Lalai 143:1-12
Lala ni David fo.
143 Ao Yehowa, bo misɔlemɔ lɛ toi;+Bo fai ni mikpaa kɛhã yelikɛbuamɔ lɛ toi.
Heremɔ mi nɔ yɛ onɔkwayeli lɛ kɛ ojalɛ nifeemɔi lɛ amli.
2 Okɛ otsulɔ akaye sane,Ejaakɛ hiɛkãalɔ ko hiɛkãalɔ ko bɛ ni ja yɛ ohiɛ.+
3 Ejaakɛ henyɛlɔ lɛ nyiɛ misɛɛ;*Ekumɔ miwala kwraa eshwie shi.
Ehã miyahi duŋ mli tamɔ mɛi ni egboi jeeŋmɔ lɛ.
4 Mimumɔ naa* miitã;+Mitsui nuuu nii ahe dɔŋŋ yɛ mimli.+
5 Mikaiɔ blema gbii lɛ;Mijwɛŋɔ onitsumɔi lɛ fɛɛ anɔ;+Misusuɔ oninenaa nitsumɔi lɛ ahe waa.*
6 Migbɛɔ minijiaŋ mitsɔɔ bo;Mitamɔ* shikpɔŋ ni egbi, ni ohe kumai miiye lɛ.+ (Sela)
7 Ao Yehowa, heremɔ mi nɔ oya;+Mihewalɛ* etã.+
Okɛ ohiɛ akatee mi,+Kɛjeee nakai lɛ, matsɔ tamɔ mɛi ni kpelekeɔ shi kɛyaa bu* lɛ mli lɛ.+
8 Hã manu osuɔmɔ ni tsakeee lɛ he leebi,Ejaakɛ bo onɔ mikɛ mihiɛ fɔ̃ɔ.
Hã male gbɛ ni esa akɛ manyiɛ nɔ,+Ejaakɛ bo mitsɔɔ mihiɛ mihãa.*
9 Ao Yehowa, jiemɔ mi kɛje mihenyɛlɔi lɛ adɛŋ,
Bo odɛŋ mitaoɔ hebuu yɛ.+
10 Tsɔɔmɔ mi nii koni mafee nɔ ni osumɔɔ,+Ejaakɛ bo ji mi-Nyɔŋmɔ.
Omumɔ lɛ hi;Etsɔɔ mi gbɛ yɛ shikpɔŋ ni nɔ ja nɔ.*
11 Ao Yehowa, baamɔ miyi yɛ ogbɛ́i lɛ hewɔ.
Jiemɔ mi* yɛ haomɔ mli yɛ ojalɛ nifeemɔi lɛ ahewɔ.+
12 Gbee mihenyɛlɔi lɛ* yɛ osuɔmɔ ni tsakeee lɛ hewɔ;+Kpatamɔ mɛi ni haoɔ mi* lɛ fɛɛ ahiɛ,+Ejaakɛ otsulɔ ji mi.+
Shishigbɛ Niŋmaa
^ Loo “misusuma sɛɛ.”
^ Loo “Mihewalɛ.”
^ Loo “Mikaseɔ oninenaa nitsumɔi lɛ waa.”
^ Loo “Misusuma tamɔ.”
^ Loo “gbonyobu.”
^ Hebri sht. ŋm., “Mimumɔ naa.”
^ Loo “Ejaakɛ bo miwóɔ misusuma nɔ mihãa.”
^ Loo “yɛ mɛi ni ja lɛ ashikpɔŋ nɔ.”
^ Loo “misusuma.”
^ Hebri sht. ŋm., “Hã mihenyɛlɔi lɛ abu amɛnaa.”
^ Loo “misusuma.”
