Lalai 42:1-11
Kɛhã lalatsɔɔlɔ lɛ. Maskil* ni ji Kora bihii lɛ anɔ.+
42 Ao Nyɔŋmɔ, bɔ ni baayelɔ shweɔ fai amli nu lɛ,Nakai mishweɔ* bo.
2 Nyɔŋmɔ, ni ji Nyɔŋmɔ hiɛkãalɔ lɛ he kumai miiye mi.*+
Mɛɛ be maba ni mibadamɔ Nyɔŋmɔ hiɛ?+
3 Miyaafonui ji miniyenii jetsɛremɔ kɛ jenamɔ fɛɛ;Gbi muu fɛɛ lɛ, mɛi wieɔ amɛshiɔ mi akɛ: “Nɛgbɛ o-Nyɔŋmɔ lɛ yɔɔ?”+
4 Enɛɛmɛi mikaiɔ, ni mifɔseɔ misusuma* mishwieɔ shi lɛ,Ejaakɛ be ko ni eho lɛ mifataa mɛi babaoo ahe kɛnyiɛɔ;Minyiɛɔ amɛhiɛ blɛoo kɛyaa Nyɔŋmɔ shĩa lɛ,Be ni wɔmiinya ni wɔmiida shi waa,Akɛ mɛi babaoo ni miiye gbi jurɔ.+
5 Mɛni hewɔ mifee* basaa nɛkɛ?+
Mɛni hewɔ mihao yɛ mimli nɛkɛ?
Mɛɛ Nyɔŋmɔ,+Ejaakɛ majie eyi ekoŋŋ akɛ mi-Yiwalaherelɔ Kpele.+
6 Mi-Nyɔŋmɔ, mifee* basaa.+
No hewɔ ni mikaiɔ bo,+Yɛ Yordan shikpɔŋ lɛ nɔ kɛ Hermon gɔji lɛ anɔ,Kɛ Miza Gɔŋ* lɛ nɔ nɛɛ.
7 Nui ni mli kwɔlɔ boɔ tsɛɔ nui ni mli kwɔlɔYɛ onu ni kpelekeɔ shi lɛ gbɛɛmɔ naa.
Oshɔkei ni naa wa lɛ fɛɛ ekumɔ eshwie minɔ.+
8 Yɛ jetsɛremɔ mli lɛ, Yehowa baajie esuɔmɔ ni tsakeee lɛ kpo etsɔɔ mi,Ni jenamɔ mli hu, elala lɛ kɛ mi baahi shi—masɔle mahã miwala Nyɔŋmɔ lɛ.+
9 Makɛɛ Nyɔŋmɔ, mitɛsaa lɛ akɛ:
“Mɛni hewɔ ohiɛ ekpa minɔ?+
Mɛni hewɔ minyiɛ mɔbɔmɔbɔ yɛ wa ni mihenyɛlɔ lɛ waa mi yi lɛ hewɔ?”+
10 Mihenyɛlɔi lɛ wieɔ wiemɔi ni gbeɔ mɔ amɛshiɔ mi;*Gbi muu fɛɛ lɛ amɛwieɔ amɛshiɔ mi akɛ: “Nɛgbɛ o-Nyɔŋmɔ lɛ yɔɔ?”+
11 Mɛni hewɔ mifee* basaa nɛkɛ?
Mɛni hewɔ mihao yɛ mimli nɛkɛ?
Mɛɛ Nyɔŋmɔ,+Ejaakɛ majie eyi ekoŋŋ akɛ mi-Yiwalaherelɔ Kpele kɛ mi-Nyɔŋmɔ.+
Shishigbɛ Niŋmaa
^ Kwɛmɔ Wiemɔi Titrii Amligbalamɔ lɛ.
^ Loo “misusuma shweɔ.”
^ Loo “misusuma.”
^ Kwɛmɔ Wiemɔi Titrii Amligbalamɔ lɛ.
^ Loo “misusuma efee.”
^ Loo “misusuma efee.”
^ Loo “gɔŋ bibioo.”
^ Shishitsɔɔmɔi komɛi kɛɔ akɛ, “Mihenyɛlɔi lɛ wieɔ amɛshiɔ mi oookɛɛ amɛmiijwara miwui.”
^ Loo “misusuma efee.”
