Lalai 38:1-22
Lala ni David fo, eji kaimɔ nɔ.*
38 Ao Yehowa, kaajɛ omlifu lɛ mli otsɔse mi,Ni kaajɛ omlila lɛ hu mli ojaje mi.+
2 Ejaakɛ ogãimlibii lɛ egbu kɛtee mimli tɔ̃ɔ,Ni onine miinyɛ minɔ waa.+
3 Hela emɔ migbɔmɔtso muu lɛ fɛɛ* yɛ omlifu lɛ hewɔ.
Miwui lɛ amli ejɔɔɔ mi yɛ mihe esha lɛ hewɔ.+
4 Ejaakɛ mitɔmɔi lɛ ma miyiteŋ;+Tamɔ jatsu ni tsii, amɛtsii fe mi.
5 Mifaji lɛ miije fu, ni amɛkpɔtɔYɛ mibuulufeemɔ lɛ hewɔ.
6 Mihao ni minii efee mɔbɔ waa;Minyiɛɔ kɛ awerɛho gbi muu fɛɛ.
7 Mimlishi fɛɛ miishã mi;*Hela emɔ migbɔmɔtso muu lɛ fɛɛ.+
8 Mihe ejɔ ni mikumɔ kwraa;Mitsuiŋ awerɛho lɛ ehã miikɛ̃mɔ waa.*
9 Ao Yehowa, ole nɔ ni mishweɔ lɛ fɛɛ,Ni akɛ mikɛ̃ɛmɔ lɛ eteko bo.
10 Mitsui miitswa, mihewalɛ fɛɛ etã,Ni mihiŋmɛii amli la lɛ egbo.+
11 Minanemɛi kɛ mɛi ni bɛŋkɛ mi lɛ fɛɛ ekpoo mi yɛ mimanehulu lɛ hewɔ,Ni minanemɛi ni bɛŋkɛ mi kpaakpa lɛ etsi amɛhe kɛje mihe.
12 Mɛi ni miitao agbe mi* lɛ tsɔɔ mi tsɔnei;Mɛi ni miitao aye mi awui lɛ wieɔ mishigbeemɔ he;+Amɛjwɛŋɔ efɔŋ gbi muu fɛɛ.
13 Shi mi lɛ, mitamɔ toimulɔ, mibooo amɛ toi;+Mitamɔ mumui, migbeleee minaa.+
14 Mitsɔ tamɔ mɔ ko ni nuuu nii,Mɔ ko ni bɛ nɔ ko ni ebaawie kɛfã ehe.
15 Ejaakɛ bo Yehowa, bo mimɛ,+Ni Ao Yehowa, mi-Nyɔŋmɔ, obo mi toi.+
16 Ejaakɛ mikɛɛ akɛ: “Amɛkaŋmɔ miNi kɛ́ minane shane lɛ, amɛkawó amɛhe nɔ yɛ minɔ.”
17 Ejaakɛ miihe magbee shi,Ni minuɔ piŋmɔ he daa.+
18 Mijaje mitɔmɔ lɛ;+Mihe esha lɛ hã mihao.+
19 Shi mihenyɛlɔi lɛ yɛ hewalɛ* ni amɛhe wa,*Mɛi ni mifeko amɛ nɔ ko ni nyɛɔ mi lɛ ayi efa babaoo.
20 Amɛkɛ efɔŋ toɔ ekpakpa ni mifee lɛ najiaŋ;Amɛte shi amɛwo mi yɛ ekpakpa ni mifeɔ lɛ hewɔ.
21 Ao Yehowa, kaashi mi.
Ao Nyɔŋmɔ, okɛ mi teŋ akajekɛ.+
22 Feemɔ oya ni obaye obua mi,Ao Yehowa, miyiwalaheremɔ.+
Shishigbɛ Niŋmaa
^ Loo “koni akɛkai.”
^ Hebri sht. ŋm., “Miheloo lɛ mli he ko he ko bɛ ni he ejɔ lɛ.”
^ Loo “Mimli miishã mi.”
^ Loo “ehã miihũu.”
^ Loo “miitao misusuma.”
^ Hebri sht. ŋm., “ahiɛ kã.”
^ Shishitsɔɔmɔi komɛi kɛɔ akɛ, “Shi mihenyɛlɔi ni mifeko amɛ nɔ ko lɛ ayi fa.”
