Lalai 21:1-13
Kɛhã lalatsɔɔlɔ lɛ. Lala ni David fo.
21 Ao Yehowa, maŋtsɛ lɛ nyaa yɛ ohewalɛ lɛ hewɔ;+Enyaa waa yɛ oyiwalaheremɔ nitsumɔi lɛ ahewɔ!+
2 Ohã lɛ nɔ ni etsui shweɔ lɛ,+Ni okɛ nɔ ni ekɛ enaabu bi bo lɛ hu ehã lɛ. (Sela)
3 Ejaakɛ okɛ jɔɔmɔi babaoo bakpee lɛ;Okɛ akekere ni akɛ shika tsuru ni atsuu he fee bu eyitso.+
4 Ebi bo wala, ni ohã lɛ,+Walasɛɛtsɛlɛ,* ni hiɔ shi kɛyaa naanɔi anaanɔ.
5 Oyiwalaheremɔ nitsumɔi lɛ ewo ehiɛ nyam.+
Ohã lɛ woo kɛ anunyam.
6 Ojɔɔ lɛ kɛmiiya naanɔ;+Ohãa etsui tɔɔ kɛ miishɛɛ yɛ ohiɛ.+
7 Ejaakɛ maŋtsɛ lɛ kɛ ehiɛ fɔ̃ɔ Yehowa nɔ;+Mɔ Ni Nɔ Kwɔ Fe Fɛɛ lɛ suɔmɔ ni tsakeee lɛ hewɔ lɛ, ekpokpoŋ* gbi ko gbi ko.+
8 Onine baashɛ ohenyɛlɔi lɛ fɛɛ anɔ;Oninejurɔ baamɔmɔ mɛi ni nyɛɔ bo lɛ.
9 Obaahã amɛtsɔmɔ tamɔ la flɔnɔɔ yɛ be ni oto ni obaaba lɛ nɔ.
Yehowa baami amɛ yɛ emlifu lɛ mli, ni la baashã amɛ.+
10 Obaakpãtã amɛseshibii* lɛ ahiɛ kɛje shikpɔŋ lɛ nɔ,Kɛ amɛshwiei lɛ hu kɛje gbɔmɛi abii ateŋ.
11 Ejaakɛ amɛmiitao amɛfee bo efɔŋ;+Amɛtsɔ ŋaa ni yeŋ omanye.+
12 Ejaakɛ okɛ ogãi* lɛ baama amɛhiɛ,Ni amɛbaajo foi yɛ ohiɛ.+
13 Ao Yehowa, tee shi yɛ ohewalɛ lɛ mli.
Wɔbaalá* kɛjie ohewalɛ lɛ yi.
Shishigbɛ Niŋmaa
^ Hebri sht. ŋm., “Gbii babaoo.”
^ Loo “edidãŋ.”
^ Hebri sht. ŋm., “amɛyibii.”
^ Hebri sht. ŋm., “ogãikpãi.”
^ Hebri sht. ŋm., “Wɔbaalá ni wɔtswa lala.”
