Lalai 49:1-20

  • Bɔ ni sɛɛnamɔ bɛ he akɛ akɛ hiɛ aaafɔ̃ ninamɔ nɔ

    • Gbɔmɔ ko nyɛŋ enyɛmi ekpɔ̃ (7, 8)

    • Nyɔŋmɔ kpɔ̃ɔ mɔ kɛjeɔ Gbonyobu lɛ dɛŋ (15)

    • Ninamɔ nyɛŋ mɔ ahere kɛje gbele dɛŋ (16, 17)

Kɛhã lalatsɔɔlɔ lɛ. Kora bihii lɛ anɔ.+ Lala ni afo. 49  Nyɛ maji fɛɛ, nyɛboa enɛ toi. Nyɛ je lɛŋ bii* fɛɛ, nyɛboa toi jogbaŋŋ,   Mɛi bibii kɛ mɛi wuji,*Niiatsɛmɛi kɛ ohiafoi fɛɛ.   Mi diɛŋtsɛ minaabu baawie hiɛshikamɔ wiemɔ,Ni mitsuiŋ susumɔ+ lɛ baajie niiashishinumɔ kpo.   Mabo abɛ toi jogbaŋŋ;Mikɛ saŋku baagbála mijenu lɛ mli.   Mɛni hewɔ mashe gbeyei yɛ haomɔ beiaŋ,+Be mli ni mɛi ni taoɔ mishigbeemɔ lɛ anɔfɔŋfeemɔ* lɛ ebɔle mi lɛ?   Mɛi ni kɛ amɛhiɛ fɔ̃ɔ nii ni amɛná lɛ nɔ+Ni amɛkɛ nii babaoo ni amɛyɔɔ lɛ shwãa lɛ,+   Amɛteŋ mɔ ko mɔ ko nyɛŋ enyɛmi ekpɔ̃Loo ni ehã Nyɔŋmɔ kpɔmɔnɔ kɛkpɔ̃ enyɛmi,+   (Ejaakɛ amɛwala* he kpɔmɔnɔ lɛ jara wa aahu akɛAmɛnyɛŋ amɛwo kɔkɔɔkɔ);   Koni ehi shi kɛya naanɔ ni ekana bu* lɛ.+ 10  Enaa akɛ hiɛshikalɔi po gboiɔ;Kwashia kɛ mɔ ni bɛ jwɛŋmɔ fɛɛ hiɛ kpãtãa,+Ni amɛshiɔ amɛninámɔ lɛ amɛhãa mɛi krokomɛi.+ 11  Nɔ ni amɛshweɔ yɛ amɛtsuiŋ ji akɛ amɛshĩai lɛ ahi shi kɛya naanɔ,Amɛmama tsũi lɛ ahi shi kɛjɛ yinɔ kome nɔ kɛya yinɔ kroko nɔ. Amɛkɛ amɛ diɛŋtsɛ amɛgbɛ́i ewo amɛshikpɔji lɛ. 12  Shi gbɔmɔ ni awo ehiɛ nyam po, ehiŋ shi kɛyaŋ naanɔ;+Etamɔ kooloi ni hiɛ kpãtãa lɛ nɔŋŋ.+ 13  Enɛ ji kwashiai agbɛ lɛ,+Kɛ mɛi ni nyiɛɔ amɛsɛɛ, ni amɛnáa amɛwiemɔi foji lɛ ahe miishɛɛ lɛ agbɛ lɛ. (Sela) 14  Abaagbe amɛ tamɔ gwantɛŋi, ni amɛbaaya Gbonyobu* lɛ mli. Gbele baakwɛ amɛnɔ tamɔ egwantɛŋi;Jalɔi baaye amɛnɔ+ leebi. Nɔ fɛɛ nɔ ni ale yɛ amɛhe lɛ baalaje;+Gbonyobu*+ lɛ baafee amɛshihilɛhe moŋ fe maŋtsɛ shĩa.+ 15  Shi Nyɔŋmɔ baakpɔ̃ mi* kɛje Gbonyobu* lɛ dɛŋ,*+Ejaakɛ ebaamɔ mimli. (Sela) 16  Kɛ́ mɔ ko tsɔ niiatsɛ,Ni eshĩa lɛ anunyam lɛ fa lɛ, kaashe gbeyei. 17  Ejaakɛ kɛ́ egbo lɛ, ekɛ nɔ ko nɔ ko eyaŋ;+Enunyam lɛ kɛ lɛ kpelekeŋ shi kɛyaŋ.+ 18  Ejaakɛ be ni eyɔɔ wala mli lɛ, ejieɔ lɛ diɛŋtsɛ ehe yi.+ (Mɛi jieɔ oyi kɛ́ oná nii babaoo.)+ 19  Shi naagbee lɛ eyafataa etsɛmɛi ayinɔbii lɛ ahe. Amɛnaŋ la lɛ dɔŋŋ. 20  Gbɔmɔ ni nuuu enɛ shishi lɛ, kɛ́ eji mɔ ni awo ehiɛ nyam po lɛ,+Etamɔ kooloi ni hiɛ kpãtãa lɛ nɔŋŋ.

Shishigbɛ Niŋmaa

Loo “Nyɛ shihilɛ gbɛjianɔtoo nɛɛ mli bii.”
Hebri sht. ŋm., “Adesai abii kɛ gbɔmɛi abii fɛɛ.”
Hebri sht. ŋm., “atɔmɔ.”
Loo “amɛsusuma.”
Loo “gbonyobu.”
Hebri mli lɛ, “Sheol,” ni ji, mfonirifeemɔŋ gbonyobu kome kɛhã adesai. Kwɛmɔ Wiemɔi Titrii Amligbalamɔ lɛ.
Hebri mli lɛ, “Sheol,” ni ji, mfonirifeemɔŋ gbonyobu kome kɛhã adesai. Kwɛmɔ Wiemɔi Titrii Amligbalamɔ lɛ.
Loo “misusuma.”
Hebri mli lɛ, “Sheol,” ni ji, mfonirifeemɔŋ gbonyobu kome kɛhã adesai. Kwɛmɔ Wiemɔi Titrii Amligbalamɔ lɛ.
Loo “hewalɛ mli.”