Lalai 5:1-12
Kɛhã lalatsɔɔlɔ lɛ yɛ Nehilot naa.* Lala ni David fo.
5 Ao Yehowa, bo miwiemɔi lɛ atoi;+Ohiɛ ahi mikɛ̃ɛmɔ lɛ nɔ.
2 Bo sɔlemɔ ni misɔleɔ kɛhã yelikɛbuamɔ lɛ toi,Ao mi-Maŋtsɛ kɛ mi-Nyɔŋmɔ, ejaakɛ bo fai mikpaa.
3 Ao Yehowa, obaanu migbee leebi;+Leebi lɛ, mikɛ mihaomɔ lɛ baashwie ohiɛ+ ni mamɛ hetoo ni obaahã mi lɛ.
4 Ejaakɛ ojeee Nyɔŋmɔ ni náa efɔŋfeemɔ he miishɛɛ;+Mɔ fɔŋ ko kɛ bo ehiŋ shi.+
5 Mɔ fɛɛ mɔ ni wóɔ ehe nɔ lɛ nyɛŋ adamɔ ohiɛ.
Onyɛɔ mɛi fɛɛ ni feɔ efɔŋ;+
6 Obaakpãtã mɛi ni maleɔ lɛ ahiɛ.+
Yehowa miihi mɛi ni yi wa ni lakaa mɛi.*+
7 Shi mi lɛ, maba oshĩa+ lɛ yɛ osuɔmɔ ni tsakeee ni fa babaoo lɛ hewɔ;+Majɛ bulɛ babaoo ni miyɔɔ kɛhã bo* lɛ mli makoto shi ni mikɛ mihiɛ baatsɔɔ osɔlemɔ shĩa* krɔŋkrɔŋ lɛ.+
8 Nyiɛmɔ mihiɛ, Ao Yehowa, yɛ ojalɛ lɛ mli yɛ mihenyɛlɔi lɛ ahewɔ;Hã ogbɛ lɛ nɔ akã shi faŋŋ ahã mi.+
9 Ejaakɛ anyɛŋ ahe nɔ ni amɛkɛɔ lɛ eko eko aye;Nɔ ko nɔ ko bɛ amɛmli, akɛ ja efɔŋ;Amɛsɛ̃ tamɔ gbonyobu ni naa kã;Amɛkɛ amɛlilɛi woɔ mɛi ayiteŋ mulu.*+
10 Shi Nyɔŋmɔ baabu amɛ fɔ;Ŋaa ni amɛtsɔɔ lɛ nɔŋŋ baahã amɛgbee shi.+
Ashwie amɛ kɛya yɛ amɛtɔmɔi babaoo lɛ ahewɔ,Ejaakɛ amɛtse ohiɛ atua.
11 Shi mɛi fɛɛ ni baa bo abo lɛ baanya;+Amɛbaanya kɛ miishɛɛ be fɛɛ be.
Obaasá mɛi ni miitao aye amɛ awui lɛ anaa,Ni mɛi ni sumɔɔ ogbɛ́i lɛ baanya yɛ omli.
12 Ejaakɛ obaajɔɔ mɔ fɛɛ mɔ ni ji jalɔ, Ao Yehowa;Okɛ odromɔ lɛ baaha amɛhe tamɔ tsɛŋ agbo.+
Shishigbɛ Niŋmaa
^ Loo “ni akɛ Nehilot atswa.” Kwɛmɔ Wiemɔi Titrii Amligbalamɔ lɛ.
^ Loo “Yehowa miihi mɔ ni shwieɔ lá shi ni lakaa mɛi.
^ Loo “Majɛ gbeyei ni misheɔ bo.”
^ Loo “ojamɔhe.”
^ Loo “Amɛkɛ lilɛi ni shamɔɔ ni tsuɔ nii.”