Lalai 29:1-11
Lala ni David fo.
29 Nyɛ kãkãlɔi abii, nyɛkɛ woo ni sa Yehowa lɛ ahãa lɛ,Nyɛkɛ woo ni sa Yehowa lɛ ahãa lɛ yɛ enunyam kɛ ehewalɛ lɛ hewɔ.+
2 Nyɛkɛ anunyam ni sa Yehowa gbɛ́i lɛ ahãa lɛ.
Nyɛkotoa* Yehowa kɛ atadei krɔŋkrɔŋi.*
3 Anuɔ Yehowa gbee yɛ nui lɛ anɔ;Anunyam Nyɔŋmɔ lɛ miishimɔ.+
Yehowa yɛ nui babaoo lɛ anɔ.+
4 Yehowa gbee lɛ yɛ hewalɛ;+Yehowa gbee lɛ yɛ nyam.
5 Yehowa gbee lɛ miikumɔ tseneduru tsei lɛ;Lɛɛlɛŋ, Yehowa miigbála Lebanon tseneduru tsei lɛ amli.+
6 Ehãa Lebanon* tumɔɔ tamɔ tsinabi,Ni Sirion+ hu tumɔɔ tamɔ ŋa mli tsinanuu.*
7 Yehowa gbee lɛ kpɛlɛɔ la;+
8 Yehowa gbee lɛ hãa ŋa nɔ hosoɔ;+Yehowa hãa Kadesh ŋa lɛ nɔ hosoɔ.+
9 Yehowa gbee lɛ hãa baayelɔ kpokpoɔ ni efɔɔ,Ni ehãa tsei lɛ tãa yɛ koi lɛ amli.+
Ni nɔ fɛɛ nɔ ni yɔɔ esɔlemɔ shĩa lɛ kɛɔ akɛ: “Anunyam!”
10 Yehowa ta maŋtsɛ sɛi nɔ yɛ nui babaoo lɛ anɔ;*+Yehowa ta maŋtsɛ sɛi nɔ akɛ Maŋtsɛ kɛmiiya naanɔ.+
11 Yehowa baahã emaŋ lɛ hewalɛ.+
Yehowa kɛ toiŋjɔlɛ baajɔɔ emaŋ lɛ.+
Shishigbɛ Niŋmaa
^ Loo “Nyɛjáa.”
^ Shishitsɔɔmɔi komɛi kɛɔ akɛ, “yɛ bɔ ni eyɔɔ krɔŋkrɔŋ waa lɛ hewɔ.”
^ Eeenyɛ efee akɛ, eewie Lebanon gɔji lɛ ahe.
^ Loo “tsina oblanyo.”
^ Loo “ŋwɛi ŋshɔ lɛ nɔ.”
