Hiob 38:1-41

  • Yehowa hã ana akɛ gbɔmɔ jeee nɔ ko kwraa (1-41)

    • ‘Be ni abɔ shikpɔŋ lɛ, nɛgbɛ oyɔɔ?’ (4-6)

    • Nyɔŋmɔ bihii lɛ bolɔ kɛ miishɛɛ (7)

    • Saji ni abi yɛ adebɔɔ nifeemɔi ahe (8-32)

    • “Mlai ni kudɔɔ ŋwɛi” (33)

38  Kɛkɛ ni Yehowa jie Hiob naa kɛjɛ ahum mli ekɛɛ:+   “Namɔ hu nɛ, ni etsĩɔ miyiŋtoo naaNi ewieɔ ní nilee bɛ mli nɛɛ?+   Ofainɛ, saamɔ ohe odamɔ shi tamɔ nuu;Mabi bo nii, ní otsɔɔ mi.   Be ni mito shikpɔŋ lɛ shishi lɛ, nɛgbɛ oyɔɔ?+ Kɛji osusuɔ akɛ ole lɛ, kɛɛmɔ mi.   Namɔ tsɔɔ bɔ ni esusumɔi lɛ aji, ani ole,Aloo namɔ kpã susumɔ kpãa mli yɛ nɔ?   Mɛni mli akɛ enɔdaamɔnii lɛ hɔlɔ,Aloo namɔ kɛ ekoŋtɛ lɛ ma shi,+   Be ni leebi ŋulamii+ lɛ fɛɛ kwa nya waa,Ní Nyɔŋmɔ bihii*+ lɛ fɛɛ bolɔ kɛ miishɛɛ lɛ?   Ni namɔ kɛ shinai ŋa ŋshɔ lɛ naa+Be ni etue kɛje musuŋ lɛ,   Be ni mikɛ atatui wo lɛ tamɔ atadeNí mikɛ duŋ kpii bala ehe tamɔ mama lɛ, 10  Be ni mifo husu mihã lɛNí mikɛ edabaŋi* kɛ eshinai lɛ wo amɛgbɛhe lɛ,+ 11  Ní mikɛɛ, ‘Biɛ nɛɛ obashɛ, ni okaho he;Biɛ ji he ni oshɔkei ní holeɔ amɛhe nɔ lɛ abawa’ lɛ?+ 12  Ani ofã ní leebi aba* pɛŋ,Aloo ohã leebi maŋkpa ele egbɛhe,+ 13  Koni emɔ shikpɔŋ lɛ naagbeehei lɛ amliNí ehwãnya mɛi fɔji kɛje nɔ eshwie?+ 14  Etsakeɔ tamɔ sũ yɛ niianaasɔomɔnɔ shishi,Ni enɔ nibii lɛ jeɔ kpo faŋŋ tamɔ atade mli samai. 15  Shi aheɔ mɛi fɔji ala lɛ yɛ amɛdɛŋ,Ni akuɔ amɛnine ni amɛwó nɔ lɛ. 16  Ani okpeleke shi kɛtee ŋshɔ lɛ jɛɛhei lɛ pɛŋ,Aloo oyashara shi yɛ nui ni mli kwɔlɔ lɛ amli dã?+ 17  Ani ajie gbele agbói+ lɛ atsɔɔ bo dã,Aloo ona duŋ kpii* agbói lɛ hu?+ 18  Ani onuɔ bɔ ni shikpɔŋ lɛ kã shi shwaŋŋ lɛ shishi?+ Kɛji ole enɛɛmɛi fɛɛ lɛ, kɛɛmɔ mi. 19  Nɛgbɛ tuuntu la yɔɔ?+ Ni nɛgbɛ ji he ni duŋ yɔɔ, 20  Ní okɛ lɛ baaya ekpokpaa nɔNí onu gbɛi ni yaa eshĩa lɛ shishi? 21  Ani ole enɛ, akɛni no mli lɛ afɔ boNí ofii* lɛ fa babaoo lɛ hewɔ? 22  Ani obote snoo toohei lɛ pɛŋ,+Aloo ona nyɔŋmɔŋtɛ toohei lɛ dã,+ 23  Nii ni mikɛto mihã haomɔ be,Kɛ nɔmɔ kɛ tawuu gbi lɛ?+ 24  Nɛgbɛ tuuntu la* jɛɔ egbɛɔ eshwãa,Ni nɛgbɛ bokã kɔɔyɔɔ lɛ jɛɔ etswaa yɛ shikpɔŋ lɛ nɔ?+ 25  Namɔ gbáa nujɔɔ ehãa nu afuaNi egbáa gbɛ ehãa nugbɔ ní woɔ lutulutu kɛ nugbɔshiimɔi lɛ,+ 26  Koni nugbɔ anɛ yɛ he ni gbɔmɔ ko gbɔmɔ ko bɛ,Yɛ ŋa nɔ he ni adesai bɛ,+ 27  Koni ehã shikpɔji ni etsɔmɔ amaŋfɔ lɛ atɔNi ehã jwɛi akwɛ̃?+ 28  Ani nugbɔnɛmɔ yɛ tsɛ,+Aloo namɔ ji bɔ́ kulibii atsɛ?+ 29  Namɔ musu mli aisi jɛ kɛba,Ni namɔ fɔ nutɛi ni yɔɔ ŋwɛi lɛ+ 30  Be ni atsĩ nui lɛ anɔ oookɛɛ akɛ tɛ tsĩ nɔ,Ní nui ni mli kwɔlɔ lɛ ahiɛ shɔ̃ keketee lɛ?+ 31  Ani obaanyɛ ofĩ Kima ŋulamiku* lɛ kpãi lɛ,Aloo obaanyɛ ofɛne Kesil ŋulamiku* lɛ kpãi lɛ?+ 32  Ani obaanyɛ onyiɛ ŋulamiku hiɛ* kɛje kpo yɛ ebe ni ato lɛ mli,Aloo obaanyɛ otsɔɔ Ash ŋulamiku* lɛ kɛ ebii lɛ gbɛ? 33  Ani ole mlai ni kudɔɔ ŋwɛi,+Aloo obaanyɛ ohã amɛye* shikpɔŋ lɛ nɔ? 34  Ani obaanyɛ owó ogbee nɔ owo atatui lɛKoni ohã nu afua abaha onɔ?+ 35  Ani obaanyɛ otsu sarawagbalamɔi? Ani amɛbaaba ní amɛbakɛɛ bo akɛ, ‘Naa wɔ!’? 36  Namɔ ŋɔ hiɛshikamɔ ewo atatui lɛ amli*+Aloo eŋɔ niiashishinumɔ ehã naakpɛɛ nii ni yɔɔ ŋwɛi* lɛ?+ 37  Namɔ hiɛ kã shi bɔ ni ebaanyɛ atatui lɛ ekane,Aloo ebaanyɛ ekpoo nu kɔɔpoi wuji ni yɔɔ ŋwɛi lɛ anaa shi+ 38  Ní mulu lɛ aho ní efĩ tamɔ ŋmɔtɔ,Ní shikpɔŋ lɛ nɔ sũ kulibii lɛ akpɛtɛ amɛhe? 39  Ani obaanyɛ ogbɔbi kooloo ohã jataAloo obaanyɛ ohã jatahii* aye nii amɛtɔrɔ+ 40  Be ni amɛdɛkɛɔ shi yɛ amɛshihilɛhei lɛNí amɛbumɔɔ shi ni amɛwoɔ ka yɛ amɛbui amli lɛ? 41  Namɔ saa niyenii etoɔ kwaakwaalabite+Be ni ebii bibii lɛ bolɔɔ amɛtsɛɔ Nyɔŋmɔ kɛhã yelikɛbuamɔ,Ní amɛtsomloɔ akɛni nɔ ko nɔ ko bɛ ni amɛbaaye hewɔ lɛ?

Shishigbɛ Niŋmaa

Eji Hebri fɔŋwiemɔ ni damɔ shi kɛhã ŋwɛibɔfoi lɛ.
Adabaŋ ji dade loo tso ni akɛbeleɔ shinaa loo agbó sɛɛ kɛlaa sɛɛ.
Hebri sht. ŋm., “Yɛ ogbii lɛ amli lɛ, ani ofã ní leebi aba.”
Loo “ona gbele hɔɔŋ.”
Hebri sht. ŋm., “ogbii.”
Shishitsɔɔmɔi komɛi kɛɔ akɛ, “sarawai.”
Eeenyɛ efee akɛ, no ji Pleiades ŋulamii ni yɔɔ Taurus ŋulamiku lɛ mli lɛ.
Eeenyɛ efee akɛ, no ji ŋulamiku ni atsɛɔ lɛ Orion lɛ.
Hebri sht. ŋm., “onyiɛ Mazarot hiɛ.” Wiemɔ nɛɛ henɔ ni afee lɛ pii ní akɛtsu nii yɛ 2Ma 23:5 lɛ kɔɔ ŋulamikui ni yɔɔ zodiak lɛ mli lɛ ahe.
Eeenyɛ efee akɛ, no ji ŋulamiku ni atsɛɔ lɛ Great Bear (Ursa Major) lɛ.
Shishitsɔɔmɔi komɛi kɛɔ akɛ, “eye.”
Shishitsɔɔmɔi komɛi kɛɔ akɛ, “ewo gbɔmɔ mli.”
Shishitsɔɔmɔi komɛi kɛɔ akɛ, “eŋɔ niiashishinumɔ ewo jwɛŋmɔ mli.”
Loo “jata oblahii.”