Hiob 7:1-21

  • Hiob tsa enaajiemɔ lɛ nɔ (1-21)

    • Wala tamɔ nitsumɔ ni wa ni anyɛɔ mɔ nɔ ni etsu (1, 2)

    • “Mɛni hewɔ ojie ohiɛ oka mi?” (20)

7  “Gbɔmɔ adesa* wala shihilɛ yɛ shikpɔŋ lɛ nɔ lɛ, ani etamɔɔɔ nitsumɔ ni wa ni anyɛɔ mɔ nɔ ni etsu,Ni egbii lɛ hu tamɔɔɔ apaafonyo gbii?+   Etaoɔ hɔɔŋ tamɔ nyɔŋ feɔ lɛ,Ni emɛɔ enyɔmɔwoo tamɔ apaafonyo feɔ lɛ.+   Nakai nɔŋŋ ahã miwala efee nɔ ni sɛɛnamɔ ko bɛ he nyɔji abɔ nɛ,Ni akane jenamɔi babaoo kɛ amɛmli haomɔi ahã mi.+   Kɛ́ mikã shi lɛ, mibiɔ akɛ, ‘Mɛɛ be mate shi?’+ Shi nyɔɔŋ lɛ sɛɛ jekɛɔ, ni mibabalaa shi aahu kɛyashiɔ je tsɛreɔ.   Miheloo fɛɛ ewo gɔgɔmii kɛ muji ni efimɔ kpɔbiikpɔbii;+Mihewolo nɔ eyi kɛ faji ni hiɛ emɔmɔ akaka kɛ faji amli nu.+   Migbii lɛ hoɔ oyayaayai fe tso ni mamalolɔ kɛloɔ mama,+Ni amɛbaa naagbee ní hiɛnɔkamɔ ko bɛ.+   Kaimɔ akɛ miwala lɛ, kɔɔyɔɔ ni,+Ni mihiŋmɛi enaŋ miishɛɛ* dɔŋŋ.   Hiŋmɛi ni naa mi amrɔ nɛɛ enaŋ mi dɔŋŋ;Ohiŋmɛii baatao mi, shi no mli lɛ mitee.+   Bɔ ni atatu tseɔ fiofio ni elaajeɔ lɛ,Nakai nɔŋŋ mɔ ni kpelekeɔ shi kɛyaa Gbonyobu* lɛ mli lɛ ekuuu esɛɛ kɛbaaa dɔŋŋ.+ 10  Ekuŋ esɛɛ kɛbaŋ eshĩa dɔŋŋ,Ni he ni eyɔɔ lɛ kaiŋ lɛ dɔŋŋ.+ 11  No hewɔ lɛ, mifeŋ diŋŋ. Mawie yɛ mimumɔ ni werɛ eho ehe waa lɛ mli;Mafã minaa yɛ haomɔ ni mihao waa* lɛ mli!+ 12  Ani ŋshɔ ji mi, aloo ŋshɔŋ loo agbo ko ji miHewɔ ni otoɔ bulɔ yɛ mihe lɛ? 13  Kɛji mikɛɛ akɛ, ‘Misaa lɛ baashɛje mimii;Misaatso lɛ baawa koni miwerɛhoyeli lɛ naa aba shi’ lɛ, 14  Kɛkɛ lɛ, okɛ lamɔi miiwo mihe gbeyei,Ni okɛ ninai hu woɔ mihe gbeyei, 15  No hewɔ lɛ, masumɔ ni mimumɔ naa atsĩ,*Hɛɛ, masumɔ gbele moŋ fe nɛkɛ migbɔmɔtso nɛɛ.*+ 16  Minyaŋeɔ miwala;+ Misumɔɔɔ maya nɔ mahi wala mli. Ŋmɛɛmɔ mihe, ejaakɛ migbii lɛ tamɔ mumɔ ni amuɔ.+ 17  Mɛni ji gbɔmɔ adesa,* hewɔ ni osusuɔ eheNi okɛ ojwɛŋmɔ maa* enɔ?+ 18  Mɛni hewɔ okwɛɔ lɛ daa leebiNi okaa lɛ okwɛɔ hiŋmɛitswaa fɛɛ hiŋmɛitswaa lɛ?+ 19  Ani ojieŋ ohiɛ yɛ minɔNi oŋmɛŋ mihe be kplaŋŋ koni manyɛ mami misɛ̃ŋ nu?*+ 20  Kɛji mifee esha lɛ, te mafee tɛŋŋ maye bo awui, bo mɔ ni okwɛɔ adesai?+ Mɛni hewɔ ojie ohiɛ oka mi? Ani mitsɔ jatsu mihã bo? 21  Mɛni hewɔ okɛ mimlatɔmɔ lɛ ekeee miNi okɛ mitɔmɔ lɛ hu ekeee mi? Ejaakɛ etsɛŋ, mayakã shi yɛ sũ* lɛ mli,+Ni obaatao mi, shi no mli lɛ mitee.”

Shishigbɛ Niŋmaa

Loo “Gbɔmɔ ni gboɔ.”
Hebri sht. ŋm., “enaŋ nɔ kpakpa.”
Hebri mli lɛ, “Sheol,” ni ji, mfonirifeemɔŋ gbonyobu kome kɛhã adesai. Kwɛmɔ Wiemɔi Titrii Amligbalamɔ lɛ.
Loo “yɛ misusuma ni ehao waa.”
Loo “misusuma baasumɔ ni emumɔ naa atsĩ.”
Hebri sht. ŋm., “fe miwui.”
Loo “gbɔmɔ ni gboɔ.”
Hebri sht. ŋm., “okɛ otsui fɔ̃ɔ.”
Loo “mami milajɔ̃.”
Hebri sht. ŋm., “mulu.”