Lalai 27:1-14

  • Yehowa, miwala teemɔhe

    • Miishɛɛ ni akɛaakwɛ Nyɔŋmɔ sɔlemɔ shĩa lɛ (4)

    • Yehowa shiii mɔ kɛ́ efɔlɔi po shi lɛ (10)

    • “Okɛ ohiɛ afɔ̃ Yehowa nɔ” (14)

David nɔ. 27  Yehowa ji mila+ kɛ miyiwalaheremɔ. Namɔ po gbeyei mashe?+ Yehowa ji miwala teemɔhe.+ Namɔ hiɛ po mihe baakpokpo yɛ?   Be ni efɔŋfeelɔi batutua mi koni amɛkpãtã miheloo hiɛ lɛ,*+Mɛi ni teɔ shi amɛwoɔ mi lɛ kɛ mihenyɛlɔi lɛ ji mɛi ni tɛrɛ ni amɛgbee shi.   Kɛ́ asraafoi bɔ nsara amɛwo mihe lɛ,Mitsui efãŋ.+ Kɛ́ ta te shi wo mi lɛ,No po, misheŋ gbeyei.   Nɔ kome mibiɔ yɛ Yehowa dɛŋ—No nɔŋŋ mishweɔ ni mana—No ji ni mahi Yehowa shĩa lɛ miwala gbii fɛɛ,+Ni makwɛ Yehowa mlihilɛ lɛ,Ni mikɛ miishɛɛ akwɛ esɔlemɔ shĩa* lɛ.*+   Ekɛ mi baatee yɛ eshihilɛhe lɛ yɛ haomɔ gbi lɛ nɔ;+Ekɛ mi baato teemɔhe lɛ yɛ emama tsũ lɛ mli;+Ekɛ mi baadamɔ tɛsaa ni nɔ kwɔ nɔ.+   Agbɛnɛ, minɔ ekwɔ fe mihenyɛlɔi ni bɔle mi lɛ;Mabolɔ kɛ miishɛɛ kɛshã afɔle yɛ emama tsũ lɛ he;Malá majie* Yehowa yi.   Ao Yehowa, kɛ́ mibo mitsɛ bo lɛ, bo mi toi;+Naa mi mɔbɔ ni ohere mi nɔ.+   Mitsui tĩɔ owiemɔ nɛɛ mli daa akɛ: “Nyɛtaoa mihiɛ dromɔ.” Ao Yehowa, ohiɛ dromɔ matao.+   Okɛ ohiɛ akatee mi.+ Kaajɛ mlifu mli oshwie otsulɔ yɛ ohiɛ. Bo ji miyelikɛbualɔ;+Miyiwalaheremɔ Nyɔŋmɔ, kaakwa mi ni kaashi mi hu. 10  Kɛ́ mi diɛŋtsɛ mipapa kɛ mimami shi mi po lɛ,+Yehowa diɛŋtsɛ baahere mi.+ 11  Ao Yehowa, tsɔɔmɔ mi nii yɛ ogbɛ lɛ nɔ,+Nyiɛmɔ mihiɛ kɛtsɔ jalɛ gbɛ lɛ nɔ yɛ mihenyɛlɔi lɛ ahewɔ. 12  Okɛ mi akawo mihenyɛlɔi* adɛŋ,+Ejaakɛ amale odasefoi ete shi amɛwo mi,+Ni amɛmiitao amɛye mi awui. 13  Eji miheee miyeee akɛ Yehowa baafee mi ekpakpaBe ni miyɔɔ wala mli nɛɛ kulɛ, benɛ nɛɛ nɛgbɛ miyɔɔ?*+ 14  Okɛ ohiɛ afɔ̃ Yehowa nɔ;+Feemɔ ekãa ni owaje otsui.+ Hɛɛ, okɛ ohiɛ afɔ̃ Yehowa nɔ.

Shishigbɛ Niŋmaa

Loo “koni amɛmi miheloo lɛ.”
Loo “ejamɔhe.”
Loo “Ni majwɛŋ esɔlemɔ shĩa lɛ nɔ.”
Loo “Matswa lala kɛjie.”
Loo “mihenyɛlɔi lɛ asusuma.”
Shishitsɔɔmɔi komɛi kɛɔ akɛ, “Miheɔ miyeɔ waa akɛ Yehowa baafee mi ekpakpa be ni miyɔɔ wala mli nɛɛ.”