Lalai 141:1-10
Lala ni David fo.
141 Ao Yehowa, miibo miitsɛ bo.+
Ba oya ni obaye obua mi.+
Kɛ́ mibo mitsɛ bo lɛ, bo toi jogbaŋŋ.+
2 Misɔlemɔ lɛ abaje yɛ ohiɛ+ tamɔ tsofa-kɛ-ŋma+ ni afutu,Miniji ni mihole nɔ lɛ hu tamɔ gbɛkɛnaashi ŋmaa* afɔle.+
3 Ao Yehowa, too bulɔ yɛ minaabu he,Too bulɔ ni ebu minaabu shinaa lɛ he.+
4 Kaahã mitsui dɔ kɛtee nɔ fɔŋ he,+Ni ekɛ mɛi fɔji yafee nibii fɔji;Kaahã miye amɛniyenii ni ŋɔɔŋɔi lɛ eko kɔkɔɔkɔ.
5 Kɛ́ jalɔ gba mi ma lɛ, mabu no akɛ eejie suɔmɔ ni tsakeee kpo eetsɔɔ mi;+Kɛ́ ejaje mi lɛ, mabu no tamɔ mu yɛ miyiteŋ,+Mu ni miyitso kpoŋ kɔkɔɔkɔ.+
Ni kɛ́ amɛyaje amanehului amli po lɛ, maya nɔ masɔle.
6 Kɛ́ atsirɛ maŋbii lɛ akojolɔi lɛ atswia shi kɛjɛ gɔŋkpɔ nɔ po lɛ,Maŋbii lɛ baaya nɔ abo miwiemɔi lɛ atoi jogbaŋŋ, ejaakɛ miwiemɔi lɛ ŋɔɔ.
7 Bɔ ni agbɛɔ sũ kɛ́ akɛ tsina kɔi miihu lɛ,Nakai agbɛ wɔwui ashwã Gbonyobu* lɛ naa.
8 Shi bo, Yehowa, Nuŋtsɔ Ofe, bo onɔ mihiŋmɛii jwere.+
Bo nɔŋŋ abo mibaa.
Kaaŋɔ miwala kɛtee.*
9 Buu mihe kɛje tsɔne ni amɛtsɔ mi lɛ kadai lɛ ahe,Kɛje efɔŋfeelɔi atsɔnei lɛ amli.
10 Mɛi fɔji lɛ ayai lɛ baadu amɛ fɛɛ,+Shi mi lɛ, matsɔ he kɛho sɔkee.
Shishigbɛ Niŋmaa
^ Ŋmaa ní awieɔ he yɛ biɛ lɛ ji wiiti, abele, omɔ, kɛ amɛhenɔi lɛ eko.
^ Hebri mli lɛ, “Sheol,” ni ji, mfonirifeemɔŋ gbonyobu kome kɛhã adesai. Kwɛmɔ Wiemɔi Titrii Amligbalamɔ lɛ.
^ Loo “Kaafɔse misusuma oshwie.”
