Hiob 6:1-30

  • Hiob naajiemɔ (1-30)

    • Etsɔɔ akɛ eja gbɛ akɛ ebaabolɔ (2-6)

    • Emiishɛjelɔi lɛ yeee anɔkwa (15-18)

    • “Anɔkwa wiemɔi edɔɔɔ mɔ!” (25)

6  Ni Hiob jie naa akɛ:  “Miná kulɛ, aŋmɛ mihejaramɔ+ lɛ akwɛNí akɛ no kɛ mimanehulu lɛ fɛɛ wo nsɛni mli!   Ejaakɛ agbɛnɛ etsii fe ŋshɔnaa shia. No hewɔ ni miwieɔ kɛkɛ* lɛ.+   Ejaakɛ Ofe lɛ gãimlibii lɛ etsurɔ mi,Ni mimumɔ miinu amɛnaa pɔizin lɛ;+Gbeyei nibii ni jɛ Nyɔŋmɔ ŋɔɔ eto sɛrɛnɛɛ amɛwo mi.   Ani ŋa mli teji+ bolɔɔ kɛ́ ená jwɛi,Aloo tsina bolɔɔ waa kɛ́ ená niyenii?   Ani ayeɔ niyenii mutɛ ni ŋoo bɛ mli,Aloo ŋɔɔmɔ ko yɛ malo tso* mli nu mli?   Misumɔɔɔ ni mata* nibii tamɔ enɛɛmɛi ahe. Amɛtamɔ niyenii ni efite kɛhã mi.   Ao, miná kulɛ minine shɛ minibimɔ lɛ nɔNí Nyɔŋmɔ hã mi nɔ ni mishweɔ lɛ!   Miná kulɛ Nyɔŋmɔ kpɔtɔ mi,Ní ekpã enine mli ekpãtã mihiɛ!+ 10  Ejaakɛ kulɛ no po baashɛje mimii;Kulɛ matumɔ kɛ miishɛɛ yɛ mipiŋmɔ ni sɛɛ efooo lɛ fɛɛ sɛɛ,Ejaakɛ mikpooko Mɔ Krɔŋkrɔŋ+ lɛ wiemɔi lɛ. 11  Ani miyɛ hewalɛ ni mikɛbaaya nɔ mamɛ?+ Ni te minaagbee aaafee tɛŋŋ, hewɔ ni esa akɛ maya nɔ mahi wala mli* lɛ? 12  Ani mihewalɛ tamɔ tɛ hewalɛ? Aloo miheloo lɛ akɔɔble akɛfee? 13  Ani gbɛ ko yɛ ni matsɔ nɔ maye mabua miheBe ni ajie nɔ fɛɛ nɔ ni yeɔ ebuaa mi lɛ kɛje mihe lɛ? 14  Mɔ fɛɛ mɔ ni ejieee suɔmɔ ni tsakeee kpo etsɔɔɔ enyɛmi gbɔmɔ lɛ,+Ebaakpa Ofe lɛ gbeyei shemɔ.+ 15  Mi diɛŋtsɛ minyɛmimɛi yeee anɔkwa+ tamɔ fɛ̃i beiaŋ faa,Tamɔ fɛ̃i beiaŋ fai amli nu ni gbiɔ lɛ. 16  Aisi ehã amɛdi,Ni snoo ni miisere lɛ etee ehe yɛ amɛmli. 17  Shi kɛ́ be shɛ lɛ, amɛmli nu tãa ni amɛbaa naagbee;Kɛ́ jeŋ dɔ lɛ, amɛgbiɔ. 18  Amɛgbɛ lɛ gbáa kɛtsɔɔ he kroko;Amɛhoɔ kɛyaa shia ŋa lɛ nɔ ni amɛlaajeɔ. 19  Tema+ gbɛfalɔi lɛ taoɔ amɛ;Ni gbɛfalɔi ni jɛ Sheba*+ lɛ mɛɔ amɛ. 20  Amɛhiɛ gboiɔ akɛni amɛkɛ amɛhiɛ fɔ̃ amɛnɔ efolo lɛ hewɔ;Kɛ́ amɛba jɛmɛ lɛ, amɛnine nyɛɔ shi. 21  Ejaakɛ nɛkɛ ji bɔ ni nyɛji kɛhã mi;+Nyɛna bɔ ni mimanehulu lɛ yɔɔ gbeyei hã, ni nyɛmiishe gbeyei.+ 22  Ani mikɛɛ akɛ, ‘Nyɛhãa mi nɔ ko,’ Aloo mibi ni nyɛkɛ nii ni nyɛyɔɔ lɛ eko ayake mɔ ko nyɛhã mi? 23  Ani mibi ni ajie mi kɛje henyɛlɔ ko dɛŋAloo ahere* mi kɛje yiwalɔi adɛŋ? 24  Nyɛtsɔa mi, ni mafee diŋŋ;+Nyɛwaa mi ni mana mitɔmɔ lɛ. 25  Anɔkwa wiemɔi edɔɔɔ mɔ!+ Shi mɛɛ sɛɛnamɔ yɔɔ jajemɔ ni nyɛjajeɔ mi lɛ he?+ 26  Ani nyɛmiitsɔ ŋaa ni nyɛjaje wiemɔi ni miwieɔ lɛ,Nuu ni ehao lɛ wiemɔi+ ni kɔɔyɔɔ wóɔ lɛ kɛyaa lɛ? 27  Nyɛbaafɔ̃ awusã hu nɔ oshiki,+Ni nyɛbaahɔ̃ɔ nyɛ diɛŋtsɛ nyɛnaanyo!*+ 28  No hewɔ lɛ, agbɛnɛ, nyɛtsɔa nyɛhe nyɛkwɛa mi,Ejaakɛ mimaleŋ yɛ nyɛhiɛ kɔkɔɔkɔ. 29  Nyɛfainɛ, nyɛsusua nii ahe ekoŋŋ—nyɛkakojoa mi bɔ ni esaaa—Hɛɛ, nyɛsusua nii ahe ekoŋŋ, ejaakɛ mihiɛ mijalɛ lɛ mli kpɛŋŋ lolo. 30  Ani mililɛi miiwie nɔ ko ni ejaaa? Ani kɛ́ nɔ ko ejaaa lɛ, midaa kɔɔɔ sɛɛ?

Shishigbɛ Niŋmaa

Loo “mihaa shi kɛwieɔ; miwieɔ kpɛŋkpɛŋ.”
Eji tso ko kɛ emli nu kplãlee ni ŋɔɔmɔ bɛ mli.
Loo “Misusuma sumɔɔɔ ni etaa.”
Loo “esa akɛ mahã miwala (misusuma) sɛɛ atsɛ.”
Loo “Sabeabii gbɛfalɔi akuu.”
Hebri sht. ŋm., “akpɔ̃.”
Loo “nyɛbaaye nyɛ diɛŋtsɛ nyɛnaanyo yi jara.”