Lalai 16:1-11

  • Yehowa, mɔ ni hãa anáa nibii kpakpai

    • “Yehowa ji migbɛfaŋnɔ” (5)

    • ‘Nyɔɔŋ po lɛ, misusumɔi lɛ jajeɔ mi’ (7)

    • ‘Yehowa yɛ mininejurɔ nɔ’ (8)

    • “Oshiŋ mi yɛ Gbonyobu lɛ mli” (10)

David miktam.* 16  Ao Nyɔŋmɔ, buu mihe, ejaakɛ bo abo mibaa.+   Mikɛɛ Yehowa akɛ: “Bo ji Yehowa, mɔ ni hãa mi nibii kpakpai lɛ.   Ni mɛi krɔŋkrɔŋi ni yɔɔ shikpɔŋ lɛ nɔ lɛ,Anunyam gbɔmɛi lɛ, hãa mimii shɛɔ mihe waa.”+   Mɛi ni nyiɛɔ nyɔŋmɔi krokomɛi lɛ asɛɛ lɛ yeɔ awerɛho babaoo.+ Mifɔseŋ lá afɔlei mishwieŋ shi mihãŋ amɛ* kɔkɔɔkɔ,Ni mikɛ minaabu etsĩŋ amɛgbɛ́ii* atã.+   Yehowa ji migbɛfaŋnɔ, migbɛfaŋnɔ+ kɛ mikɔɔpoo+ ni akɛhã mi. Obuɔ migboshinii lɛ he.   Asusu hei ni hi ahã mi. Anɔkwa, miyɛ migboshinii lɛ he miishɛɛ.+   Majie Yehowa, mɔ ni woɔ mi ŋaa lɛ yi.+ Nyɔɔŋnyɔɔŋ po lɛ, mimligbɛ susumɔi* lɛ jajeɔ mi.+   Mikɛ Yehowa maa mihiɛ daa.+ Akɛni eyɛ mininejurɔ nɔ hewɔ lɛ, mikpokpoŋ* kɔkɔɔkɔ.+   No hewɔ lɛ, mitsui nyaa, migbɔmɔtso muu lɛ fɛɛ* náa miishɛɛ. Ni mihiɔ shi* shweshweeshwe. 10  Ejaakɛ oshiŋ mi* yɛ Gbonyobu* lɛ mli.+ Ohãŋ onɔkwafo lɛ ana bu lɛ.*+ 11  Ohã mina wala gbɛ lɛ.+ Miishɛɛ babaoo yɛ ohiɛ;+Miishɛɛ yɛ oninejurɔ nɔ kɛmiiya naanɔ.

Shishigbɛ Niŋmaa

Ni ji, nyɔŋmɔi krokomɛi lɛ.
Ni ji, nyɔŋmɔi krokomɛi lɛ.
Loo “mimligbɛ henumɔi.” Hebri sht. ŋm., “misabai.”
Loo “mididãŋ.”
Hebri sht. ŋm., “minunyam lɛ.”
Loo “miheloo hiɔ shi.”
Loo “misusuma.”
Hebri mli lɛ, “Sheol,” ni ji, mfonirifeemɔŋ gbonyobu kome kɛhã adesai. Kwɛmɔ Wiemɔi Titrii Amligbalamɔ lɛ.
Shishitsɔɔmɔi komɛi kɛɔ akɛ, “ana fitemɔ.”