Lalai 138:1-8
David nɔ.
138 Mikɛ mitsui fɛɛ baajie oyi.+
Malá majie oyi,Yɛ nyɔŋmɔi krokomɛi ahiɛ.*
2 Matsɔ mihiɛ mahã osɔlemɔ shĩa*+ krɔŋkrɔŋ lɛ ni makoto shi,Ni majie ogbɛ́i lɛ yi+Yɛ osuɔmɔ ni tsakeee kɛ onɔkwayeli lɛ hewɔ.
Ejaakɛ owó owiemɔ lɛ kɛ ogbɛ́i lɛ nɔ gojoo fe nɔ fɛɛ nɔ.*
3 Gbi ni mibo mitsɛ bo lɛ, ohere mi nɔ;+Owo mi ekãa* ni ohã miná hewalɛ.+
4 Ao Yehowa, shikpɔŋ lɛ nɔ maŋtsɛmɛi lɛ fɛɛ baajie oyi,+Ejaakɛ amɛnu onaa shiwoi lɛ.
5 Amɛbaalá Yehowa gbɛi lɛ ahe lala,Ejaakɛ Yehowa anunyam lɛ da.+
6 Yehowa yɛ ŋwɛi shɔŋŋ moŋ, shi enaa heshibalɔi,+Shi henɔwolɔi lɛ, amɛyɛ shɔŋŋ yɛ ehiɛ.+
7 Kɛ́ minyiɛ haomɔ mli po lɛ, obaabaa miwala yi.+
Okpãa onine mli oshiɔ mihenyɛlɔi amlifu lɛ;Oninejurɔ baahere mi.
8 Yehowa baatsu misaji lɛ fɛɛ ahe nii ehã mi.
Ao Yehowa, osuɔmɔ ni tsakeee lɛ hiɔ shi kɛyaa naanɔ;+Kaahã ohiɛ miikpa oninenaa nitsumɔi lɛ anɔ.+
