Lalai 146:1-10
146 Nyɛjiea Yah yi!*+
Migbɔmɔtso muu fɛɛ* ajie Yehowa yi.+
2 Majie Yehowa yi miwala gbii fɛɛ.
Gbii abɔ ni mihiɛ kã nɛɛ, malá majie* mi-Nyɔŋmɔ lɛ yi.
3 Nyɛkɛ nyɛhiɛ akafɔ̃a lumɛi* anɔ,Loo gbɔmɔ bi ko, ni yiwalaheremɔ ko bɛ edɛŋ lɛ nɔ.+
4 Kɛ́ ekpa muu lɛ,* eyaa shikpɔŋ ekoŋŋ;+Nakai gbi lɛ nɔ nɔŋŋ lɛ, eyiŋtoi laajeɔ.+
5 Mɔ ni Yakob Nyɔŋmɔ lɛ ji eyelikɛbualɔ+ lɛ yɛ miishɛɛ,Mɔ ni hiɛ kã Yehowa, e-Nyɔŋmɔ lɛ nɔ lɛ,+
6 Nyɔŋmɔ ni fee ŋwɛi kɛ shikpɔŋ lɛ,Kɛ ŋshɔ lɛ, kɛ nibii fɛɛ ni yɔɔ amɛmli lɛ,+Mɔ ni yeɔ anɔkwa be fɛɛ be lɛ,+
7 Mɔ ni yeɔ mɛi ni ashishiu* amɛ lɛ asane ehãa amɛ lɛ,Mɔ ni hãa mɛi ni hɔmɔ yeɔ amɛ lɛ niyenii* lɛ.+
Yehowa jieɔ mɛi ni awo amɛ tsuŋ lɛ.*+
8 Yehowa gbeleɔ shwilafoi ahiŋmɛii;+Yehowa holeɔ mɛi ni bumɔ shi lɛ anɔ;+Yehowa sumɔɔ jalɔi.
9 Yehowa buɔ gbɔi ahe;Ebaa gbekɛ ni bɛ tsɛ,* kɛ yoo okulafo yi,+Shi etswaa mɛi fɔji ayiŋtoi efɔ̃ɔ.*+
10 Yehowa ji Maŋtsɛ kɛmiiya naanɔ,+Ao Zion, o-Nyɔŋmɔ lɛ baaye maŋtsɛ kɛjɛ yinɔ kome nɔ kɛya yinɔ kroko nɔ.
Nyɛjiea Yah yi!*
Shishigbɛ Niŋmaa
^ Loo “Haleluya!” “Yah” ji gbɛ́i Yehowa lɛ ní afo lɛ kuku.
^ Loo “Misusuma.”
^ Loo “matswa lala kɛjie.”
^ Loo “abladei.”
^ Loo “Kɛ́ emumɔ je emli lɛ.”
^ Loo “alaka.”
^ Hebri sht. ŋm., “blodo.” Kwɛmɔ Wiemɔi Titrii Amligbalamɔ lɛ.
^ Hebri sht. ŋm., “Yehowa fɛneɔ mɛi ni afimɔ amɛ lɛ.”
^ Loo “awusã.”
^ Loo “Shi ekɔ̃dɔ̃ɔ mɛi fɔji agbɛ lɛ.”
^ Loo “Haleluya!” “Yah” ji gbɛ́i Yehowa lɛ ní afo lɛ kuku.
