Lalai 19:1-14
Kɛhã lalatsɔɔlɔ lɛ. Lala ni David fo.
19 Ŋwɛi jajeɔ Nyɔŋmɔ anunyam lɛ;+Ni atatui ni yɔɔ ŋwɛi* lɛ wieɔ eninenaa nitsumɔ lɛ he.+
2 Jetsɛremɔ fɛɛ jetsɛremɔ hosoɔ egbee,Ni nyɔɔŋ fɛɛ nyɔɔŋ jieɔ nilee kpo.
3 Anuuu gbee ko, ni anuuu wiemɔ ko;Anuuu amɛhe moŋ,
4 Shi amɛjijeɔ kɛyaa* shikpɔŋ lɛ nɔ fɛɛ,Ni mɛi ni yɔɔ shikpɔŋ lɛ naagbeehei lɛ* fɛɛ nuɔ sane ni amɛshiɛɔ lɛ.+
Efee mama tsũ yɛ ŋwɛi ehã hulu lɛ;
5 Etamɔ ayemforo wu ni miije kpo kɛmiijɛ ayemforo tsũ mli;Enyaa tamɔ nuu kãkãlɔ ni yaada foi.
6 Efãa kpo kɛjeɔ ŋwɛi naagbeehe kome,Ni ebɔleɔ shi kɛyaa amɛnaagbeehe kroko;+Ni nɔ ko nɔ ko eteee ehe kɛjeee edɔlɛ lɛ he.
7 Yehowa mla lɛ hi kɛmɔ shi,+ ehãa mɔ náa hewalɛ ekoŋŋ.*+
Yehowa kaimɔi lɛ ma shi shiŋŋ,*+ ehãa mɔ ni jwɛŋmɔ esako lɛ hiɛ kãa shi.+
8 Yehowa famɔi lɛ ja, ehãa tsui lɛ nyaa;+Yehowa kitã lɛ he tse, ehãa hiŋmɛii anɔ tseɔ.+
9 Yehowa gbeyeishemɔ+ lɛ yɛ krɔŋŋ, ehiɔ shi kɛyaa naanɔ.
Yehowa yiŋkpɛi* lɛ anɔkwale ni, fɛɛ ja.+
10 Amɛyɛ akɔnɔ fe shika tsuru,Fe shika tsuru ni atsuu he,+Ni amɛŋɔɔ hu fe wo,+ fe wo ni miitsere kɛmiijɛ wo agbakui amli.
11 Nomɛi nɔŋŋ bɔɔ otsulɔ kɔkɔ;+Kɛ́ akɛtsu nii lɛ, ekɛ sɛɛnamɔ babaoo baa.+
12 Namɔ po baanyɛ ayɔse lɛ diɛŋtsɛ etɔmɔi?+
Okɛ eshai ni mihiɛ bɛ nɔ akɛ mifee lɛ ake mi.
13 Ni kaaŋmɛ otsulɔ gbɛ ni eye etsuinaa sane;+Kaahã ekudɔ mi.+
Koni kpa ko akahi mihe,+Ni mikaye fɔ yɛ esha ni yɔɔ hiɛdɔɔ ko* he.
14 Hã midaaŋ wiemɔi kɛ sane ni mijwɛŋɔ nɔ yɛ mitsui mli lɛAsa ohiɛ,+ Ao Yehowa, mi-Tɛsaa+ kɛ mi-Kpɔ̃lɔ.+
Shishigbɛ Niŋmaa
^ Loo “Ni kɔɔyɔɔ.”
^ Shishitsɔɔmɔi komɛi kɛɔ akɛ, “amɛsusumɔ kpãa lɛ yaa.”
^ Loo “Ni shikpɔŋ lɛ naagbeehei lɛ.”
^ Loo “ehãa susuma lɛ kuɔ esɛɛ ekoŋŋ.”
^ Loo “Anyɛɔ akɛ he fɔ̃ɔ Yehowa kaimɔi lɛ anɔ.”
^ Loo “kojomɔi.”
^ Loo “yɛ eshai babaoo.”
