Lalai 101:1-8

  • Nɔyelɔ anɔkwafo

    • ‘Mináaa henɔwolɔ he miishɛɛ’ (5)

    • ‘Makwɛ anɔkwafoi lɛ ahiɛ’ (6)

Lala ni afo. David nɔ. 101  Malá suɔmɔ ni tsakeee kɛ jalɛsaneyeli he lala. Ao Yehowa, malá* yijiemɔ lalai mahã bo.   Mikɛ hiɛshikamɔ baafee minii, ni mahi shi bɔ ni sane ko baŋ mihe.* Mɛɛ be obaaba miŋɔɔ? Mikɛ tsui krɔŋŋ baanyiɛ+ yɛ mishĩa lɛ mli.   Mikɛ nɔ ko gbonyo* emaŋ mihiɛ. Minyɛɔ mɛi ni gbaa afã kɛjeɔ nɔ ni ja he lɛ anifeemɔi;+Mikɛ amɛ efeŋ nɔ ko nɔ ko.*   Tsui ni ekɔ̃dɔ̃ lɛ kɛ mi teŋ jekɛ;Mináaa nɔ gbonyo he miishɛɛ.*   Mɔ fɛɛ mɔ ni wieɔ enaanyo he efɔŋ yɛ esɛɛ lɛ,*+Mahã efee diŋŋ.* Mɔ fɛɛ mɔ ni hiɛ henɔwomɔ hiŋmɛii kɛ henɔwomɔ tsui lɛ,Mináaa ehe miishɛɛ.   Makwɛ anɔkwafoi ni yɔɔ shikpɔŋ lɛ nɔ lɛ ahiɛ,Koni amɛkɛ mi ahi shi. Mɔ ni nyiɛɔ ni sane ko bɛ ehe* lɛ baasɔmɔ mi.   Mɔ ko ni lakaa mɔ ehiŋ mishĩa lɛ mli,Ni mɔ ko ni maleɔ damɔŋ mihiɛ.   Daa leebi lɛ, mahã mɛi fɔji ni yɔɔ shikpɔŋ lɛ nɔ lɛ afee diŋŋ,*Koni mafolɔ efɔŋfeelɔi lɛ fɛɛ mashwie kɛje Yehowa maŋ lɛ mli.+

Shishigbɛ Niŋmaa

Loo “matswa.”
Loo “ni maye anɔkwa.”
Loo “nɔ ko ni sɛɛnamɔ bɛ he.
Loo “Amɛnifeemɔi lɛ kpɛtɛŋ mihe.”
Hebri sht. ŋm., “Mileee nɔ gbonyo.”
Loo “yɛ teemɔŋ lɛ.”
Loo “Makpãtã ehiɛ.”
Loo “mɔ ni nyiɛɔ yɛ anɔkwale mli.”
Loo “makpãtã mɛi fɔji ni yɔɔ shikpɔŋ lɛ nɔ lɛ ahiɛ.”