Lalai 11:1-7

  • Abo ni abaa yɛ Yehowa ŋɔɔ

    • “Yehowa yɛ esɔlemɔ shĩa krɔŋkrɔŋ lɛ mli” (4)

    • Nyɔŋmɔ nyɛɔ mɔ fɛɛ mɔ ni sumɔɔ yiwalɛ nifeemɔ (5)

Kɛhã lalatsɔɔlɔ lɛ. David lala. 11  Yehowa abo mibaa.+ No hewɔ lɛ, mɛni hewɔ nyɛkɛɔ mi* akɛ: “Nyɛjoa foi kɛyaa nyɛgɔŋ lɛ nɔ tamɔ loofɔlɔ!   Kwɛ bɔ ni mɛi fɔji dɔrɔɔ gãi mli;Amɛkɛ amɛgãimlibi lɛ ema gãi kpãa lɛ nɔ,Koni amɛjɛ duŋ mli amɛtsɛ̃rɛ̃ mɛi ni ja yɛ amɛtsui mli lɛ gãi.   Kɛ́ akumɔ faneshii* lɛ,Mɛni jalɔ baanyɛ afee?”   Yehowa yɛ esɔlemɔ shĩa krɔŋkrɔŋ lɛ mli.+ Yehowa lɛ, ŋwɛii emaŋtsɛ sɛi lɛ yɔɔ.+ Ehiŋmɛii miina, ehiŋmɛii miikwɛ gbɔmɛi abii.+   Yehowa taoɔ jalɔ kɛ mɔ fɔŋ fɛɛ mli;+Enyɛɔ* mɔ fɛɛ mɔ ni sumɔɔ yiwalɛ nifeemɔ.+   Ebaahã akpai* anɛ ashwie mɛi fɔji lɛ anɔ;La kɛ sɔlfa+ kɛ kɔɔyɔɔ ni mli edɔ waa ji nɔ ni amɛbaanu yɛ amɛkɔɔpoo lɛ mli.   Ejaakɛ Yehowa lɛ, jalɔ ji lɛ;+ esumɔɔ jalɛ nifeemɔi.+ Mɛi ni ja lɛ baana ehiɛ.*+

Shishigbɛ Niŋmaa

Loo “misusuma.”
Loo “jalɛ sane faneshii.”
Loo “Esusuma nyɛɔ.”
Loo “tsɔnei.” Shishitsɔɔmɔi komɛi kɛɔ akɛ, “ŋai ni miitso.”
Loo “Mɛi ni ja lɛ baaná ehiɛ dromɔ.”