Lalai 45:1-17
Kɛhã lalatsɔɔlɔ lɛ; akɛfɔ̃ “Lili Fɔfɔii Lɛ.” Kora bihii lɛ anɔ.+ Maskil.* Suɔmɔ lala.
45 Nɔ ko kpakpa eta mitsuiŋ.
Mikɛɛ akɛ: “Milala lɛ* kɔɔ maŋtsɛ ko he.”+
Mililɛi afee tamɔ stailo*+ ni woloŋmalɔ ni he esa kɛŋmaa nii.+
2 Ohe yɛ fɛo fe gbɔmɛi abihii fɛɛ.
Wiemɔi ni yɔɔ nyam jɛɔ onaa.+
No hewɔ ni Nyɔŋmɔ ejɔɔ bo kɛmiiya naanɔ lɛ.+
3 Ao kãkãlɔ,+ okɛ oklante lɛ aŋmɔ ohɛ,+Yɛ onunyam kɛ ogbojee lɛ mli.+
4 Fãa yɛ ogbojee lɛ mli kɛyaye kunim;*+Ta okpɔŋɔ lɛ ni ofã anɔkwale kɛ jalɛ he, ni owu ohã heshibalɔi,+Ni oninejurɔ baatsu* nibii ni yɔɔ naakpɛɛ.
5 Ogãimlibii lɛ anaa ba, amɛhãa jeŋmaji lɛ gbeɔ shi yɛ ohiɛ;+Amɛtsurɔɔ maŋtsɛ henyɛlɔi lɛ atsuii amli.+
6 Nyɔŋmɔ ji omaŋtsɛ sɛi kɛmiiya naanɔi anaanɔ;+Omaŋtsɛyeli maŋtsɛtso lɛ, jalɛ* maŋtsɛtso ni.+
7 Osumɔɔ jalɛ nifeemɔ,+ ni onyɛɔ efɔŋfeemɔ.+
No hewɔ ni Nyɔŋmɔ, o-Nyɔŋmɔ lɛ, efɔ bo mu+ ni ehã oná miishɛɛ+ fe onyɛmimɛi maŋtsɛmɛi krokomɛi lɛ fɛɛ lɛ.
8 Otadei lɛ fɛɛ mli jeɔ ŋma kɛ mire kɛ aloe kɛ kasia;Kpãa saŋkui hãa onáa miishɛɛ yɛ maŋtsɛ shĩa kpele ni akɛ shwuɔ wu* ewula lɛ mli.
9 Maŋtsɛmɛi abiyei fata oblayei ni obuɔ amɛ waa lɛ ahe.
Maŋnyɛ lɛ ebadamɔ oninejurɔ nɔ, ewula kɛ Ofir shika tsuru.+
10 Ao biyoo, bo toi, ba otoi shi ni obo toi jogbaŋŋ;Jiemɔ ojwɛŋmɔ kɛje omaŋbii lɛ kɛ otsɛ shĩa lɛ nɔ.
11 Ohe fɛo lɛ baamɔ maŋtsɛ lɛ tsui,Ejaakɛ lɛ ji onuŋtsɔ,No hewɔ lɛ, kotomɔ lɛ.
12 Tiro biyoo lɛ kɛ nikeenii baaba;Hii ni yɔɔ nii fe fɛɛ lɛ baatao ohiɛ dromɔ.*
13 Maŋtsɛ lɛ biyoo lɛ esaa ehe fɛfɛo waa yɛ maŋtsɛ shĩa lɛ mli;Akɛ shika tsuru ewo* etade lɛ mli.
14 Abaawo lɛ atade ni alo lɛ fɛfɛo,* ni akɛ lɛ aba maŋtsɛ lɛ ŋɔɔ.
Akɛ enanemɛi oblayei ni nyiɛɔ esɛɛ lɛ baaba ohiɛ.
15 Akɛ amɛ baaba kɛ nyamɔ kɛ mlifilimɔ;Amɛbaabote maŋtsɛ shĩa lɛ mli.
16 Obihii lɛ baaye otsɛmɛi lɛ anajiaŋ.
Obaahole amɛ lumɛi yɛ shikpɔŋ lɛ nɔ fɛɛ.+
17 Mahã ale ogbɛ́i lɛ yɛ yinɔi fɛɛ ni baaba lɛ amli.+
No hewɔ ni mɛi baajie oyi kɛya naanɔi anaanɔ lɛ.
Shishigbɛ Niŋmaa
^ Kwɛmɔ Wiemɔi Titrii Amligbalamɔ lɛ.
^ Hebri sht. ŋm., “Minitsumɔi lɛ.”
^ Loo “pɛn.” Kwɛmɔ “stailo” yɛ Wiemɔi Titrii Amligbalamɔ lɛ mli.
^ Hebri sht. ŋm., “baatsɔɔ bo.”
^ Loo “omanye.”
^ Loo “jalɛsaneyeli.”
^ Loo “aivori.” Kwɛmɔ Wiemɔi Titrii Amligbalamɔ lɛ.
^ Loo “baatao ohiɛ gbɛ.”
^ Hebri sht. ŋm., “Alo shika tsuru awo.”
^ Shishitsɔɔmɔi komɛi kɛɔ akɛ, “atade ni alo nibii awo mli.”
