Hiob 41:1-34

  • Nyɔŋmɔ wie Leviatan ni hãa mɔ naa kpɛɔ ehe lɛ he (1-34)

41  “Ani obaanyɛ okɛ kpoŋ asha Leviatan*+Aloo obaanyɛ okɛ kpãa afi elilɛi kɛkpɛtɛ shi?   Ani obaanyɛ owo egugɔŋ kpãa*Aloo obaanyɛ okɛ kpoŋ* agbu ekadaa?   Ani eeekpa bo fai babaoo,Aloo ekɛ bo aaawie naajɔlɛ wiemɔi?   Ani ekɛ bo aaakpaŋ kpaŋmɔ,Koni okɛ lɛ afee onyɔŋ kɛya naanɔ?   Ani okɛ lɛ aaashwɛ tamɔ akɛ loofɔlɔ shwɛɔ lɛ,Aloo okɛ kpãa aaafi lɛ ohã obiyei bibii lɛ?   Ani jarayelɔi aaaye enaa? Ani amɛaajara emli amɛhã guɔyelɔi?   Ani okɛ akpɔlɔi aaawo ehewojiaŋ obɔ,+Aloo okɛ wuoyaa akpɔlɔi aaawo eyitsoŋ obɔ?   Okɛ onine aŋmɛ enɔ;Obaakai ta lɛ, ni ofeŋ nakai dɔŋŋ!   Hiɛnɔkamɔ fɛɛ hiɛnɔkamɔ ni mɔ ko aaaná akɛ ebaaye enɔ lɛ baafee efolo. Kɛ́ ona lɛ pɛ, kɛkɛ lɛ ojijaa.* 10  Mɔ ko mɔ ko ekaŋ akɛ eeewo ehiɛ la. Belɛ, namɔ aaanyɛ mihiɛ adamɔ mɔ?+ 11  Namɔ etsɔ hiɛ ehã mi nɔ ko ní no hewɔ lɛ, esa akɛ mato lɛ najiaŋ?+ Nɔ fɛɛ nɔ ni yɔɔ ŋwɛi shishi lɛ, minɔ ni.+ 12  Maya nɔ mawie enaji,Ehewalɛ kpele kɛ egbɔmɔtso ni afee lɛ jogbaŋŋ lɛ he. 13  Namɔ enyɛ ejie ehehaanɔ lɛ? Namɔ aaanyɛ ekadai ní egbɛ mli lɛ amli abote? 14  Namɔ aaanyɛ ekɛ hewalɛ agbele enaabu* shinai lɛ? Edaaŋ nyanyɔji lɛ fɛɛ ahe yɛ gbeyei. 15  Eyɛ he totoi ní ato amɛnaa sɛrɛnɛisɛrɛnɛi yɛ esɛɛ*Ni asɔo amɛnaa kpɛŋŋ. 16  Eko tsa eko nɔ kpaakpaBɔ ni kɔɔyɔɔ ko kɔɔyɔɔ ko nyɛŋ atsɔ amɛteŋ. 17  Eko kpɛtɛ eko;Amɛkpɛtɛkpɛtɛɛ amɛhe kpaakpa, ni anyɛŋ atse amɛteŋ. 18  Kɛ́ etsine lɛ, la kpɛɔ,Ni ehiŋmɛii tamɔ la ni jeɔ kɛ́ je miitsɛre. 19  Sarawagbalamɔi jɛɔ edaaŋ;La kpɛlɛmɔi jeɔ kpo kɛjɛɔ mli. 20  Lasu fãa kɛjɛɔ egugɔŋ,Tamɔ flɔnɔɔ ni akɛ jwɛi* eshɛre la yɛ mli. 21  Mumɔ ni emuɔ lɛ tsɛ̃ɔ ŋai,Ni lalilɛi fãa kɛjɛɔ edaaŋ. 22  Hewalɛ kpele yɛ ekuɛ mli,Ni gbeyeishemɔ joɔ foi yɛ ehiɛ. 23  Eheloo ni ekumɔ etara nɔ lɛ kpɛtɛkpɛtɛɛ amɛhe kpɛŋŋ;Amɛwa waa yɛ ehe, oookɛɛ dade ní anyɛŋ akpɔ. 24  Etsui wa tamɔ tɛ,Hɛɛ, ewa tamɔ wiɛtɛ. 25  Kɛji ewó ehe nɔ lɛ, kãkãlɔi po sheɔ gbeyei;Bɔ ni ekãnyaa ehe lɛ hãa ŋmiŋmi mɔɔ mɔ. 26  Klante fɛɛ klante ni baasa ehe lɛ nyɛŋ lɛ nɔ ko afee;Ni akpɔlɔ loo gãimlibi loo tawuu nii kroko hu nyɛŋ lɛ nɔ ko afee.+ 27  Dade tamɔ jwɛi kɛhã lɛ,Ni akɔɔble hu tamɔ tso ni ekpɔtɔ kɛhã lɛ. 28  Gãimlibi wooo lɛ foi;Akromia tɛi tsɔmɔɔ tamɔ ŋmaa* tsei kɛhãa lɛ. 29  Tsokpoti tamɔ ŋmaa tso kɛhã lɛ,Ni kɛ́ enu akpɔlɔ kuku gbɛɛmɔ lɛ, eŋmɔɔ. 30  Emlishi tamɔ gbɛ́koi ni naa bala;Etsɔɔ ŋmɔtɔ mli kɛhoɔ ni eshiɔ okadii yɛ esɛɛ, tamɔ ŋmaagbeemɔ tsɔne.+ 31  Ehãa nu ni mli kwɔ lɛ tswaa tamɔ nu ni yɔɔ kukwɛi mli;Etaa ŋshɔ lɛ mli tamɔ mu gbɛ́. 32  He ni etsɔɔ lɛ, jɛmɛ kpɛlɛɔ. Mɔ ko baasusu akɛ nu ni mli kwɔ lɛ eje waŋ. 33  Nɔ ko nɔ ko bɛ ni tamɔ lɛ yɛ shikpɔŋ lɛ nɔ,Eji bɔɔ nɔ ni afee lɛ ní ekashe nɔ ko nɔ ko gbeyei. 34  Etsuɔ ehiŋmɛii eshwieɔ nɔ fɛɛ nɔ ni wóɔ ehe nɔ lɛ nɔ. Lɛ ji ŋa mli kooloi wuji lɛ fɛɛ amaŋtsɛ.”

Shishigbɛ Niŋmaa

Eeenyɛ efee akɛ, no ji baa.
Hebri sht. ŋm., “rush.” Rush ji jwɛi henɔ ko ni kwɛ̃ɔ yɛ hei ni nui yɔɔ ni akɛloɔ taŋkpei.
Hebri sht. ŋm., “ŋmei.”
Loo “otswa shi.”
Hebri sht. ŋm., “ehiɛ.”
Shishitsɔɔmɔi komɛi kɛɔ akɛ, “Eshwãa nii ji ehe totoi ni ato amɛnaa sɛrɛnɛisɛrɛnɛi lɛ.”
Hebri sht. ŋm., “rush.” Rush ji jwɛi henɔ ko ni kwɛ̃ɔ yɛ hei ni nui yɔɔ ni akɛloɔ taŋkpei.
Ŋmaa ní awieɔ he yɛ yitso nɛɛ mli lɛ ji wiiti, abele, omɔ, kɛ amɛhenɔi lɛ eko.