Lalai 1:1-6

  • Jalɔi agbɛ kɛ mɛi fɔji agbɛ

    • Nyɔŋmɔ mla lɛ kanemɔ hãa mɔ náa miishɛɛ (2)

    • Jalɔi tamɔ tso ni woɔ yibii yɛ ebe mli (3)

    • Mɛi fɔji tamɔ ŋmaa he totoi ni kɔɔyɔɔ eloo kɛtee (4)

1  Gbɔmɔ ni enyiɛɛɛ mɛi fɔji aŋaawoo sɛɛ,Ni edamɔɔɔ eshafeelɔi agbɛ nɔ,+Ni etaaa hefɛoyelɔi ateŋ lɛ yɛ miishɛɛ.+  2  Ejaakɛ Yehowa mla lɛ he emii shɛɔ,+Ni ekaneɔ Nyɔŋmɔ mla lɛ ni ejwɛŋɔ nɔ* jetsɛremɔ kɛ jenamɔ.+  3  Ebaafee tamɔ tso ni adu* yɛ fai atoi,Ni woɔ yibii yɛ ebe mli,Ni enɔ bai gbiii. Ni nɔ fɛɛ nɔ ni efeɔ lɛ yeɔ omanye.+  4  Mɛi fɔji lɛ tamɔɔɔ nakai;Amɛ lɛ, amɛtamɔ ŋmaa* he totoi* ni kɔɔyɔɔ loɔ kɛyaa.  5  No hewɔ ni mɛi fɔji yeŋ bem yɛ kojomɔ mli lɛ;*+Hɛɛ, anaŋ eshafeelɔi yɛ he ni jalɔi ebua amɛhe naa yɛ.+  6  Ejaakɛ Yehowa le jalɔi agbɛ lɛ,+Shi mɛi fɔji lɛ kɛ gbɛ ni amɛkɔ lɛ fɛɛ hiɛ baakpãtã.+

Shishigbɛ Niŋmaa

^ Loo “ekaneɔ Nyɔŋmɔ mla lɛ ablɛbiaŋ.”
^ Loo “atɛo.”
^ Ŋmaa ní awieɔ he yɛ biɛ lɛ ji wiiti, abele, omɔ, kɛ amɛhenɔi lɛ eko.
^ Loo “amɛtamɔ tutuu.”
^ Loo “No hewɔ ni mɛi fɔji lɛ damɔŋ shi yɛ kojomɔ mli lɛ.”

Mlai ni yɔɔ wolo nɛɛ he