Lalai 18:1-50

  • Nyɔŋmɔ yijiemɔ yɛ yiwalaheremɔ hewɔ

    • “Yehowa ji mitɛsaa” (2)

    • Yehowa yeɔ mɛi ni yeɔ anɔkwa lɛ anɔkwa (25)

    • Nyɔŋmɔ gbɛ lɛ ja kɛmɔ shi (30)

    • “Oheshibaa lɛ hãa mitsɔɔ gbɔmɔ wulu” (35)

Kɛhã lalatsɔɔlɔ lɛ. Yehowa tsulɔ David lala ni elá ehã Yehowa, yɛ gbi nɔ ni Yehowa jie lɛ kɛje ehenyɛlɔi lɛ fɛɛ adɛŋ kɛ Saul hu dɛŋ lɛ. Ekɛɛ akɛ:+ 18  Ao Yehowa, mihewalɛ,+ misumɔɔ bo.   Yehowa ji mitɛsaa ni mibaa lɛ abo kɛ miteemɔhe kɛ mikpɔ̃lɔ.+ Mi-Nyɔŋmɔ lɛ ji mitɛsaa,+ mɔ mli ni mibaa abo yɛ,Mitsɛŋ kɛ miyiwalaheremɔ akolonto,* mibobaahe ni yɔɔ shweshweeshwe.*+   Mabo matsɛ Yehowa, mɔ ni sa yijiemɔ lɛ,Ni ebaahere mi kɛje mihenyɛlɔi lɛ adɛŋ.+   Gbele kpãi lɛ bɔle mi;+Yaka gbɔmɛi ba minɔ tamɔ nu afuai kɛfã mitsui.+   Gbonyobu* kpãi bɔle mi;Mikɛ gbele tsɔnei kpe.+   Mibo mitsɛ Yehowa yɛ mihaomɔ lɛ mli,Mitee nɔ mibo mitsɛ mi-Nyɔŋmɔ lɛ koni eye ebua mi. Enu migbee kɛjɛ esɔlemɔ shĩa lɛ,+Ni bolɔmɔ ni mibolɔɔ mitsɛɔ lɛ kɛhã yelikɛbuamɔ lɛ bote etoiiaŋ.+   Kɛkɛ ni shikpɔŋ lɛ hoso ni ekpokpo;+Gɔji lɛ afaneshii lɛ jijaaNi ehoso kɛtee kɛba, ejaakɛ emli* efu.+   Lasu fã kɛjɛ egugɔŋ kɛtee ŋwɛi,Ni la ni shãa nii fã kpo yɛ edaaŋ;+Ŋai ni miitso jɛ eŋɔɔ.   Be ni ekpelekeɔ shi lɛ, ŋwɛi nyɔ mli,+Ni duŋ kpii yɛ enajiashi.+ 10  Eta kerub nɔ efiliki kɛba.+ Ekpeleke shi oya yɛ mumɔŋ bɔɔ nɔ ko fiji* anɔ.+ 11  Ni ekɛ duŋ ha ehe,+Ekɛha ehe fɛɛ tamɔ mama tsũ,Nugbɔ ni ewo lutulutu kɛ atatui kpiikpii.+ 12  Nyɔŋmɔŋtɛ kɛ ŋai tso kɛtsɔ atatu lɛ mliKɛjɛ kpɛmɔ ni yɔɔ ehiɛ lɛ mli. 13  Kɛkɛ ni Yehowa shimɔ kɛjɛ ŋwɛi;+Mɔ Ni Nɔ Kwɔ Fe Fɛɛ lɛ hã anu egbee+Kɛ nyɔŋmɔŋtɛi kɛ ŋai ni miitso. 14  Etsɛ̃ egãimlibii lɛ, ni egbɛ amɛ eshwã;+Ehã esarawai lɛ gbála ni efutu amɛyiŋ.+ 15  Ana nui* lɛ ashishi;+Ao Yehowa, okamɔ lɛ hã ana shikpɔŋ lɛ faneshii lɛ,Yɛ ogugɔŋ mumɔ lɛ hũumɔ lɛ hewɔ.+ 16  Ejɛ ŋwɛi ekpã enine mli;Emɔ mimli ni esha mi kɛje nui ni mli kwɔlɔ amli.+ 17  Ejie mi kɛje mihenyɛlɔ ni he wa lɛ dɛŋ,+Kɛje mɛi ni nyɛɔ mi, ni he wa fe mi lɛ adɛŋ.+ 18  Amɛbatutua mi yɛ mimanehulu gbi lɛ nɔ,+Shi Yehowa ji misɛɛtso.* 19  Ejie mi kɛtee he ko ni yɔɔ shweshweeshwe;*Ejie mi, ejaakɛ eyɛ mihe miishɛɛ.+ 20  Yehowa jwereɔ mi yɛ mijalɛ lɛ hewɔ;+Etoɔ mi najiaŋ yɛ miniji ni he tse lɛ hewɔ.+ 21  Ejaakɛ minyiɛɔ Yehowa gbɛi lɛ anɔ,Ni mijeko mi-Nyɔŋmɔ lɛ sɛɛ yɛ gbɛ fɔŋ ko nɔ. 22  Eyiŋkpɛi* lɛ fɛɛ yɛ mihiɛ;Mikuŋ mihiɛ mishwieŋ emlai lɛ anɔ. 23  Mihãŋ shwamɔ ko ahi mihe yɛ ehiɛ,+Ni matsi mihe kɛje efɔŋ he.+ 24  Yehowa ato mi najiaŋ yɛ mijalɛ lɛ hewɔ;+Yɛ miniji ahe ni tse yɛ ehiɛ lɛ hewɔ.+ 25  Mɔ ni yeɔ anɔkwa lɛ, oyeɔ lɛ anɔkwa;+Mɔ ni he bɛ shwamɔ ko lɛ, ojieɔ ohe kpo otsɔɔ lɛ akɛ mɔ ni he bɛ shwamɔ ko;+ 26  Mɔ ni he tse lɛ, ojieɔ ohe kpo otsɔɔ lɛ akɛ mɔ ni he tse,+Shi mɔ ni ekɔ̃dɔ̃ egbɛ lɛ, ojieɔ ohe kpo otsɔɔ lɛ akɛ mɔ ni hiɛ tɛ̃.+ 27  Ejaakɛ ohereɔ mɛi ni bɛ yelikɛbualɔ lɛ,*+Shi henɔwolɔi* lɛ, obaa amɛ shi.+ 28  Ejaakɛ bo, Yehowa, bo ji mɔ ni suɔ mikane;Mi-Nyɔŋmɔ lɛ hãa miduŋ lɛ tsɔɔ la.+ 29  Oyeɔ obuaa mi ni minyɛɔ miwuɔ mishiɔ ojotswalɔi ata;+Nyɔŋmɔ hewalɛ mikɛtuɔ gbogbo.+ 30  Anɔkwa Nyɔŋmɔ lɛ gbɛ lɛ ja kɛmɔ shi;+Yehowa wiemɔ lɛ he tse.+ Eji tsɛŋ kɛhã mɛi fɛɛ ni baa lɛ abo lɛ.+ 31  Ejaakɛ namɔ ji Nyɔŋmɔ yɛ Yehowa sɛɛ?+ Ni namɔ ji tɛsaa akɛ ja wɔ-Nyɔŋmɔ lɛ?+ 32  Anɔkwa Nyɔŋmɔ lɛ ji mɔ ni kɛ hewalɛ wulaa mi,+Ni ebaahã migbɛ lɛ aja kɛmɔ shi.+ 33  Ehãa minaji feɔ tamɔ baayelɔ naji;Ehãa midamɔɔ hei ni kwɔlɔ.+ 34  Etsɔɔ miniji tawuu;Miniji nyɛɔ edɔɔ akɔɔble gãi mli. 35  Okɛ oyiwalaheremɔ tsɛŋ lɛ hãa mi,+Oninejurɔ hiɛ mimli,*Ni oheshibaa lɛ hãa mitsɔɔ gbɔmɔ wulu.+ 36  Olɛɔ nanegbɛ ni minyiɛ nɔ lɛ mli;Minaji shaneŋ.*+ 37  Matiu mihenyɛlɔi lɛ ni mayanina amɛ;Mikuŋ misɛɛ kɛyashi mabule amɛshishi. 38  Majwara amɛ koni amɛkate shi dɔŋŋ;+Amɛbaagbeegbee shi yɛ minajiashi. 39  Obaawaje mi kɛhã ta lɛ;Obaahã mihenyɛlɔi lɛ agbeegbee shi yɛ mihiɛ.+ 40  Obaahã mihenyɛlɔi lɛ ajo foi yɛ mihiɛ;*Ni makpãtã mɛi ni nyɛɔ mi lɛ ahiɛ.*+ 41  Amɛbolɔɔ koni aye abua amɛ, shi mɔ ko bɛ ni baahere amɛ;Amɛbolɔɔ amɛtsɛɔ Yehowa po, shi ehereee amɛ nɔ. 42  Mashimɔ amɛ munyɔmunyɔ tamɔ mulu yɛ kɔɔyɔɔ mli;Maloo amɛ mashwie tamɔ gbɛjegbɛi anɔ ŋmɔtɔ. 43  Obaajie mi kɛje maŋbii lɛ ateŋ mɛi ni taoɔ mihe sane fɔŋ lɛ adɛŋ.+ Obaawó mi jeŋmaji anɔ onukpa;+ Mɛi ni mileee po baasɔmɔ mi.+ 44  Nɔ ni amɛbaanu kɛkɛ lɛ baahã amɛbo mi toi;Gbɔi baaba abakoto mihiɛ.+ 45  Gbɔi anijiaŋ baaje wui;*Amɛbaafã kpo kɛje amɛteemɔhei lɛ kɛ hekpokpomɔ. 46  Yehowa hiɛ kã! Ajie mi-Tɛsaa+ lɛ yi! Awó miyiwalaheremɔ Nyɔŋmɔ lɛ nɔ gojoo.+ 47  Anɔkwa Nyɔŋmɔ lɛ tɔɔ mihe owele;+Ebaa mɛi lɛ ashi ewoɔ mishishi. 48  Ejieɔ mi kɛjeɔ mihenyɛlɔi ni mli efu lɛ adɛŋ;Owóɔ minɔ gojoo yɛ mɛi ni tutuaa mi lɛ anɔ;+Ohereɔ mi kɛjeɔ nuu awuiyelɔ lɛ dɛŋ. 49  Ao Yehowa, no hewɔ ni mawo ohiɛ nyam yɛ jeŋmaji lɛ ateŋ,+Ni malá majie* ogbɛ́i lɛ yi lɛ.+ 50  Ehãa emaŋtsɛ lɛ yeɔ kunim kpelei;*+Ejieɔ suɔmɔ ni tsakeee kpo etsɔɔ mɔ ni efɔ lɛ mu lɛ,+Etsɔɔ David kɛ eseshi* lɛ kɛyaa naanɔ.+

Shishigbɛ Niŋmaa

Loo “miyiwalaherelɔ ni he wa.” Kwɛmɔ Wiemɔi Titrii Amligbalamɔ lɛ.
Loo “migɔŋ nɔ mɔɔ ni yɔɔ shweshweeshwe.”
Hebri mli lɛ, “Sheol,” ni ji, mfonirifeemɔŋ gbonyobu kome kɛhã adesai. Kwɛmɔ Wiemɔi Titrii Amligbalamɔ lɛ.
Ni ji, Nyɔŋmɔ.
Loo “kɔɔyɔɔ fiji.”
Loo “nujɔi.”
Loo “Yehowa ye ebua mi.”
Loo “he ko ni da.”
Loo “Ekojomɔi.”
Loo “nɔnalɔi lɛ.”
Hebri sht. ŋm., “hiŋmɛii ni holeɔ amɛhe nɔ.”
Loo “yeɔ ebuaa mi.”
Loo “Minanetalɔi lɔŋeŋ.”
Loo “Obaahã mihenyɛlɔi lɛ asɛɛ akwɛ mi.”
Loo “mahã mɛi ni nyɛɔ mi lɛ afee diŋŋ.”
Loo “aniji baalaaje.”
Loo “matswa lala kɛjie.”
Loo “Etsuɔ yiwalaheremɔ nitsumɔi kpelei ehãa emaŋtsɛ lɛ.”
Hebri sht. ŋm., “edumɔwu.”