Hiob 9:1-35

  • Hiob naajiemɔ (1-35)

    • Gbɔmɔ adesa nyɛŋ ekɛ Nyɔŋmɔ atswa (2-4)

    • ‘Nyɔŋmɔ feɔ nibii ni anyɛɛɛ naa ana’ (10)

    • Mɔ ko nyɛŋ ekɛ Nyɔŋmɔ ataa naa (32)

9  Hiob jie naa akɛ:  “Anɔkwa, mile akɛ nakai enɛ ji. Shi te aaafee tɛŋŋ ni gbɔmɔ adesa* sane aaaja kɛ́ ekɛ Nyɔŋmɔ miiye sane?+   Kɛ́ mɔ ko miisumɔ ni ekɛ lɛ* ataa naa lɛ,*+Nakai mɔ lɛ nyɛŋ ehã saji akpe ni ebaabi lɛ mli ekome folo po hetoo.   Hiɛshikalɔ ji lɛ yɛ etsui mli, ni eyɛ hewalɛ kpele.+ Namɔ baanyɛ ate shi awo lɛ ní eyeee ehe awui?+   Etsirɛɔ* gɔji ni mɔ ko mɔ ko leee;Etsɔmɔɔ amɛ ebumɔɔ shi yɛ emlifu lɛ mli.   Ehosoɔ shikpɔŋ lɛ kɛjeɔ egbɛhe lɛ,Ni no hãa ekulashiŋi lɛ kpokpoɔ.+   Efãa hulu lɛ ní ekatsoNi esɔo ŋulamii lɛ akpɛmɔ lɛ naa;+   Lɛ diɛŋtsɛ elɛɔ ŋwɛii lɛ amli,+Ni enyiɛɔ ŋshɔkei ni kwɔlɔ lɛ anɔ.+   Lɛ efee Ash ŋulamiku* lɛ kɛ Kesil ŋulamiku* lɛ kɛ Kima ŋulamiku* lɛ,+Kɛ ŋulamikui ni yɔɔ wuoyigbɛ ŋwɛiniiaŋ* lɛ hu; 10  Efeɔ nibii wuji ni anyɛɛɛ naa ana,+Nibii ni yɔɔ naakpɛɛ ni anyɛŋ akane amɛyibɔ.+ 11  Etsɔɔ mihe kɛhoɔ, ni minaaa lɛ;Ehoɔ mihe, shi miyooo lɛ. 12  Kɛ́ eshɔ̃ nɔ ko lɛ, namɔ baanyɛ enaa atsĩ? Namɔ baanyɛ ekɛɛ lɛ akɛ, ‘Mɛni ofeɔ nɛɛ?’+ 13  Nyɔŋmɔ etsĩŋ emlifu lɛ naa;+Mɛi ni yeɔ amɛbuaa Rahab*+ lɛ po baakoto shi yɛ ehiɛ. 14  Belɛ, kɛ́ mahã lɛ hetoo lɛEsa akɛ mahala miwiemɔi lɛ jogbaŋŋ koni mikɛ lɛ atao naa! 15  Kɛ́ misane ja po, mihãŋ lɛ hetoo.+ Fai moŋ makpa mikojolɔ* lɛ ni ena mi mɔbɔ. 16  Kɛji mibo mitsɛ lɛ lɛ, ani ebaahã mi hetoo? Miheee miyeee akɛ ebaabo migbee toi, 17  Ejaakɛ ekɛ ahum kumɔɔ mi dukudukuNi ehãa mifaji lɛ faa yakatswaa.+ 18  Ehãaa maná mumɔhe;Eyaa nɔ ekɛ nibii ni joɔ woɔ mimli obɔ. 19  Kɛ́ aaye lɛ hewalɛ naa lɛ, lɛ ji hewalɔ lɛ.+ Kɛ́ aaye lɛ jalɛ sane naa lɛ, ekɛɔ akɛ: ‘Namɔ baanyɛ ahã mabajie minaa yɛ ehiɛ?’* 20  Kɛji misane ja po, mi diɛŋtsɛ minaabu baabu mi fɔ;Kɛ́ mihiɛ minɔkwayeli lɛ mli* po, ebaabu mi fɔ.* 21  Kɛ́ mihiɛ minɔkwayeli lɛ mli* po, mibɛ hekɛnɔfɔɔ yɛ mimli;*Misumɔɔɔ* miwala nɛɛ. 22  Fɛɛ lɛ, ekome ni. No hewɔ mikɛɔ akɛ,‘Ekpãtãa mɛi ni efeko efɔŋ ko* kɛ mɛi fɔji fɛɛ ahiɛ’ lɛ. 23  Kɛ́ nu afua ba gidigidi ni ebagbe mɛi trukaa lɛ,Ebaaŋmɔ mɛi ni efeko efɔŋ ko ni ehao lɛ. 24  Atu shikpɔŋ lɛ awo mɛi fɔji adɛŋ;+Ehaa enɔ kojolɔi lɛ ahiɛ.* Kɛjeee lɛ ni lɛ, belɛ namɔ ni mɔ? 25  Agbɛnɛ, migbii lɛ joɔ foi oyayaayai fe foidalɔ;+Amɛhoɔ oya ní amɛnaaa nɔ kpakpa ko. 26  Amɛhoɔ tamɔ lɛji ni akɛ gãlã fee,Tamɔ okropɔŋi ni shaa shi kɛbaa kooloi ni amɛtaoɔ amɛmɔ lɛ anɔ. 27  Kɛji mikɛɛ akɛ, ‘Majie mijwɛŋmɔ yɛ mihaomɔ lɛ nɔ,Matsake miwiemɔ, ni mafee mihiɛ ŋmɔlɔŋmɔlɔ’ lɛ, 28  Mashe gbeyei kɛ̃ yɛ mipiŋmɔi lɛ fɛɛ ahewɔ,+Ni mile akɛ, obuŋ mi bem.* 29  Abaabu mi fɔ.* No hewɔ lɛ, mɛni hewɔ esa akɛ magba mihe naa efolo?+ 30  Kɛji mikɛ snoo ni esere mli nu ju mihe,Ni mikɛ samala* fɔ midɛ̃ lɛ,+ 31  No po lɛ, okɛ mi baawo bu mli,Ni mi diɛŋtsɛ mitadei po baanyaŋe mi. 32  Ejaakɛ ejeee gbɔmɔ tamɔ mi ní mahã lɛ hetoo,Ní mikɛ lɛ fɛɛ baaya saneyelihe.+ 33  Mɔ ko mɔ ko bɛ ni baakojo wɔteŋ,*Ní ebaasɔmɔ akɛ wɔkojolɔ.* 34  Kɛ́ ebaakpa mi yii,*Ni ehãŋ ehe ŋmiŋmi lɛ awo mihe gbeyei lɛ,+ 35  No lɛ, mikɛ lɛ baawie ní misheee gbeyei,Ejaakɛ mijeee mɔ ni sheɔ gbeyei kɛ wiemɔ.

Shishigbɛ Niŋmaa

Loo “gbɔmɔ ni gboɔ.”
Ni ji, Nyɔŋmɔ.
Loo “ekɛ lɛ aya saneyelihe (kɔɔtu).”
Loo “Efamɔɔ.”
Eeenyɛ efee akɛ, no ji ŋulamiku ni atsɛɔ lɛ Great Bear (Ursa Major) lɛ.
Eeenyɛ efee akɛ, no ji ŋulamiku ni atsɛɔ lɛ Orion lɛ.
Eeenyɛ efee akɛ, no ji Pleiades ŋulamii ni yɔɔ Taurus ŋulamiku lɛ mli lɛ.
Hebri sht. ŋm., “wuoyigbɛ piai (sɛɛtsui) lɛ amli.”
Eeenyɛ efee akɛ, eji ŋshɔŋ loo wulu ko.
Shishitsɔɔmɔi komɛi kɛɔ akɛ, “mɔ ni mikɛyeɔ sane yɛ saneyelihe.”
Hebri sht. ŋm., “Namɔ baanyɛ atsɛ mi saneyeli?”
Loo “Kɛ́ mifeko efɔŋ ko.”
Hebri sht. ŋm., “ebaabu mi mɔ ni ekɔ̃dɔ.”
Loo “Kɛ́ mifeko efɔŋ ko.”
Loo “mileee misusuma.”
Loo “Minyaŋeɔ; Mikpoɔ.”
Loo “mɛi ni yeɔ anɔkwa.”
Loo “kojolɔi lɛ ahiŋmɛii anɔ.”
Loo “obuŋ mi mɔ ni sane fɔŋ ko bɛ ehe.”
Hebri sht. ŋm., “Abaabu mi mɔ fɔŋ.”
Loo “potash,” ni ji samala henɔ ko ni akɛ lamulu feɔ.
Loo “Teŋdaamɔlɔ ko bɛ kɛhã wɔ.”
Hebri sht. ŋm., “Ní kɛ enine baaŋmɛ wɔyi enyɔ lɛ fɛɛ nɔ.”
Hebri sht. ŋm., “ebaajie etso lɛ yɛ minɔ.”