Lalai 12:1-8

  • Yehowa te shi koni etsu saji ahe nii

    • Nyɔŋmɔ wiemɔi lɛ yɛ krɔŋŋ (6)

Kɛhã lalatsɔɔlɔ lɛ; atsi afɔ̃ Sheminit. Lala ni David fo. 12  Ao Yehowa, heremɔ mi, ejaakɛ anɔkwafo bɛ dɔŋŋ;Mɛi ni yeɔ anɔkwa etã yɛ gbɔmɛi ateŋ.   Mɔ fɛɛ mɔ kɛ enaanyo wieɔ amale;Amɛkɛ amɛnaabui woɔ mɛi ayiteŋ mulu,* ni amɛkɛ lakamɔ tsuii* wieɔ.+   Yehowa baafo naabu fɛɛ naabu ni woɔ mɛi ayiteŋ muluKɛ lilɛi ni wieɔ nii wuji lɛ hu,+   Mɛi ni kɛɔ akɛ: “Wɔkɛ wɔlilɛii baaná nɔ ni wɔtaoɔ lɛ. Wɔkɛ wɔnaabui baafee nɔ ni wɔsumɔɔ;Namɔ baanyɛ aye wɔnɔ?”+   Yehowa kɛɛ akɛ, “Akɛni aawa nɔnalɔi lɛ ayi hewɔ lɛ,Akɛni ohiafoi lɛ miikɛ̃mɔ hewɔ lɛ,+Mate shi madamɔ shi,Mahere amɛ kɛje mɛi ni ebuuu amɛ lɛ adɛŋ.”   Yehowa wiemɔi lɛ yɛ krɔŋŋ;+Amɛtamɔ jwiɛtɛi ni atsuu he yɛ sũ flɔnɔɔ* mli; atsuu he shii kpawo.   Bo Yehowa, obaabu amɛhe;+Obaabu amɛteŋ mɔ fɛɛ mɔ he kɛjɛ yinɔ nɛɛ he kɛya naanɔ.   Mɛi fɔji nyiɛɔ kɛyaa kɛbaa ni amɛsheee nɔ ko gbeyeiEjaakɛ gbɔmɛi abii nyaa yakayaka saji ahe.+

Shishigbɛ Niŋmaa

Hebri sht. ŋm., “Amɛkɛ naabu ni shamɔɔ wieɔ.”
Hebri sht. ŋm., “amɛkɛ tsui kɛ tsui.”
Shishitsɔɔmɔi komɛi kɛɔ akɛ, “dade seremɔ flɔnɔɔ ni afee awo shikpɔŋ.”