Lalai 116:1-19

  • Shidaa lala

    • “Mɛni mikɛbaato Yehowa najiaŋ?” (12)

    • “Mawó yiwalaheremɔ kɔɔpoo lɛ nɔ” (13)

    • “Maye mishiwoi lɛ anɔ mahã Yehowa” (14, 18)

    • Anɔkwafoi agbele naa wa waa (15)

116  Misumɔɔ Yehowa,Ejaakɛ eboɔ migbee toi,* eboɔ fai ni mikpaa kɛhã yelikɛbuamɔ lɛ toi.+   Ejaakɛ ebaa etoi shi ehãa mi,*+Ni gbii abɔ ni miyɔɔ wala mli nɛɛ,* mabo matsɛ lɛ.   Gbele kpãi lɛ bɔle mi;Gbonyobu lɛ mɔ mimli.*+ Haomɔ kɛ awerɛho ye minɔ.+   Shi mibo mitsɛ Yehowa gbɛ́i lɛ mikɛɛ:+ “Ao Yehowa, jiemɔ mi!”*   Yehowa lɛ, musuŋtsɔlɔ* kɛ jalɔ ji lɛ;+Wɔ-Nyɔŋmɔ lɛ, mɔbɔnalɔ ji lɛ.+   Yehowa buɔ mɛi ni jwɛŋmɔ esako lɛ ahe.+ Aba mi shi, ni ehere mi.   Misusuma,* jɔɔmɔ ohe ekoŋŋ,Ejaakɛ Yehowa kɛ mi eye jogbaŋŋ.   Ojie mi* kɛje gbele mli,Ojie mihiŋmɛi kɛje yaafonui amli, minane hu kɛje tɛmɔ mli.+   Manyiɛ yɛ Yehowa hiɛ yɛ hiɛkãalɔi ashikpɔŋ lɛ nɔ. 10  Mihe miye, no hewɔ ni miwie lɛ;+Mina nɔ waa. 11  Mi lɛ, mitsui fã ni mikɛɛ: “Gbɔmɔ fɛɛ gbɔmɔ lɛ, amalelɔ ni.”+ 12  Mɛni mikɛbaato Yehowa najiaŋYɛ nibii kpakpai fɛɛ ni efee ehã mi lɛ hewɔ? 13  Mawó yiwalaheremɔ kɔɔpoo* lɛ nɔ,Ni mabo matsɛ Yehowa gbɛ́i lɛ. 14  Maye mishiwoi lɛ anɔ mahã YehowaYɛ emaŋ lɛ fɛɛ hiɛ.+ 15  Nɔ ko ni naa wa waa* yɛ Yehowa hiɛ jiMɛi ni yeɔ lɛ anɔkwa lɛ agbele.+ 16  Ao Yehowa, miikpa bo fai,Ejaakɛ otsulɔ ji mi. Otsulɔ ji mi, onyɔŋ yoo lɛ binuu. Ofɛne mikpãi lɛ yɛ mihe.+ 17  Mikɛ shidaa afɔle baahã bo;+Mabo matsɛ Yehowa gbɛ́i lɛ. 18  Maye mishiwoi lɛ anɔ mahã Yehowa+Yɛ emaŋ lɛ fɛɛ hiɛ,+ 19  Yɛ Yehowa shĩa lɛ kpoi lɛ anɔ,+Yɛ bo Yerusalem, oteŋ. Nyɛjiea Yah yi!*+

Shishigbɛ Niŋmaa

Shishitsɔɔmɔi komɛi kɛɔ akɛ, “Misumɔɔ, ejaakɛ Yehowa boɔ migbee toi.”
Loo “Ejaakɛ ekotoɔ shi koni ebo mi toi.”
Hebri sht. ŋm., “Ni yɛ migbii lɛ amli lɛ.”
Hebri sht. ŋm., “Sheol haomɔi lɛ nine shɛ minɔ.”
Loo “misusuma.”
Loo “drolɔ.”
Loo “misusuma.”
Loo “yiwalaheremɔ kpele.”
Hebri sht. ŋm., “Nɔ ko ni jara wa waa.”
Loo “Haleluya!” “Yah” ji gbɛ́i Yehowa lɛ ní afo lɛ kuku.