Lalai 102:1-28

  • Sɔlemɔ ni mɔ ni awaa lɛ yi lɛ sɔle be ni ehao

    • “Mitamɔ loofɔlɔ ni ekome too eyɔɔ” (7)

    • “Migbii lɛ tamɔ hɔɔŋ ni laajeɔ” (11)

    • “Yehowa baatswa Zion ekoŋŋ” (16)

    • Yehowa yɛ kɛmiiya naanɔ (26, 27)

Sɔlemɔ ni mɔ ni awaa lɛ yi lɛ sɔle be ni ehao* ni efɔse nɔ ni haoɔ lɛ lɛ eshwie Yehowa hiɛ lɛ.+ 102  Ao Yehowa, bo misɔlemɔ lɛ toi;+Hã bo ni miboɔ kɛhã yelikɛbuamɔ lɛ ashɛ oŋɔɔ.+   Okɛ ohiɛ akatee mi yɛ mihaomɔ be lɛ mli.+ Ba otoi shi ohã mi;*Kɛ́ mibo mitsɛ bo lɛ, heremɔ mi nɔ oya.+   Ejaakɛ migbii lɛ miilaaje tamɔ lasu,Ni miwui lɛ ahe edɔ tamɔ nɔ ni amɛjwere la mli.+   Mitsui egbo yɛ mimli tamɔ jwɛi ni egbi ni eŋala,+Ejaakɛ mihiɛ kpaa miniyenii po nɔ.   Mikɛ̃ɛmɔ lɛ sɔŋŋ hewɔ lɛ,+Mifee wuiwui.*+   Mitsɔ tamɔ ŋa nɔ dɔkɔdɔkɔ;Mitamɔ patu bibioo ni yɔɔ he ko ni efee koikoi.   Kɛ́ mikã shi lɛ, miwɔɔɔ;*Mitamɔ loofɔlɔ ni ekome too eyɔɔ tsũyiteŋ.+   Mihenyɛlɔi lɛ wieɔ amɛshiɔ mi gbi muu fɛɛ.+ Mɛi ni yeɔ mihe fɛo lɛ kɛ migbɛ́i lomɔɔ.   Ejaakɛ lamulu etsɔ miniyenii,*+Ni yaafonui efutu nii ni minuɔ lɛ mli,+ 10  Yɛ omlila lɛ kɛ omlifu lɛ hewɔ,Ejaakɛ owó minɔ koni oshɛ mi ofɔ̃. 11  Migbii lɛ tamɔ hɔɔŋ ni laajeɔ,*+Ni miigbi tamɔ jwɛi.+ 12  Shi bo, Yehowa lɛ, oyɛ kɛmiiya naanɔ,+Ni ogbɛ́i* lɛ hu baahi shi yɛ yinɔi fɛɛ amli.+ 13  Obaate shi ni ona Zion mɔbɔ kɛ̃,+Ejaakɛ be eshɛ akɛ odro lɛ;+Be ni ato lɛ eshɛ.+ 14  Ejaakɛ otsulɔ sumɔɔ etɛi*+Ni esumɔɔ emli mulu lɛ po.+ 15  Jeŋmaji lɛ baashe Yehowa gbɛ́i lɛ gbeyei,Ni shikpɔŋ lɛ nɔ maŋtsɛmɛi lɛ fɛɛ baashe onunyam lɛ gbeyei.+ 16  Ejaakɛ Yehowa baatswa Zion ekoŋŋ;+Ebaajie ehe kpo yɛ enunyam lɛ mli.+ 17  Ebaabo mɛi ni bɛ mɔ ko lɛ asɔlemɔ toi;+Enyaŋeŋ amɛsɔlemɔ lɛ.+ 18  Hã aŋma enɛ afɔ̃ shi ahã yinɔbii ni baaba lɛ,+Koni mɛi ni anáko afɔ amɛ* lɛ ajie Yah yi. 19  Ejaakɛ ejɛɔ ehe krɔŋkrɔŋ ni kwɔ lɛ ekwɛɔ shikpɔŋ,+Yehowa jɛɔ ŋwɛi ekwɛɔ shikpɔŋ lɛ, 20  Koni ebo mɔ ni awo lɛ tsuŋ lɛ kɛ̃ɛmɔ lɛ toi,+Koni ehã mɛi ni abu amɛ gbele fɔ lɛ aye amɛhe,+ 21  Bɔ ni afee ni ajaje Yehowa gbɛ́i lɛ yɛ Zion+Kɛ eyijiemɔ lɛ yɛ Yerusalem, 22  Be ni majimaji lɛ kɛ maŋtsɛyelii lɛEbua amɛhe naa koni amɛsɔmɔ Yehowa lɛ.+ 23  Eshɔ̃ mihewalɛ yɛ midɛŋ trukaa be ni mibe shɛko;Efo migbii lɛ anɔ kuku. 24  Mikɛɛ akɛ: “Ao mi-Nyɔŋmɔ,Bo mɔ ni owala afii lɛ hiɔ shi yɛ yinɔi fɛɛ amli,+Kaagbe mi yɛ miwala afii lɛ teŋ. 25  Blema tɔ̃ɔ oto shikpɔŋ lɛ faneshii lɛ shishi,Ni ŋwɛi lɛ, oninenaa nitsumɔ ni.+ 26  Amɛhiɛ baakpãtã, shi bo lɛ, obaahi shi daa;Amɛbaafite tamɔ atade fiteɔ lɛ. Obaatsake amɛ tamɔ bɔ ni atsakeɔ mama lɛ, ni amɛbaaho amɛya. 27  Shi bo lɛ, oyɛ bɔ ni oyɔɔ lɛ nɔŋŋ, ni owala afii lɛ hu baŋ naagbee kɔkɔɔkɔ.+ 28  Otsuji lɛ abii lɛ baahi shi ni efɔŋ ko baaa amɛnɔ,Ni amɛseshi lɛ baadamɔ shi shiŋŋ yɛ ohiɛ.”+

Shishigbɛ Niŋmaa

Loo “be ni egbede.”
Loo “Kotomɔ shi koni obo mi toi.”
Loo “Miwui ekpɛtɛ miheloo.”
Shishitsɔɔmɔi komɛi kɛɔ akɛ, “Mitã loo waa.”
Hebri sht. ŋm., “miblodo.”
Loo “tamɔ hɔɔŋ ni miida.”
Hebri sht. ŋm., “okaimɔ.”
Ni ji, Zion.
Hebri sht. ŋm., “mɛi ni anáko abɔ amɛ.”