Lalai 32:1-11

  • Mɛi ni akɛ amɛtɔmɔ eke amɛ lɛ yɛ miishɛɛ

    • “Mijaje mihe esha lɛ mitsɔɔ bo” (5)

    • Nyɔŋmɔ baahã oná sɛɛyoomɔ (8)

David nɔ. Maskil.* 32  Mɔ ni akɛ etɔmɔ eke lɛ, ni atsĩ ehe esha nɔ* lɛ yɛ miishɛɛ.+   Mɔ ni Yehowa ebuuu lɛ fɔ yɛ etɔmɔ ko hewɔ,+Ni lakamɔ ko hu bɛ emli* lɛ yɛ miishɛɛ.   Be ni mibu minaa lɛ, miwui lɛ amli gbɔjɔ yɛ kɛ̃ɛmɔ ni mikɛ̃mɔɔ gbi muu fɛɛ lɛ hewɔ.+   Ejaakɛ jetsɛremɔ kɛ jenamɔ fɛɛ lɛ, onine* tsii yɛ minɔ.+ Mimli nu gbi* tamɔ bɔ ni nu gbiɔ yɛ latsa be mli lɛ. (Sela)   Agbɛnɛ, mijaje mihe esha lɛ mitsɔɔ bo;Mitsĩii mitɔmɔ lɛ nɔ.+ Mikɛɛ akɛ: “Majaje mitɔmɔi lɛ matsɔɔ Yehowa.”+ Ni okɛ mitɔmɔ lɛ he eshai lɛ ke mi.+ (Sela)   No hewɔ ni anɔkwafo fɛɛ anɔkwafo baasɔle ahã bo+Yɛ be mli ni abaanyɛ ana bo lɛ.+ Ni kɛ́ fai je ŋa po lɛ, eninaŋ lɛ.   Bo ji miteemɔhe;Obaabu mihe koni mikayaje haomɔ mli.+ Okɛ yiwalaheremɔ nyamɔ lala baabɔle mi.+ (Sela)   “Mahã oná sɛɛyoomɔ ni matsɔɔ bo gbɛ ni otsɔ nɔ.+ Mawo bo ŋaa ni mihiŋmɛi baakã ohe.+   Kaafee onii tamɔ okpɔŋɔ loo teji* ni bɛ jwɛŋmɔ,+Mɔ ni ja okɛ manyoflɛ loo kpãa ekudɔ lɛ*Dani ebaa omasɛi lɛ.” 10  Mɔ fɔŋ piŋmɔi lɛ fa babaoo;Shi mɔ ni kɛ ehiɛ fɔ̃ɔ Yehowa nɔ lɛ, esuɔmɔ* ni tsakeee lɛ bɔleɔ lɛ.+ 11  Nyɛ jalɔi, nyɛnáa miishɛɛ yɛ Yehowa hewɔ, ni nyɛnyaa;Nyɛ mɛi fɛɛ ni ja yɛ nyɛtsui mli lɛ, nyɛnyaa waa.

Shishigbɛ Niŋmaa

Loo “ni akɛ ehe esha eke lɛ.”
Loo “emumɔ mli.”
Loo “omlifu lɛ.”
Loo “Mihewalɛ tã.”
Loo “teji okpɔŋɔ.” Teji nɛɛ ji tejinuu kɛ okpɔŋɔyoo bi.
Loo “emumɔ.”
Ni ji, Nyɔŋmɔ.