nɔ enyiɛɔ gbɛ kpakpa nɔ lɛ,Mahã ekɛ ehiŋmɛii ana Nyɔŋmɔ yiwalaheremɔ lɛ.”+

Shishigbɛ Niŋmaa

Loo “Nyɔŋmɔ Hewalɔ.”
Loo “Kɛjɛ bokã kɛyashi anai.”
Hebri sht. ŋm., “abotiahii.”
Loo “gbɛtsɔɔmɔ; ŋaawoo.”
Hebri sht. ŋm., “oshɛrɛɔ miwiemɔi lɛ oshwieɔ osɛɛ.”
Shishitsɔɔmɔi komɛi kɛɔ akɛ, “oyafataa ehe.”
Loo “Ogbeɔ bo diɛŋtsɛ onyɛ binuu he guɔ.”