Hiob 37:1-24

  • Adebɔɔ hewalɛi hãa anaa Nyɔŋmɔ agbojee (1-24)

    • Nyɔŋmɔ baanyɛ efo adesai anitsumɔi asɛɛ (7)

    • ‘Jwɛŋmɔ Nyɔŋmɔ naakpɛɛ nitsumɔi lɛ ahe’ (14)

    • Adesai nyɛŋ anu Nyɔŋmɔ shishi kɔkɔɔkɔ (23)

    • Adesa ko akasusu akɛ ehiɛ kã shi (24)

37  “Enɛ hewɔ lɛ, mitsui tswaaNi etumɔɔ kɛjeɔ egbɛhe lɛ.   Nyɛboa bɔ ni egbee shiɔ waaKɛ nugbɔshiimɔ ni jɛɔ edaaŋ lɛ hu toi jogbaŋŋ.   Eŋmɛɔ he yɛ ŋwɛi muu lɛ fɛɛ shishiNi etsuɔ esarawai+ lɛ kɛyaa shikpɔŋ lɛ naagbeehei lɛ.   No sɛɛ lɛ, anuɔ gbɛɛmɔ ni naa wa waa;Ekɛ gbee wulu shimɔɔ,+Ni etsĩii sarawai lɛ anaa, kɛji anu egbee.   Nyɔŋmɔ kɛ egbee shimɔɔ+ yɛ gbɛ ni yɔɔ naakpɛɛ nɔ;Efeɔ nibii wuji ní wɔjwɛŋmɔ shɛɛɛ he.+   Ejaakɛ ekɛɔ snoo akɛ, ‘Nɛɛ oshwie shikpɔŋ lɛ nɔ,’+ Kɛ nugbɔnɛmɔ hu akɛ, ‘Nɛɛ waa.’+   Nyɔŋmɔ foɔ adesai anitsumɔi fɛɛ asɛɛ*Koni gbɔmɔ adesa fɛɛ gbɔmɔ adesa* ale enitsumɔ lɛ.*   Kooloi awuiyelɔi yaa amɛbui amliNi amɛhiɔ amɛshihilɛhei lɛ.   Ahum tswaa kɛjɛɔ esɛɛtsu mli,+Ni fɛ̃i hu jɛɔ kooyigbɛ kɔɔyɔi lɛ amli kɛbaa.+ 10  Mumɔ ni Nyɔŋmɔ muɔ lɛ hãa aisi baa,+Ni nui ni lɛɛlɛi lɛ shɔ̃ɔ keketee.+ 11  Hɛɛ, ehãa atatui lɛ tsiɔ kɛ nu;Ni egbɛɔ esarawai lɛ eshwãa+ atatui lɛ amli; 12  Amɛbɔleɔ shi yɛ he ni etsɔɔ amɛ gbɛ kɛyaa lɛ;Ni amɛyeɔ famɔ fɛɛ famɔ ni ekɛhãa amɛ lɛ nɔ+ yɛ shikpɔŋ ni gbɔmɛi yɔɔ nɔ* lɛ nɔ. 13  Kɛji toigbalamɔ* hewɔ jio,+ shikpɔŋ lɛ hewɔ jio,Aloo suɔmɔ ni tsakeee hewɔ jio lɛ, ehãa ebaa.+ 14  Bo enɛ toi, Hiob;Gbee diŋŋ ní ojwɛŋ Nyɔŋmɔ naakpɛɛ nitsumɔi lɛ ahe jogbaŋŋ.+ 15  Ani ole gbɛ ni Nyɔŋmɔ tsɔɔ nɔ ekudɔɔ* atatui lɛ,Kɛ bɔ ni ehãa sarawai gbalaa kɛjɛɔ etatu lɛ mli? 16  Ani ole bɔ ni feɔ ni atatui sɛŋɔ shi?+ Mɔ ni le nii jogbaŋŋ kɛmɔ shi lɛ naakpɛɛ nitsumɔi nɛ.+ 17  Mɛni hewɔ otadei lɛ amli dɔɔBe ni shikpɔŋ lɛ nɔ ejɔ diŋŋ yɛ wuoyigbɛ kɔɔyɔɔ lɛ hewɔ lɛ?+ 18  Ani obaanyɛ okɛ lɛ alɛɛ ŋwɛii amli*+Ní ewa tamɔ dade ashwishwɛ? 19  Tsɔɔmɔ wɔ nɔ ni wɔkɛɛ lɛ;Wɔnyɛŋ wɔhã hetoo, ejaakɛ wɔyɛ duŋ mli. 20  Ani esa akɛ akɛɛ lɛ akɛ miitao mawie? Aloo mɔ ko ewie nɔ ko ni esa akɛ akɛɛ lɛ?+ 21  Amɛnaaa la* lɛ po,Tsɛbelɛ eekpɛ waa yɛ ŋwɛi,Kɛyashi kɔɔyɔɔ bahoɔ ni eloɔ atatui lɛ kɛyaa. 22  Kpɛmɔ fɛfɛo ni tamɔ shika tsuru jɛɔ kooyigbɛ;Nyɔŋmɔ agbojee+ lɛ yɛ gbeyei. 23  Ofe lɛ, wɔnyɛŋ wɔnu lɛ shishi kɔkɔɔkɔ;+Eje agbo yɛ hewalɛ mli,+Ni ekɔ̃dɔ̃ɔɔ ejalɛsaneyeli+ kɛ ejalɛ nifeemɔi ni fa babaoo lɛ kɔkɔɔkɔ.+ 24  No hewɔ lɛ, esa akɛ gbɔmɛi ashe lɛ gbeyei.+ Ejaakɛ mɛi fɛɛ ni susuɔ akɛ hiɛshikalɔi ji amɛ* lɛ, ekwɛɛɛ amɛhiɛ po.”+

Shishigbɛ Niŋmaa

Hebri sht. ŋm., “Nyɔŋmɔ sɔoɔ adesa fɛɛ adesa nine naa.”
Loo “gbɔmɔ ni gboɔ fɛɛ gbɔmɔ ni gboɔ.”
Ni ji, Nyɔŋmɔ nitsumɔ lɛ.
Loo “shikpɔŋ lɛ nɔ hei ni baa nii.”
Hebri sht. ŋm., “tso.”
Loo “Nyɔŋmɔ tsɔɔ nɔ ekɛ famɔ hãa.”
Loo “okɛ lɛ atswia ŋwɛi nii.”
Ni ji, hulu lɛ.
Hebri sht. ŋm., “mɛi fɛɛ ni tsui hiɛ kã shi.”