Lalai 28:1-9
-
Abo lalatsɛ lɛ sɔlemɔ toi
-
“Yehowa ji mihewalɛ, kɛ mitsɛŋ” (7)
-
David nɔ.
28 Ao Yehowa, mi-Tɛsaa,+ bo miyaa nɔ mibolɔɔ mitsɛɔ;Kaatsimɔ otoi owo mi.
Kɛ́ ofooo midaaŋ lɛ,Matsɔ tamɔ mɛi ni kpelekeɔ shi kɛyaa bu* lɛ mli lɛ.+
2 Kɛ́ mibo mitsɛ bo koni oye obua mi lɛ, bo mifaikpamɔi lɛ toi,Be ni mihole miniji anɔ mitsɔɔ ojamɔhe lɛ mli sɛɛtsu lɛ.+
3 Kaaloo mi ofata efɔŋfeelɔi lɛ ahe, mɛi ni yeɔ awui lɛ,+Mɛi ni kɛ amɛnyɛmi gbɔmɔ wieɔ toiŋjɔlɛ wiemɔ, shi efɔŋ moŋ yɔɔ amɛtsuii amli lɛ.+
4 Wo amɛ nyɔmɔ yɛ amɛnifeemɔi lɛ ahewɔ,+Yɛ amɛnifeemɔi fɔji lɛ anaa.
Too amɛ najiaŋ yɛ amɛninenaa nitsumɔi lɛ ahewɔ,Yɛ nɔ ni amɛfee lɛ naa.+
5 Ejaakɛ amɛkɛ amɛjwɛŋmɔ eyaaa Yehowa nitsumɔi lɛ,+Kɛ eninenaa nitsumɔi lɛ anɔ.+
Ebaakumɔ amɛ, ni etswaŋ amɛ emaŋ shi.
6 Ajie Yehowa yi,Ejaakɛ ebo mifaikpamɔi kɛhã yelikɛbuamɔ lɛ toi.
7 Yehowa ji mihewalɛ,+ kɛ mitsɛŋ;+Lɛ enɔ mikɛ mitsui efɔ̃.+
Eye ebua mi, ni mitsui enyɔ mimli,No hewɔ lɛ, mikɛ milala lɛ baajie eyi.
8 Yehowa ji emaŋ lɛ hewalɛ;Lɛ ji teemɔhe ni kɛ yiwalaheremɔ kpele bahãa mɔ ni efɔ lɛ mu lɛ.+
9 Heremɔ omaŋ lɛ, ni ojɔɔ ogboshinii lɛ.+
Kwɛmɔ amɛnɔ akɛ otoi* ni ohiɛ amɛ kɛya naanɔ.+
