Lalai 140:1-13

  • Yehowa, Yiwalaherelɔ ni he wa

    • Mɛi fɔji tamɔ onufui (3)

    • Abaatsirɛ awuiyelɔi atswia shi (11)

Kɛhã lalatsɔɔlɔ lɛ. Lala ni David fo. 140  Ao Yehowa, jiemɔ mi kɛje gbɔmɛi fɔji adɛŋ;Buu mihe kɛje awuiyelɔi adɛŋ,+   Mɛi ni tsɔɔ ŋaa fɔŋ yɛ amɛtsui mli,+Ni teɔ béi shi gbi muu fɛɛ lɛ.   Amɛjɔɔ amɛlilɛi naa tamɔ onufu lilɛi;+Onufui anaa pɔizin yɛ amɛnaabu.+ (Sela)   Ao Yehowa, buu mihe kɛje mɛi fɔji adɛŋ;+Buu mihe kɛje awuiyelɔi ahe,Mɛi ni tsɔɔ ŋaa koni matɛ lɛ.   Henɔwolɔi tsɔɔ mi tsɔne yɛ teemɔŋ;Amɛkɛ kpãi ŋmɛɔ yaa yɛ gbɛ lɛ he.+ Amɛtsɔɔ mi tsɔne.+ (Sela)   Mikɛɔ Yehowa akɛ: “Bo ji mi-Nyɔŋmɔ. Ao Yehowa, bo fai ni mikpaa kɛhã yelikɛbuamɔ lɛ toi.”+   Ao Yehowa, Nuŋtsɔ Ofe, mi-Yiwalaherelɔ ni he wa,Obuɔ miyitso he yɛ ta gbi nɔ.+   Ao Yehowa, kaahã mɛi fɔji anine shɛ nɔ ni amɛtaoɔ lɛ nɔ. Kaahã amɛŋaatsɔi lɛ ye omanye, koni amɛkawó amɛhe nɔ.+ (Sela)   Efɔŋ ni mɛi ni ebɔle mi lɛ kɛ amɛnaabui wieɔ lɛAbu amɛ diɛŋtsɛ amɛyiteŋ.+ 10  Ŋai ni miitso anɛ ashwie amɛnɔ.+ Ashɛrɛ amɛ ashwie la mli,Bui ni mli kwɔlɔ*+ amli, ni amɛkate shi dɔŋŋ. 11  Mɔ ni wieɔ mɔ he efɔŋ lɛ akaná he ko ehi yɛ shikpɔŋ lɛ nɔ.+ Efɔŋ atiu awuiyelɔi lɛ ni etsirɛ amɛ etswia shi. 12  Mile akɛ Yehowa baafã mɛi ni bɛ yelikɛbualɔ lɛ aheNi eye jalɛ sane ehã ohiafoi.+ 13  Lɛɛlɛŋ, jalɔi baada ogbɛ́i lɛ shi;Mɛi ni ja lɛ baahi shi yɛ ohiɛ.+

Shishigbɛ Niŋmaa

Loo “Nui ni mli kwɔlɔ.”