Lalai 105:1-45
105 Nyɛdaa Yehowa shi,+ nyɛboa nyɛtsɛa egbɛ́i lɛ,Nyɛhãa alea enifeemɔi lɛ yɛ majimaji lɛ ateŋ!+
2 Nyɛláa nyɛhãa lɛ, nyɛláa* kɛjiea eyi,Nyɛjwɛŋa enaakpɛɛ nitsumɔi lɛ fɛɛ anɔ.*+
3 Nyɛshwãa nyɛfɔ̃a egbɛ́i krɔŋkrɔŋ lɛ nɔ.+
Mɛi ni taoɔ Yehowa sɛɛ gbɛ lɛ atsuii anya.+
4 Nyɛtaoa Yehowa kɛ ehewalɛ lɛ sɛɛ gbɛ.+
Nyɛtaoa ehiɛ dromɔ* daa.
5 Nyɛkaia naakpɛɛ nitsumɔi ni etsu lɛ,Enaakpɛɛ nii lɛ kɛ yiŋkpɛi* ni jɛ enaa lɛ,+
6 Nyɛ, etsulɔ Abraham seshibii,*+Nyɛ Yakob bii, ni ji mɛi ni ehala lɛ.+
7 Lɛ ji Yehowa, wɔ-Nyɔŋmɔ lɛ.+
Eyiŋkpɛi* lɛ ekpele shikpɔŋ lɛ nɔ fɛɛ.+
8 Ekaiɔ ekpaŋmɔ lɛ kɛyaa naanɔ,+Shi ni ewo kɛyashi yinɔi akpe nɔ lɛ,*+
9 Kpaŋmɔ ni ekɛ Abraham kpaŋ lɛ,+Kɛ kitã ni ekã Isak lɛ,+
10 Ni ekɛma shi akɛ famɔ kɛhã Yakob,Kɛ kpaŋmɔ ni ekɛ Israel kpaŋ ni baahe be kplaŋŋ,
11 Ekɛɛ, “Mikɛ Kanaan shikpɔŋ lɛ baahã bo+Akɛ nyɛgboshinii.”+
12 No mli lɛ, amɛyi faaa,+Hɛɛ, no mli lɛ, amɛyi faaa kwraa, ni gbɔi ji amɛ yɛ shikpɔŋ lɛ nɔ.+
13 Amɛnyiɛ kɛjɛ jeŋmaŋ kome nɔ kɛtee jeŋmaŋ kroko nɔ,Kɛjɛ maŋtsɛyeli kome nɔ kɛtee maŋ kroko nɔ.+
14 Ehãaa mɔ ko mɔ ko awa amɛ yi,+Shi moŋ, ebɔ maŋtsɛmɛi kɔkɔ yɛ amɛhewɔ,+
15 Ekɛɛ, “Nyɛkataa mɛi ni mifɔ amɛ mu lɛ ahe,Ni migbalɔi lɛ hu, nyɛkafea amɛ efɔŋ ko.”+
16 Etsɛ hɔmɔ kɛba shikpɔŋ lɛ nɔ;+Ehã amɛniyenii sɛɛ fo.*
17 Etsu nuu ko kɛtsɔ amɛhiɛ,Lɛ ji Yosef, mɔ ni ahɔ̃ɔ lɛ ni eyatsɔ nyɔŋ lɛ.+
18 Amɛkɛ gboklɛi wo* enaji;+Akɛ ekuɛ wo dadei amli*
19 Kɛyashi be mli ni ewiemɔ lɛ ba mli,+Yehowa wiemɔ lɛ ji nɔ ni tsuu ehe.
20 Maŋtsɛ lɛ tsu koni ayajie lɛ,+Majimaji anɔyelɔ lɛ hã aŋmɛɛ ehe.
21 Ewó lɛ onukpa yɛ eshĩabii lɛ anɔ,Ewó lɛ nɔyelɔ koni ekwɛ enibii fɛɛ anɔ,+
22 Koni eye elumɛi lɛ anɔ* bɔ ni esumɔɔ,Ni etsɔɔ emaŋ onukpai lɛ hiɛshikamɔ.+
23 Kɛkɛ ni Israel ba Ejipt,+Ni Yakob hi Ham shikpɔŋ lɛ nɔ akɛ gbɔ.
24 Nyɔŋmɔ hã emaŋ lɛ yi fa babaoo;+Ehã amɛhe wa fe amɛhenyɛlɔi lɛ,+
25 Mɛi ni ehã amɛtsuii tsake koni amɛnyɛ emaŋ lɛ,Koni amɛtsɔ etsuji lɛ ahe ŋaa lɛ.+
26 Etsu etsulɔ Mose,+Kɛ Aaron,+ mɔ ni ehala lɛ.
27 Amɛfee ekadii lɛ yɛ amɛteŋ,Enaakpɛɛ nii lɛ yɛ Ham shikpɔŋ lɛ nɔ.+
28 Etsu duŋ, ni shikpɔŋ lɛ nɔ wo duŋ;+Amɛtseee ewiemɔi lɛ ahiɛ atua.
29 Ehã amɛnui lɛ tsɔ láNi egbe amɛloi lɛ.+
30 Amɛshikpɔŋ lɛ nɔ yi kɛ kɔkɔdenei,+Maŋtsɛ sɛɛtsui lɛ amli po yimɔ kɛ kɔkɔdenei.
31 Efã filikilɔi bibii ni kɔ̃ɔ mɔ koni amɛbaKɛ tɔŋtɔŋi* hu yɛ amɛshikpɔji lɛ fɛɛ nɔ.+
32 Ehã nyɔŋmɔŋtɛ nɛ yɛ nugbɔ najiaŋNi etsu sarawa* hu kɛba amɛshikpɔŋ lɛ nɔ.+
33 Etswia amɛwain tsei kɛ amɛgbami tsei lɛ aniiNi ekumɔ amɛshikpɔŋ lɛ nɔ tsei lɛ.
34 Ekɛɛ akɛ, baalabii aba,Baalabii ni ejeko fiji ni aleee amɛyibɔ.+
35 Amɛye shikpɔŋ lɛ nɔ kwɛ̃ɛ nii fɛɛ,Ni amɛye shikpɔŋ lɛ nɔ nibaa nii lɛ.
36 Egbe amɛshikpɔŋ lɛ nɔ kromɔbii lɛ fɛɛ,+Mɛi ni ji amɛfɔmɔ hewalɛ shishijee lɛ.
37 Ejie ewebii lɛ kɛje kpo kɛ jwiɛtɛi kɛ shika tsuru;+Ni ewekui lɛ ateŋ mɔ ko mɔ ko tɛɛɛ.
38 Be ni amɛshi lɛ, Ejipt nya,Ejaakɛ Israel he* gbeyei emɔmɔ amɛ.+
39 Elɛɛ atatu mli kɛfo amɛteŋ+
Kɛ la hu koni ehã amɛ kane nyɔɔŋ.+
40 Amɛbi, ni ehã koo shishi wuɔi* ba;+Etee nɔ ehã amɛtɔrɔ kɛ niyenii* ni jɛ ŋwɛi.+
41 Egbele tɛsaa naa, ni nui tue kɛje mli;+Nui lɛ ho yɛ ŋa kpataa lɛ nɔ tamɔ faa.+
42 Ejaakɛ ekai shiwoo krɔŋkrɔŋ ni ewo etsulɔ Abraham lɛ.+
43 No hewɔ lɛ, ejie emaŋ lɛ kɛje kpo kɛ nyamɔ,+Mɛi ni ehala lɛ kɛ nyamɔ lala.
44 Ekɛ jeŋmaji lɛ ashikpɔji lɛ hã amɛ;+Amɛná nɔ ni maji krokomɛi etsu nii waa kɛná lɛ,+
45 Koni amɛbo efamɔi lɛ atoi,+Ni amɛye emlai lɛ anɔ.
Nyɛjiea Yah yi!*
Shishigbɛ Niŋmaa
^ Shishitsɔɔmɔi komɛi kɛɔ akɛ, “Nyɛwiea enaakpɛɛ nitsumɔi lɛ fɛɛ ahe.”
^ Loo “nyɛtswaa lala.”
^ Loo “ehiɛ gbɛ.”
^ Loo “kojomɔi.”
^ Loo “shwiei.” Hebri sht. ŋm., “dumɔwu.”
^ Loo “Ekojomɔi.”
^ Hebri sht. ŋm., “Wiemɔ ni ekɛwo yinɔi akpe kitã lɛ.”
^ Hebri sht. ŋm., “Ekumɔ blodo tso fɛɛ blodo tso.” Eeenyɛ efee akɛ ekɔɔ tsei ni akɛ blodo tsotsoroɔ nɔ lɛ ahe.
^ Hebri sht. ŋm., “piŋ.”
^ Loo “Esusuma bote dade mli.”
^ Hebri sht. ŋm., “Koni efimɔ elumɛi lɛ.”
^ Enɛ jeee tɔŋtɔŋi diɛŋtsɛ, shi moŋ amɛji filikilɔi bibii komɛi tamɔ tɔŋtɔŋi ni anaa yɛ Ejipt.
^ Loo “lalilɛi.”
^ Hebri sht. ŋm., “amɛhe.”
^ Hebri sht. ŋm., “blodo.”
^ Loo “ehã trakɔkɔi.”
^ Loo “Haleluya!” “Yah” ji gbɛ́i Yehowa lɛ ní afo lɛ kuku.
