Lalai 126:1-6
Ŋwɛikwɔɔ Lala.
126 Be ni Yehowa bua Zionbii ni aŋɔ amɛ nom lɛ anaa lɛ,+Efee wɔ tamɔ nɔ ni lamɔ wɔlaa lɛ.
2 Wɔdaaŋ yi obɔ kɛ ŋmɔlɔ yɛ nakai beiaŋ,Ni wɔlilɛi lá nyamɔ lala.+
Nakai beiaŋ lɛ, akɛɛ yɛ jeŋmaji lɛ ateŋ akɛ:
“Yehowa efee nibii wuji ehã amɛ.”+
3 Yehowa efee nibii wuji ehã wɔ,+Ni wɔná miishɛɛ waa.
4 Ao Yehowa, buamɔ wɔnomii lɛ anaa kɛba,Tamɔ fai ni yɔɔ Negeb lɛ.*
5 Mɛi ni duɔ nii kɛ yaafonui lɛBaakpa kɛ nyamɔ lala.
6 Mɔ ni jeɔ kpo kɛ yaafo,Ni etere ekotoku kɛ dumɔwui lɛ,Bɔ fɛɛ bɔ ni fee lɛ, ebaaku esɛɛ kɛ nyamɔ lala,+Ni etere eŋmɔshi nii kɛmiiba.+
Shishigbɛ Niŋmaa
^ Loo “nujɔi ni yɔɔ wuoyi lɛ.”
