Lalai 118:1-29
118 Nyɛdaa Yehowa shi, ejaakɛ ehi;*+Esuɔmɔ ni tsakeee lɛ hiɔ shi kɛyaa naanɔ.
2 Israel akɛɛ:
“Esuɔmɔ ni tsakeee lɛ hiɔ shi kɛyaa naanɔ.”
3 Aaron shĩabii lɛ akɛɛ:
“Esuɔmɔ ni tsakeee lɛ hiɔ shi kɛyaa naanɔ.”
4 Mɛi ni sheɔ Yehowa gbeyei lɛ akɛɛ:
“Esuɔmɔ ni tsakeee lɛ hiɔ shi kɛyaa naanɔ.”
5 Mibo mitsɛ Yah* yɛ mihaomɔ lɛ mli;Yah here mi nɔ, ni ekɛ mi tee he ko ni yɔɔ shweshweeshwe.*+
6 Yehowa yɛ mimasɛi; misheee gbeyei.+
Mɛni gbɔmɔ baanyɛ afee mi?+
7 Yehowa yɛ mimasɛi akɛ miyelikɛbualɔ;*+Mana be ni ayeɔ mɛi ni nyɛɔ mi lɛ anɔ kunim lɛ.+
8 Ehi akɛ abaaba Yehowa aboFe nɔ ni akɛ hiɛ baafɔ̃ adesai anɔ.+
9 Ehi akɛ abaaba Yehowa aboFe nɔ ni akɛ hiɛ baafɔ̃ lumɛi anɔ.+
10 Jeŋmaji lɛ fɛɛ bɔle mi,Shi miwo amɛ foiYɛ Yehowa gbɛ́i mli.+
11 Amɛbɔle mi, hɛɛ, amɛbɔle mihe fɛɛ kɛkpe,Shi miwo amɛ foiYɛ Yehowa gbɛ́i mli.
12 Amɛbɔle mi tamɔ wobii,Shi agbe amɛ oya tamɔ la yɛ ŋmei tsei ateŋ.
Miwo amɛ foiYɛ Yehowa gbɛ́i mli.+
13 Atsi mi waa* koni magbee shi,Shi Yehowa ye ebua mi.
14 Yah ji mishihilɛhe kɛ mihewalɛ,Ni etsɔ miyiwalaheremɔ.+
15 Nyamɔ kɛ yiwalaheremɔ* gbeeYɛ jalɔi amama tsũi amli.
Yehowa ninejurɔ miifee hewalɛ nii.+
16 Yehowa ninejurɔ miiwó ehe nɔ;Yehowa ninejurɔ miifee hewalɛ nii.+
17 Migboŋ, mahi wala mli,Koni majaje Yah nitsumɔi lɛ matsɔɔ.+
18 Yah gbala mitoi* waa,+Shi ekɛ mi wooo gbele dɛŋ.+
19 Nyɛgbelea jalɛ nifeemɔi agbói lɛ nyɛhãa mi;+Mabote mli, ni majie Yah yi.
20 Yehowa agbó lɛ nɛ.
Jalɔi baatsɔ mli.+
21 Majie oyi, ejaakɛ ohere mi nɔ+Ni otsɔ miyiwalaheremɔ.
22 Tɛ lɛ ni tsumalɔi lɛ shɛ amɛfɔ̃ lɛ,No nɔŋŋ etsɔ koŋtɛ ni he hiaa fe fɛɛ nɛɛ.*+
23 Enɛ jɛ Yehowa ŋɔɔ;+Eyɛ naakpɛɛ yɛ wɔhiŋmɛiiaŋ.+
24 Gbi ni Yehowa efee lɛ nɛ;Wɔbaaná miishɛɛ ni wɔbaanya yɛ nɔ.
25 Yehowa, ofainɛ, heremɔ wɔ, wɔmiikpa bo fai!
Yehowa, ofainɛ, hã wɔye kunim!
26 Ajɔɔ mɔ ni baa yɛ Yehowa gbɛ́i mli lɛ;+Wɔmiijɛ Yehowa shĩa lɛ wɔmiijɔɔ nyɛ.
27 Yehowa lɛ, lɛ ji Nyɔŋmɔ;Lɛ ehãa wɔ la.+
Nyɛhiɛa tsei aniji ni nyɛfataa gbijurɔyeli akoŋshimɔ lɛ he,+Kɛyaa afɔleshaa latɛ lɛ akolontoi+ lɛ ahe tɔ̃ɔ.
28 Bo ji mi-Nyɔŋmɔ, ni majie oyi;Mi-Nyɔŋmɔ, mawó onɔ gojoo.+
29 Nyɛdaa Yehowa shi,+ ejaakɛ ehi;*Esuɔmɔ ni tsakeee lɛ hiɔ shi kɛyaa naanɔ.+
Shishigbɛ Niŋmaa
^ Loo “ejaakɛ mɔ kpakpa ni.”
^ “Yah” ji gbɛ́i Yehowa lɛ ní afo lɛ kuku.
^ Loo “he ko ni da.”
^ Shishitsɔɔmɔi komɛi kɛɔ akɛ, “Yehowa fata mɛi ni yeɔ amɛbuaa mi lɛ ahe.”
^ Shishitsɔɔmɔi komɛi kɛɔ akɛ, “Otsi mi waa.”
^ Loo “kunimyeli.”
^ Loo “tsɔse mi.”
^ Hebri sht. ŋm., “koŋ lɛ yitso lɛ.”
^ Loo “ejaakɛ mɔ kpakpa ni.”
