Lalai 48:1-14

  • Zion, Maŋtsɛ Kpele lɛ maŋ

    • Ehãa shikpɔŋ muu lɛ fɛɛ náa miishɛɛ (2)

    • Nyɛkwɛa maŋ lɛ kɛ emɔji lɛ (11-13)

Lala. Lala ni Kora bihii lɛ fo.+ 48  Yehowa je agbo ni esa yijiemɔ babaooYɛ wɔ-Nyɔŋmɔ lɛ maŋ lɛ mli, yɛ egɔŋ krɔŋkrɔŋ lɛ nɔ.   Maŋtsɛ Kpele lɛ maŋ lɛ+Ji Zion Gɔŋ lɛ ni yɔɔ kooyigbɛ tɔ̃ɔ lɛ.Ekwɔ ni eyɛ fɛo, ehãa shikpɔŋ muu lɛ fɛɛ náa miishɛɛ.+   Nyɔŋmɔ ehã ale yɛ emɔji ni atswa gbogboi awo amɛhe lɛ amli akɛ,Eji abobaahe ni yɔɔ shweshweeshwe.*+   Ejaakɛ naa! maŋtsɛmɛi ebua amɛhe naa;*Amɛfee ekome kɛfã kɛba.   Be ni amɛna maŋ lɛ, amɛnaa kpɛ amɛhe. Amɛtsui fã ni amɛjo foi kɛ gbeyeishemɔ.   Gbeyei mɔmɔ amɛ yɛ jɛmɛ,Amɛhao* tamɔ yoo ni miikɔmɔ.   Okɛ bokã kɔɔyɔɔ jwaraa Tarshish meelei lɛ.   Nɔ ni wɔnu lɛ, amrɔ nɛɛ wɔkɛ wɔ diɛŋtsɛ wɔhiŋmɛii enaYɛ Yehowa, taiatsɛ lɛ, maŋ lɛ mli, yɛ wɔ-Nyɔŋmɔ lɛ maŋ lɛ mli. Nyɔŋmɔ baahã maŋ nɛɛ ama shi shiŋŋ kɛya naanɔ.+ (Sela)   Ao Nyɔŋmɔ, wɔjwɛŋɔ osuɔmɔ ni tsakeee lɛ nɔ,+Yɛ osɔlemɔ shĩa lɛ mli. 10  Ao Nyɔŋmɔ, oyijiemɔ lɛ jijeɔKɛyaa shikpɔŋ lɛ naagbeehei+ lɛ tamɔ ogbɛ́i lɛ nɔŋŋ. Jalɛ nifeemɔ eyi oninejurɔ obɔ.+ 11  Zion Gɔŋ+ lɛ anya,Yuda maji* lɛ amii ashɛ amɛhe yɛ oyiŋkpɛi* lɛ ahewɔ.+ 12  Nyɛshia akoŋ kɛbɔlea Zion he; nyɛbɔlea he fɛɛ;Nyɛkanea emɔji lɛ.+ 13  Nyɛkɛ nyɛjwɛŋmɔ* ayaa ehe kpokui* lɛ anɔ.+ Nyɛkwɛa emɔji ni atswa gbogboi awo amɛhe lɛ,Koni nyɛgba yinɔbii ni baaba lɛ. 14  Ejaakɛ Nyɔŋmɔ nɛɛ ji wɔ-Nyɔŋmɔ+ kɛmiiya naanɔi anaanɔ. Ebaatsɔɔ wɔ gbɛ kɛya naanɔ.*+

Shishigbɛ Niŋmaa

Loo “Eji gɔŋ nɔ mɔɔ ni yɔɔ shweshweeshwe.”
Loo “etsɛ amɛhe kpee.”
Loo “Amɛpiŋ.”
Hebri sht. ŋm., “biyei.”
Loo “okojomɔi.”
Loo “nyɛtsui.”
Loo “egbogboi ni awaje amɛ.”
Shishitsɔɔmɔi komɛi kɛɔ akɛ, “kɛyashi wɔbaagboi.”