Lalai 142:1-7
Maskil.* David nɔ. Be ni eyɔɔ tɛkplo+ lɛ mli lɛ. Sɔlemɔ.
142 Mikɛ migbee bo mitsɛ Yehowa koni eye ebua mi;+Mikɛ migbee kpa Yehowa fai koni ena mi mɔbɔ.
2 Mifɔseɔ nɔ ni haoɔ mi lɛ mishwieɔ ehiɛ;Mijaje mihaomɔ lɛ yɛ ehiɛ+
3 Be ni mimumɔ naa* tã yɛ mimli lɛ.
Kɛkɛ ni obu migbɛ lɛ he.+
Amɛtsɔ mi tsɔne yɛ teemɔŋ,Yɛ gbɛ ni minyiɛɔ nɔ lɛ nɔ.
4 Kwɛmɔ mininejurɔ nɔ, ni obaana akɛMɔ ko mɔ ko susuuu mihe.*+
He ko bɛ ni manyɛ majo foi kɛya;+Mɔ ko mɔ ko gbaaa ehe naa yɛ mihe.*
5 Ao Yehowa, bo miboɔ mitsɛɔ koni oye obua mi.
Miikɛɛ akɛ: “Bo ji mibobaahe,+Nɔ pɛ ni miyɔɔ* yɛ hiɛkãalɔi ashikpɔŋ lɛ nɔ.”
6 Bo mibolɔmɔ kɛhã yelikɛbuamɔ lɛ toi jogbaŋŋ,Ejaakɛ mihao waa.
Jiemɔ mi kɛje mɛi ni waa mi yi lɛ adɛŋ,+Ejaakɛ amɛhe wa fe mi.
7 Jiemɔ mi* kɛje gboklɛfoi abu lɛ mliKoni majie ogbɛ́i lɛ yi.
Jalɔi abua amɛhe naa yɛ mihe,Ejaakɛ okɛ mi yeɔ jogbaŋŋ.
Shishigbɛ Niŋmaa
^ Kwɛmɔ Wiemɔi Titrii Amligbalamɔ lɛ.
^ Loo “mihewalɛ.”
^ Hebri sht. ŋm., “leee mi.”
^ Loo “yɛ misusuma he.”
^ Hebri sht. ŋm., “Migbɛfaŋnɔ.”
^ Loo “misusuma.”
