Lalai 10:1-18
ל [Lamed]
10 Ao Yehowa, mɛni hewɔ odamɔ sɛɛ shɔŋŋ?
Mɛni hewɔ oteɔ ohe yɛ haomɔ beiaŋ?+
2 Henɔwomɔ hewɔ lɛ, mɔ fɔŋ tiuɔ mɔ ni bɛ yelikɛbualɔ lɛ,+Shi eŋaatsɔi lɛ nɔŋŋ baadu lɛ.+
3 Ejaakɛ mɔ fɔŋ lɛ gbeɔ edaaŋ yɛ nii ni eshweɔ ni lɛ pɛ ená lɛ* he+Ni ejɔɔ amimyelɔ lɛ;*נ [Nun]Ebuuu Yehowa.
4 Henɔwomɔ hewɔ lɛ, gbɔmɔ fɔŋ taooo nii amli;Ejwɛŋmɔŋ fɛɛ lɛ: “Nyɔŋmɔ ko bɛ.”+
5 Nɔ fɛɛ nɔ ni efeɔ lɛ yaa nɔ jogbaŋŋ,+Shi ejwɛŋmɔ shɛɛɛ oyiŋkpɛi* lɛ ahe;+Eyeɔ ehenyɛlɔi lɛ fɛɛ ahe fɛo.*
6 Ekɛɔ yɛ etsui mli akɛ: “Mikpokpoŋ kɔkɔɔkɔ;*Kɛjɛ yinɔ kome nɔ kɛmiiya yinɔ kroko nɔ lɛ,Minaŋ sane fɔŋ kɔkɔɔkɔ.”+
פ [Pe]
7 Loomɔi, kɛ amalei, kɛ hegbeyeiwoo eyi edaaŋ;+Sane fɔŋ kɛ awuiyeli hɔ elilɛi shishi.+
8 Ewoɔ ka yɛ shihilɛhei lɛ amasɛi;Ejɛɔ eteemɔhe lɛ egbeɔ mɔ ni efeko nɔ ko.+
ע [Ayin]
Ehiŋmɛii miikpa shi kɛmiitao mɔ ko ni nii yɔɔ mɔbɔ ni eye lɛ awui.+
9 Emɛɔ yɛ eteemɔhe lɛ tamɔ jata yɛ eshihilɛhe.*+
Emɛɔ koni emɔ mɔ ni bɛ yelikɛbualɔ lɛ.
Egbalaa eyaa lɛ kɛŋaa mɔ ni bɛ yelikɛbualɔ lɛ naa ewoɔ mli.+
10 Ekumɔɔ mɔ ni edu lɛ lɛ, ni mɔ lɛ buɔ shi;Mɛi ni nii yɔɔ mɔbɔ lɛ gbeɔ edɛŋ.
11 Ekɛɔ yɛ etsui mli akɛ: “Nyɔŋmɔ hiɛ ekpa nɔ.+
Etsɔ ehiɛ eto afã.
Enaŋ kɔkɔɔkɔ.”+
ק [Kof]
12 Ao Yehowa, tee shi,+ Ao Nyɔŋmɔ, wó onine nɔ.+
Ohiɛ akakpa mɛi ni bɛ yelikɛbualɔ lɛ anɔ.+
13 Mɛni hewɔ mɔ fɔŋ lɛ ebuuu Nyɔŋmɔ lɛ?
Ekɛɔ yɛ etsui mli akɛ: “Okojoŋ mi.”
ר [Resh]
14 Shi onaa sane fɔŋ kɛ haomɔ.
Ni okwɛɔ ni otsuɔ he nii.+
Bo oŋɔɔ mɔ ni nii yɔɔ mɔbɔ lɛ baa;+Bo ji gbekɛ ni bɛ tsɛ* yelikɛbualɔ.+
ש [Shin]
15 Kuu mɔ fɔŋ kɛ eshafeelɔ lɛ nine,+Bɔ ni afee ni kɛ́ otao nɔ fɔŋ ni efeɔ lɛ,Okana dɔŋŋ.
16 Yehowa ji Maŋtsɛ kɛmiiya naanɔi anaanɔ.+
Jeŋmaji lɛ ahiɛ ekpãtã yɛ shikpɔŋ lɛ nɔ.+
ת [Taw]
17 Shi, bo Yehowa, obaabo mɛi ni he jɔ lɛ afaikpamɔ lɛ toi.+
Obaawaje amɛtsuii+ ni obaabo amɛ toi jogbaŋŋ.+
18 Obaaye mɛi ni bɛ tsɛmɛi* kɛ mɛi ni akumɔ amɛ lɛ asane ohã amɛ,+Koni gbɔmɔ adesa ni yɔɔ shikpɔŋ lɛ nɔ lɛ akawo amɛhe gbeyei dɔŋŋ.+
Shishigbɛ Niŋmaa
^ Loo “nii ni esusuma shweɔ lɛ.”
^ Shishitsɔɔmɔi komɛi kɛɔ akɛ, “Amimyelɔ lɛ jɔɔ lɛ diɛŋtsɛ ehe.”
^ Loo “okojomɔi.”
^ Loo “Ebuuu ehenyɛlɔi lɛ fɛɛ akɛ nɔ ko.”
^ Loo “Mididãŋ kɔkɔɔkɔ.”
^ Loo “koo hayii teŋ.”
^ Loo “awusã.”
^ Loo “awusãi.”
