Lalai 39:1-13

  • Wala sɛɛ etsɛɛɛ

    • Gbɔmɔ tamɔ kɔɔyɔɔ ni amuɔ (5, 11)

    • “Kaaku ohiɛ oshwie miyaafonui lɛ anɔ” (12)

Kɛhã lalatsɔɔlɔ lɛ; yɛ Yedutun*+ gbɛ nɔ. Lala ni David fo. 39  Mikɛɛ akɛ: “Makwɛ minajifaamɔi jogbaŋŋKoni mikɛ mililɛi akafee esha.+ Gbii abɔ ni mɔ fɔŋ yɔɔ mihiɛ nɛɛ,Mafi minaabu kɛbu minaabu he.”+   Mitsɔ tamɔ mumui, ni miwieee;+Mifee diŋŋ yɛ nɔ kpakpa po he,Shi mipiŋ waa diɛŋtsɛ.*   Mitsui he dɔ la yɛ mimli. Be ni mijwɛŋɔ lɛ,* la lɛ tee nɔ etso. Kɛkɛ ni mililɛi wie akɛ:   “Ao Yehowa, ye obua mi koni male bɔ ni minaagbee baaji,Kɛ migbii lɛ falɛ,+Koni male bɔ ni miwala yɔɔ kuku hã.*   Anɔkwa, ohã miwala gbii lɛ efee kuku;*+Ni miwalasɛɛtsɛlɛ lɛ jeee nɔ ko yɛ ohiɛ.+ Eji anɔkwale akɛ gbɔmɔ fɛɛ gbɔmɔ lɛ, kɛ́ eyɛ shweshweeshwe po lɛ, etamɔ kɔɔyɔɔ ni amuɔ.+ (Sela)   Eji anɔkwale akɛ gbɔmɔ fɛɛ gbɔmɔ lɛ, enyiɛ tamɔ hɔɔŋ. Egbaa shi kɛyaa kɛbaa* efolo. Ebuaa nibii anaa ni eleee mɔ ni baaye po.+   Ao Yehowa, belɛ, mɛni nɔ mihiɛ kã mɔ? Bo pɛ onɔ mihiɛ kã.   Jiemɔ mi kɛje mitɔmɔi lɛ fɛɛ amli.+ Kaahã buulu kɛ mi ye tamɔ mɔ ko ni abuuu lɛ ahãaa nɔ ko.   Mitsɔ tamɔ mumui;Minyɛɛɛ magbele minaa,+Ejaakɛ bo ji mɔ ni ofee enɛ.+ 10  Jiemɔ omanehulu lɛ kɛje minɔ. Yi ni onine yiɔ mi lɛ ehã migbɔjɔ. 11  Ogbalaa gbɔmɔ toi kɛjajeɔ lɛ yɛ etɔmɔ lɛ hewɔ;+Okpãtãa ejwetrii lɛ ahiɛ tamɔ bɔ ni abɛi ni yeɔ mama feɔ lɛ. Anɔkwa, gbɔmɔ fɛɛ gbɔmɔ tamɔ kɔɔyɔɔ ni amuɔ.+ (Sela) 12  Ao Yehowa, bo misɔlemɔ lɛ toi,Bo bolɔmɔ ni mibolɔɔ kɛhã yelikɛbuamɔ lɛ toi.+ Kaaku ohiɛ oshwie miyaafonui lɛ anɔ. Ejaakɛ mitamɔ gbɔ yɛ ohiɛ,+Gbɛfalɔ ni miiho* ji mi tamɔ mitsɛmɛi lɛ fɛɛ ji lɛ nɔŋŋ.+ 13  Jiemɔ ohiɛ yɛ minɔ koni maná miishɛɛDani maho maya.”

Shishigbɛ Niŋmaa

Loo “mipiŋmɔ lɛ naa bawa.”
Loo “Be ni mikɛ̃mɔɔ lɛ.”
Loo “bɔ ni miwala hoɔ oya.”
Hebri sht. ŋm., “tamɔ dɛ̃ lɛɛmɔi.”
Hebri sht. ŋm., “Efeɔ hoo.”
Loo “Shitolɔ.”