Lalai 136:1-26

  • Yehowa suɔmɔ ni tsakeee lɛ hiɔ shi kɛyaa naanɔ

    • Efee ŋwɛi kɛ shikpɔŋ lɛ jogbaŋŋ (5, 6)

    • Farao gbo yɛ Ŋshɔ Tsuru lɛ mli (15)

    • Nyɔŋmɔ kaiɔ mɛi ni aba amɛ shi lɛ (23)

    • Ehãa nɔ fɛɛ nɔ ni hiɛ kã lɛ niyenii (25)

136  Nyɛdaa Yehowa shi, ejaakɛ ehi;*+Esuɔmɔ ni tsakeee lɛ hiɔ shi kɛyaa naanɔ.+   Nyɛdaa nyɔŋmɔi a-Nyɔŋmɔ lɛ shi,+Ejaakɛ esuɔmɔ ni tsakeee lɛ hiɔ shi kɛyaa naanɔ.   Nyɛdaa nuŋtsɔmɛi a-Nuŋtsɔ lɛ shi,Ejaakɛ esuɔmɔ ni tsakeee lɛ hiɔ shi kɛyaa naanɔ.   Lɛ pɛ efeɔ naakpɛɛ nibii wuji,+Ejaakɛ esuɔmɔ ni tsakeee lɛ hiɔ shi kɛyaa naanɔ.+   Efee ŋwɛi lɛ jogbaŋŋ diɛŋtsɛ,*+Ejaakɛ esuɔmɔ ni tsakeee lɛ hiɔ shi kɛyaa naanɔ.   Elɛɛ shikpɔŋ lɛ mli eha nui lɛ anɔ,+Ejaakɛ esuɔmɔ ni tsakeee lɛ hiɔ shi kɛyaa naanɔ.   Lɛ efee kanei wuji lɛ,+Ejaakɛ esuɔmɔ ni tsakeee lɛ hiɔ shi kɛyaa naanɔ,   Hulu lɛ, koni eye jetsɛremɔ nɔ,+Ejaakɛ esuɔmɔ ni tsakeee lɛ hiɔ shi kɛyaa naanɔ,   Nyɔɔŋtsere lɛ kɛ ŋulamii lɛ hu, koni amɛye jenamɔ nɔ,+Ejaakɛ esuɔmɔ ni tsakeee lɛ hiɔ shi kɛyaa naanɔ. 10  Etswa Ejipt kromɔbii lɛ nɔ,+Ejaakɛ esuɔmɔ ni tsakeee lɛ hiɔ shi kɛyaa naanɔ. 11  Ejie Israel kɛje amɛteŋ,+Ejaakɛ esuɔmɔ ni tsakeee lɛ hiɔ shi kɛyaa naanɔ, 12  Kɛ nineshiwalɛ+ kɛ nine ni akpã mli,Ejaakɛ esuɔmɔ ni tsakeee lɛ hiɔ shi kɛyaa naanɔ. 13  Egba Ŋshɔ Tsuru lɛ mli enyɔ,*+Ejaakɛ esuɔmɔ ni tsakeee lɛ hiɔ shi kɛyaa naanɔ. 14  Ehã Israel tsɔ teŋ kɛho,+Ejaakɛ esuɔmɔ ni tsakeee lɛ hiɔ shi kɛyaa naanɔ. 15  Eshɛrɛ Farao kɛ esraafoi lɛ eshwie Ŋshɔ Tsuru lɛ mli,+Ejaakɛ esuɔmɔ ni tsakeee lɛ hiɔ shi kɛyaa naanɔ. 16  Enyiɛ emaŋ lɛ hiɛ kɛtsɔ ŋa lɛ nɔ,+Ejaakɛ esuɔmɔ ni tsakeee lɛ hiɔ shi kɛyaa naanɔ. 17  Etswia maŋtsɛmɛi agboi nii,+Ejaakɛ esuɔmɔ ni tsakeee lɛ hiɔ shi kɛyaa naanɔ. 18  Egbe maŋtsɛmɛi wuji,Ejaakɛ esuɔmɔ ni tsakeee lɛ hiɔ shi kɛyaa naanɔ, 19  Sihon,+ Amorbii lɛ amaŋtsɛ lɛ,Ejaakɛ esuɔmɔ ni tsakeee lɛ hiɔ shi kɛyaa naanɔ, 20  Kɛ Og,+ Bashan maŋtsɛ lɛ,Ejaakɛ esuɔmɔ ni tsakeee lɛ hiɔ shi kɛyaa naanɔ. 21  Ekɛ amɛshikpɔŋ lɛ hã akɛ gboshinii,+Ejaakɛ esuɔmɔ ni tsakeee lɛ hiɔ shi kɛyaa naanɔ, 22  Akɛ etsulɔ Israel gboshinii,Ejaakɛ esuɔmɔ ni tsakeee lɛ hiɔ shi kɛyaa naanɔ. 23  Ekai wɔ be ni aba wɔ shi lɛ,+Ejaakɛ esuɔmɔ ni tsakeee lɛ hiɔ shi kɛyaa naanɔ.+ 24  Etee nɔ ejie wɔ kɛje wɔhenyɛlɔi lɛ adɛŋ,+Ejaakɛ esuɔmɔ ni tsakeee lɛ hiɔ shi kɛyaa naanɔ. 25  Ehãa nɔ fɛɛ nɔ ni hiɛ kã lɛ* niyenii,+Ejaakɛ esuɔmɔ ni tsakeee lɛ hiɔ shi kɛyaa naanɔ. 26  Nyɛdaa ŋwɛi Nyɔŋmɔ lɛ shi,Ejaakɛ esuɔmɔ ni tsakeee lɛ hiɔ shi kɛyaa naanɔ.

Shishigbɛ Niŋmaa

Loo “ejaakɛ mɔ kpakpa ni.”
Loo “Ekɛ nilee fee ŋwɛi lɛ.”
Hebri sht. ŋm., “mli kukuji.”
Hebri sht. ŋm., “Ehãa heloo fɛɛ.”