Lalai 47:1-9
Kɛhã lalatsɔɔlɔ lɛ. Kora bihii lɛ anɔ.+ Lala ni afo.
47 Nyɛ maji fɛɛ kwa, nyɛtswaa nyɛdɛ̃.
Nyɛkɛ nyamɔ gbee aláa kunimyeli lala nyɛhãa Nyɔŋmɔ.
2 Ejaakɛ Yehowa, Mɔ Ni Nɔ Kwɔ Fe Fɛɛ lɛ he yɛ gbeyei waa;+Lɛ eyeɔ shikpɔŋ lɛ fɛɛ nɔ akɛ Maŋtsɛ kpele.+
3 Ekɛ maji woɔ wɔshishi;Ekɛ jeŋmaji woɔ wɔnajiashi.+
4 Ehalaa wɔgboshinii ehãa wɔ,+Nɔ ni Yakob, mɔ ni esumɔɔ lɛ lɛ kɛshiɔ etsitsi lɛ.+ (Sela)
5 Nyɔŋmɔ kwɔ kɛtee be ni mɛi lɛ nyaa waa lɛ;Yehowa kwɔ kɛtee be ni mɛi lɛ kpãa tɛtɛrɛmantɛrɛ* lɛ.
6 Nyɛláa nyɛjiea* Nyɔŋmɔ yi, nyɛláa yijiemɔ lala.
Nyɛláa nyɛjiea wɔ-Maŋtsɛ lɛ yi, nyɛláa yijiemɔ lala.
7 Ejaakɛ Nyɔŋmɔ ji shikpɔŋ lɛ fɛɛ nɔ Maŋtsɛ;+Nyɛláa yijiemɔ lala, ni nyɛkɛ sɛɛyoomɔ atsua nii.
8 Nyɔŋmɔ etsɔ jeŋmaji lɛ anɔ Maŋtsɛ.+
Nyɔŋmɔ ta emaŋtsɛ sɛi krɔŋkrɔŋ lɛ nɔ.
9 Jeŋmaji lɛ ahiɛnyiɛlɔi lɛ ebua amɛhe naa,Amɛkɛ Abraham Nyɔŋmɔ lɛ maŋ lɛ efee ekome.
Ejaakɛ shikpɔŋ lɛ nɔ nɔyelɔi* lɛ, Nyɔŋmɔ nii ji amɛ.
Awó enɔ gojoo.+
Shishigbɛ Niŋmaa
^ Hebri sht. ŋm., “gwantɛŋnuu akolonto.”
^ Loo “Nyɛtswaa lala kɛjiea.”
^ Hebri sht. ŋm., “tsɛŋi.”
