Lalai 130:1-8
Ŋwɛikwɔɔ Lala.
130 Ao Yehowa, miboɔ mitsɛɔ bo kɛjɛɔ nui lɛ ashishi.+
2 Ao Yehowa, bo migbee toi.
Bo fai ni mikpaa kɛhã yelikɛbuamɔ lɛ toi jogbaŋŋ.
3 Ao Yah,* eji okwɛɔ tɔmɔi* kulɛ,Ao Yehowa, namɔ baanyɛ shi adamɔ?+
4 Ejaakɛ bo ji mɔ ni kɛ eshai keɔ lɛɛlɛŋ,+Koni ashe bo gbeyei.+
5 Mihiɛ kã Yehowa nɔ, migbɔmɔtso muu lɛ fɛɛ* hiɛ kã enɔ;Miimɛ ewiemɔ lɛ.
6 Miikwɛ* Yehowa gbɛ waa,+Fe bɔ ni bulɔi kwɛɔ jetsɛremɔ gbɛ lɛ,+Hɛɛ, fe bɔ ni bulɔi kwɛɔ jetsɛremɔ gbɛ lɛ.
7 Israel aya nɔ amɛ Yehowa,Ejaakɛ Yehowa suɔmɔ lɛ tsakeee,+Ni eyɛ hewalɛ kpele ni ekɛbaakpɔ̃ emaŋ lɛ.
8 Lɛ ebaakpɔ̃ Israel kɛje etɔmɔi lɛ fɛɛ amli.
Shishigbɛ Niŋmaa
^ “Yah” ji gbɛ́i Yehowa lɛ ní afo lɛ kuku.
^ Loo “eji odiɔ tɔmɔi asɛɛ.”
^ Loo “misusuma.”
^ Loo “Misusuma miikwɛ.”
